విగ్గు లేకుండా వెండితెరపై బాలయ్య... అతిపెద్ద సాహసం అంటూ షాకవుతున్న ఫ్యాన్స్!

First Published Mar 23, 2021, 11:23 AM IST

నందమూరి అందగాడు అనేది బాలయ్య బిరుదు. అప్పట్లో బాలయ్య అభిమానులు ఆయనను అందానికి చిరునామాగా పిలుచుకునే వారు. ఉంగరాల జుట్టుతో యంగ్ ఏజ్ లో బాలయ్య సూపర్ హ్యాండ్ సమ్ గా ఉండేవారు.

తండ్రి ఎన్టీఆర్ ద్వారా బాలయ్యకు అందంతో పాటు, ఓ లోపం కూడా కూడా సంక్రమించింది, అదే బట్టతల. వారసత్వం కారణంగా బాలయ్యకు థర్టీ ప్లస్ వచ్చే నాటికే జుట్టు సమస్య వచ్చేసింది. దీనితో 90ల కాలం నుండే ఆయన విగ్గు వాడుతున్నాడు.

అందానికి ఎంతో ప్రాధాన్యత ఇచ్చే బాలయ్య... ఆఫ్ స్క్రీన్ లో కూడా విగ్గుతోనే కనిపిస్తారు. విగ్గు లేకుండా బాలకృష్ణ పబ్లిక్ వేడుకలలో కానీ, ప్రదేశాలలో కానీ అసలు కనిపించరు. ఇక సినిమాలలో అయితే చెప్పాల్సిన అవసరం లేదు. సినిమాకో హెయిర్ స్టైల్ ట్రై చేస్తూ ఉంటారు.

అయితే బాలయ్య విగ్గు అనేక మార్లు విమర్శల పాలైంది. కొన్ని సందర్భాల్లో బాలయ్య విగ్గు చూసి, డై హార్డ్ ఫ్యాన్స్ కూడా జీర్ణం చేసుకోలేకపోయారు.

కాగా బాలయ్య దర్శకుడు బోయపాటితో ఓ మూవీ చేస్తున్నారు. షూటింగ్ జరుపుకుంటున్న ఈ మూవీ మే నెలలో విడుదల కానుంది.

బాలయ్య, బోయపాటి కాంబినేషన్ లో హ్యాట్రిక్ మూవీగా తెరకెక్కుతున్న ఈ చిత్రంపై ప్రేక్షకులలో భారీ అంచనాలున్నాయి. గతంలో వీరిద్దరి కాంబినేషన్ లో వచ్చిన లెజెండ్, సింహా భారీ విజయాలు అందుకున్నాయి.

కాగా ఈ సినిమాలో బాలయ్య ఓ రోల్ లో అఘోరాగా కనిపిస్తారని ప్రచారం జరిగింది. అది నిజమేనంటూ దర్శకుడు బోయపాటి సైతం ఓ ఇంటర్వ్యూలో స్పష్టత ఇచ్చారు.

అయితే టాలీవుడ్ లో ఓ న్యూస్ ప్రస్తుతం చక్కర్లు కొడుతుంది. బోయపాటి శ్రీను, అఘోరా ఎపిసోడ్ స్క్రిప్ట్ నుండి తొలగించేశాడట. దాని స్థానంలో మరో భిన్నమైన నేపథ్యం రాశాడట.

కొత్తగా బోయపాటి చేర్చిన పాత్ర ప్రకారం బాలయ్య విగ్గు లేకుండా.. ఒరిజినల్ జుట్టుతో కనిపిస్తారట. ప్రస్తుత బాలయ్య ఏజ్ కి తగ్గట్టు ఉండే ఆ పాత్రలో బలయ్య విగ్గు లేకుండా కనిపిస్తారని ప్రచారం జరుగుతుంది.

గతంలో ఎన్నడూ బాలయ్య విగ్గు లేకుండా నటించ లేదు. మరి అదే జరిగితే మొదటిసారి బాలయ్యను విగ్గు లేకుండా వెండితెరపై చూపించిన ఘనత బోయపాటికి దక్కుతుంది. మరోవైపు విగ్గు లేకుండా బాలయ్యను చూసిన ఫ్యాన్స్ ఎలా రియాక్ట్ అవుతారో చూడాలి మరి.