వ్యాపారంలో మునిగిపోయిన దీపికా పదుకొణె..? 2025లో ఎన్ని కోట్ల నష్టం వచ్చిందంటే?

Deepika Padukone Business Losses : తక్కువ ధరలకు మంచి ఉత్పత్తులు అందించే బ్రాండ్లు మార్కెట్‌ను ఆక్రమించడం, ఎస్టీ లాడర్ లాంటి గ్లోబల్ బ్రాండ్లతో పోటీ దీపికా పదుకొణెకు ఎదురుదెబ్బ తగిలేలా చేసింది. ఈ ఏడాది దీపికా వ్యాపారంలో నష్టాలు చూసింది. 

Image Credit : youtube/brut india

వ్యాపారంలో నష్టపోయిన దీపికా పదుకొణె

దీపికా పదుకొణె ప్రారంభించిన స్కిన్ కేర్ బ్రాండ్ '82°E' తీవ్ర ఆర్థిక సంక్షోభంలో ఉన్నట్టు సమాచారం. 2025 ఆర్థిక సంవత్సరంలో కంపెనీ రూ.12.3 కోట్ల నష్టాన్ని నమోదు చేసినట్టు తెలుస్తోంది. కార్పొరేట్ వ్యవహారాల మంత్రిత్వ శాఖకు సమర్పించిన పత్రాల్లో ఈ విషయం స్పష్టమైంది. అదే సమయంలో, కత్రినా కైఫ్ మేకప్ బ్రాండ్ 'కే బ్యూటీ' మార్కెట్లో భారీ వృద్ధిని సాధిస్తోంది.

Image Credit : Getty

ఖర్చులు తగ్గించుకునే పనిలో కంపెనీ..

గత ఆర్థిక సంవత్సరంలో 21.2 కోట్లుగా ఉన్న దీపిక కంపెనీ ఆదాయం, ఈసారి 14.7 కోట్లకు తగ్గింది. 2022 నవంబర్‌లో భారీ అంచనాలతో మార్కెట్లోకి వచ్చిన ఈ బ్రాండ్ ఇప్పటి వరకు విజయం సాధించలేకపోయింది. 2024లో 23.4 కోట్ల నష్టాన్ని 12.3 కోట్లకు తగ్గించడం ఒక్కటే ఈ బ్రాండుకు ఊరట అని చెప్పవచ్చు. సంక్షోభం నుంచి బయటపడటానికి ఈ  కంపెనీ ఖర్చులు తగ్గించుకునే పనిలో పడినట్టు తెలుస్తోంది. గతేడాది 47.1 కోట్లు ఖర్చు చేయగా, ఈసారి అది 25.9 కోట్లకు తగ్గింది. మార్కెటింగ్ ఖర్చులు 20 కోట్ల నుంచి కేవలం 4.4 కోట్లకు తగ్గాయి.

Image Credit : Getty

దీపికా పదుకొణెకు ఎదురు దెబ్బలు..

'82°E' మార్కెట్లో ఎదుర్కొంటున్న ప్రధాన సవాలు అధిక ధరలే. ఉత్పత్తుల ధరలు 2,500 నుంచి 4,000 వరకు ఉన్నాయి. షారుఖ్ ఖాన్ లాంటి సూపర్ స్టార్లతో భారీగా ప్రచారం చేసినా, ఈ బ్రాండ్ సామాన్యులకు చేరలేకపోయింది. ఫాక్స్‌టైల్, ప్లమ్, డాట్ & కీ లాంటి బ్రాండ్లు తక్కువ ధరలకు లభించడం,  మంచి ఉత్పత్తులను కూడా అందించి మార్కెట్‌ను ఆక్రమించడం దీపికకు ఎదురుదెబ్బ తగిలేలా చేసింది.  ఎస్టీ లాడర్ లాంటి గ్లోబల్ లగ్జరీ బ్రాండ్లతో పోటీ కూడా తీవ్రంగా ఉంది.

Image Credit : ANI

దూసుకుపోతున్న కత్రీనా కైఫ్

దీపిక బ్రాండ్ నష్టాల్లో ఉన్నా, కత్రినా 'కే బ్యూటీ' వేగంగా వృద్ధి చెందుతోంది. నైకాతో కలిసి ప్రారంభించిన ఈ కంపెనీ 2019 నుంచి లాభాల్లో నడుస్తోంది. 2024 ఆర్థిక సంవత్సరంలో కంపెనీ 88.23 కోట్ల ఆదాయం, 11.3 కోట్ల లాభం సంపాదించింది. ఈ ఏడాది ఆదాయం  100-105 కోట్లకు చేరుతుందని మార్కెట్ నిపుణులు అంచనా వేస్తున్నారు. కంపెనీలో 51 శాతం వాటా నైకాకు, 42 శాతం కత్రినాకు ఉన్నాయి.