`ఆర్‌ఆర్‌ఆర్‌`, `సలార్‌`ల ఆడియో రికార్డులు బ్రేక్‌.. బాబోయ్‌ `దేవర` క్రేజ్‌ మామూలుగా లేదుగా..

 `ఆర్‌ఆర్‌ఆర్‌` తర్వాత ఎన్టీఆర్‌ ప్రస్తుతం `దేవర` చిత్రంలో నటిస్తున్నారు. `ఆచార్య` లాంటి డిజాస్టర్‌ మూవీని అందించిన కొరటాల శివ దర్శకత్వంలో ఈ మూవీ రూపొందుతుంది. గత చిత్రం డిజప్పాయింట్‌ చేయడంతో ఈ సారి దానికి ప్రతీకారం తీర్చుకునేలా ఎన్టీఆర్‌ సినిమాని భారీ స్థాయిలో, భారీ స్కేల్‌, స్ట్రాంగ్‌ కంటెంట్‌తో ఈ మూవీని రూపొందిస్తున్నారు. ఇప్పటికే విడుదలైన ఫస్ట్ లుక్‌, టైటిల్‌ పోస్టర్లు ఆకట్టుకున్నాయి. సినిమాపై అంచనాలు పెంచాయి. 

ఇక సంక్రాంతి కానుకగా `దేవర` గ్లింప్స్ ని ముందుగానే విడుదల చేయబోతున్నారు. రేపు సాయంత్రం ఈ గ్లింప్స్ రానుంది. సాయంత్రం నాలుగు గంటలకు ముహూర్తం కూడా ఫిక్స్ చేశారు. సినిమా పాన్‌ ఇండియా రేంజ్‌లో రూపొందుతున్న నేపథ్యంలో తెలుగుతోపాటు తమిళం, కన్నడ, మలయాళం, హిందీలోనూ విడుదల చేయబోతున్నారు. 
 

ఇదిలా ఉంటే ఈ మూవీ థియేట్రికల్‌, నాన్‌ థియేట్రికల్‌ రైట్స్ కి సంబంధించి చర్చ జరుగుతుంది. ఓవర్సీస్‌లో టీమ్‌ భారీగా డిమాండ్‌ చేస్తున్నారట. సుమారు 30కోట్ల వరకు నిర్మాతలు అడుగుతున్నట్టు తెలుస్తుంది. కంటెంట్‌పై నమ్మకంతో భారీ స్థాయిలో డిమాండ్‌ చేస్తున్నారట. మరోవైపు డిజిటల్‌ రైట్స్ కూడా గట్టిగానే పలుకుతున్నట్టు తెలుస్తుంది. ఇదిలా ఉంటే ఆడియో రైట్స్ లో రికార్డ్ క్రియేట్‌ చేసింది `దేవర`. 

ఈ మూవీ ఆడియో రైట్స్ లోనూ రికార్డు బ్రేక్ చేసింది. కొత్త రికార్డులు క్రియేట్‌ చేస్తుంది. `ఆర్‌ఆర్‌ఆర్‌`, `సలార్‌` వంటి చిత్రాలను దాటేసింది. ఇటీవల `దేవర` ఆడియో రైట్స్ ని టీ సిరీస్‌ దక్కించుకుంది. భారీ ధరకి తీసుకుందట. సుమారు 28కోట్లకు ఆడియో అమ్ముడు పోయిందట. ఇది `ఆర్‌ఆర్‌ఆర్‌`, `సలార్‌`, `యానిమల్‌` చిత్రాలకంటే ఎక్కువ. `ఆర్‌ఆర్‌ఆర్‌` 25కోట్లకు పోగా, `సలార్‌` 12కోట్లకు, `యానిమల్‌` మూవీ 16కోట్లకు అమ్ముడు పోయాయి. తాజాగా ఈ చిత్రాలను ఎన్టీఆర్‌ మూవీ దాటేయడం విశేషం. 

కొరటాల శివ దర్శకత్వంలో రూపొందుతున్న `దేవర` చిత్రంలో ఎన్టీఆర్‌ హీరోగా నటిస్తుండగా, జాన్వీ కపూర్‌ హీరోయిన్‌గా చేస్తుంది. సైఫ్‌ అలీ ఖాన్‌ విలన్‌ పాత్రని పోషిస్తున్నారు. యాక్షన్ కొరియోగ్రాఫర్‌, వీఎఫ్‌ఎక్స్ విభాగాల్లో ఈ చిత్రానికి హాలీవుడ్‌ టెక్నీషియన్లు పనిచేస్తున్నారు. సముద్రం నేపథ్యంలో సాగే చిత్రమిది. ఓ దివిలో భయం అంటే తెలియని క్రూరమైన వ్యక్తులను భయపెట్టే పాత్రలో తారక్‌ కనిపిస్తాడని తెలుస్తుంది.