`కార్తికేయ` సినిమాలు `ఖలేజా`కి కాపీ? భార్య మొహం మీదే చెప్పేసిందా?.. నిజాలు బయటపెట్టిన డైరెక్టర్‌

Khaleja-karthikeya: ఇటీవల `తండేల్‌`తో హిట్‌ అందుకున్న చందూ మొండేటి `కార్తికేయ` సినిమాలకు సంబంధించి ఓ షాకింగ్‌ విషయాన్ని బయటపెట్టారు. ఇవి `ఖలేజా` నుంచి తీసుకున్నానని చెప్పి షాకిచ్చారు.  

khaleja, karthikeya

Khaleja-karthikeya: నిఖిల్‌ హీరోగా చందూ మొండేటి దర్శకత్వంలో రూపొందిన `కార్తికేయ` సినిమా అప్పట్లో పెద్ద హిట్‌ అయ్యింది. థ్రిల్లర్‌, మైథలాజికల్‌ టచ్‌తో తెరకెక్కిన ఈ మూవీతో నిఖిల్‌ సక్సెస్‌ కొట్టాడు. అంతకు ముందు ఆయన వరుస పరాజయాల్లో ఉండగా, ఈ మూవీ కమ్‌ బ్యాక్‌ అయ్యేలా చేసింది. హీరోగా పుంజుకునేలా చేసింది. ఈ మూవీ హిట్‌ కావడంతో మూడేళ్ల క్రితం దీనికి సీక్వెల్‌ని తీసుకొచ్చారు. 

Karthikeya

ఈ మూవీ ఇండియా వైడ్‌గా పెద్ద హిట్‌ అయ్యింది. వంద కోట్లు వసూలు చేసింది. నిఖిల్‌కి పాన్‌ ఇండియా ఇమేజ్‌ తీసుకొచ్చింది. కృష్ణుడి తత్వం ఆధారంగా చేసుకుని ఈ మూవీని తెరకెక్కించారు దర్శకుడు చందూ మొండేటి.

అయితే ఈ రెండు సినిమాల్లో అసలు పాయింట్‌ కాపీనే అట. అది మహేష్‌ బాబు సినిమా `ఖలేజా` నుంచి కాపీ కొట్టినట్టు తెలిపారు చందూ మొండేటి. తాజాగా ఆయన షాకింగ్‌ నిజాలను బయటపెట్టాడు. 

Thandel Movie

చందూ మొండేటి ఇటీవల `తండేల్‌` సినిమాని రూపొందించిన విషయం తెలిసిందే. నాగచైతన్య, సాయిపల్లవి జంటగా నటించారు. మత్స్యకారుల జీవితాలను ఆధారంగా చేసుకుని తెరకెక్కించారు. ఈ మూవీ మంచి విజయాన్ని సాధించింది. వంద కోట్ల క్లబ్‌లో చేరింది.

నాగచైతన్యకి కెరీర్‌ బెస్ట్ హిట్‌ ని అందించింది. ఈ చిత్ర ప్రమోషన్స్ లో భాగంగా పలు ఇంటర్వ్యూలిచ్చాడు చందూ మొండేటి. ఇందులో `కార్తికేయ` సినిమాలు `ఖలేజా`కి కాపీ అనే విషయాన్ని వెల్లడించారు. 

ఖలేజా

అయితే ఆ విషయం ఇప్పటి వరకు ఎవరికీ తెలియదు. కానీ తన భార్య పట్టేసింది. `కార్తికేయ` సినిమాలు చూసినా ఆమె ఆ తర్వాత ఇటీవల టీవీలో `ఖలేజా` సినిమా చూసినప్పుడు కొన్ని సీన్లు చూసి `ఏ దొంగ ఇది లేపేశావ్‌ కదా` అంటూ కనిపెట్టిందట. అయితే ఈ ఇంటర్వ్యూలో చందూ మొండేటి చెబుతూ, తాను `ఖలేజా` నుంచి ఇన్‌స్పైర్‌ అయినట్టు చెప్పారు.

ఈ విషయం `కార్తికేయ` విడుదలైన తర్వాత త్రివిక్రమ్‌ కి కూడా చెప్పారట. `ఖలేజా` ఇన్‌స్పిరేషన్‌తోనే `కార్తికేయ` తీశానని, ఇప్పుడు `కార్తికేయ 2` తీస్తున్నానని తెలిపాడట. అందుకు ఆయన పాజిటివ్‌గా రియాక్ట్ అయినట్టు తెలిపారు చందూ మొండేటి. మళ్లీ మనం కలుద్దామని త్రివిక్రమ్‌ కూడా అన్నారని, కానీ ఆ తర్వాత కలవడం కుదరలేదని తెలిపారు చందూ. 

Karthikeya 2

చందూ మొండేటి కాపీ(ఇన్‌స్పైర్‌) కొట్టిన సీన్లు ఏంటంటే.. `ఖలేజా`లో మహేష్‌ బాబు ముందుగానే ఏం జరగబోతుందో ప్రిడిక్ట్ చేస్తాడు, అదే సీన్‌ `కార్తికేయ`లోనూ ఉంటుంది. కానీ `ఖలేజా`లో ఆ ప్రిడిక్షన్‌ వర్కౌట్‌ కాలేదని, కానీ తన సినిమాలో అయ్యిందని తెలిపారు.

`ఖలేజా`లో హీరోహీరోయిన్‌ కలిసినప్పుడు ఏదో ఒక డిజాస్టర్‌(యాక్సిడెంట్‌) జరుగుతుంటుంది, తన సినిమాలో పాజిటివ్‌ జరుగుతుందని, వాటిని అలా మార్చారట చందూ మొండేటి. అందులో అనుకోకుండా హీరో ఓ ఊరు వెళ్తాడు, అక్కడ మెడికల్‌ క్యాంప్‌ పెడతాడు, ఇందులోనూ సేమ్‌ మెడికల్‌ క్యాంప్ ఉంటుంది.

మహేష్‌ బాబు ఓ సీన్‌లో దేవుడి డెఫినేషన్‌ అర్థం అయ్యిందంటాడు, అక్కడ దైవం మానుష్య రుపేణా అని చెప్పినట్టే, `కార్తికేయ 2` టైటిల్‌ గ్లింప్స్ లో అదే లైన్‌ పడుతుందని, తన సినిమా స్క్రీన్‌ ప్లే మొత్తం ఆ పాయింట్‌ చుట్టూనే తిరుగుతుందన్నారు. 

chandoo mondeti

మొత్తంగా త్రివిక్రమ్‌ సినిమాలో చెప్పినట్టు `ఖలేజా` సినిమా ఇన్‌స్పిరేషన్‌తోనే తాను రెండు సినిమాలు చేశానని, అంతేకాదు దీన్నొక ఫ్రాంఛైజీగా చేయడానికి ఒక సోల్‌ దొరికిందన్నారు చందూ మొండేటి. అయితే మహేష్‌ బాబు, త్రివిక్రమ్‌ కాంబినేషన్‌లో వచ్చిన `ఖలేజా` అప్పట్లో డిజాస్టర్ అయ్యింది. కానీ దాన్నుంచి ఇన్ స్పైర్‌ అయి చేసిన `కార్తికేయ`, `కార్తికేయ 2` చిత్రాలు బ్లాక్‌ బస్టర్‌ కావడం విశేషం.

సీన్లని ఇన్‌స్పైర్‌ అయి తనకు తగ్గట్టుగా మార్చుకుని రాసుకున్నారు చందూ. ఆ విషయంలో సక్సెస్‌ అయ్యారు. అయితే దీనిపై నెటిజన్లు విభిన్నంగా స్పందిస్తున్నారు. మహేష్‌ బాబు ఫ్యాన్స్ ఇది నీ రేంజ్‌ అని ఆయన్ని పొగిడేస్తున్నారు. ప్రస్తుతం చందూ కామెంట్స్ వైరల్‌ అవుతున్నాయి.