రామ్ చరణ్ సినిమాకు చిరంజీవి రిపేర్లు, గేమ్ ఛేంజర్ దెబ్బకు నెక్స్ట్ కథలో మెగాస్టార్ మార్పులు

రామ్ చరణ్ నెక్ట్స్ సినిమాపై గేమ్ ఛేంజర్ దెబ్బ గట్టిగా తగిలినట్టు కనిపిస్తోంది. ఇక చరణ్ సినిమా విషయంలో మెగాస్టార్ రంగంలోకి దిగినట్టు తెలుస్తోంది. ఇంతకీ  విషయం ఏంటంటే..? 

మెగా పవర్ స్టార్.. గ్లోబల్ హీరో రామ్ చరణ్ నెక్ట్స్ సినిమాపై ఫ్యాన్స్ లో రకరకాల ఆలోచనలు స్టార్ట్ అయ్యాయి. ఈసారైనా చరణ్ సాలిడ్ సినిమా తో హిట్ కొడితే చూడాలని ఫ్యాన్స్ ఎదురు చూస్తున్నారు. అయితే మొదటి నుంచి ఫ్యాన్స్ భయపడ్డట్టే శంకర్ సినిమా ఫలితం కనిపించింది. దాదాపు ఆరేళ్ళ తరువాత రామ్ చరణ్ సోలోగా వచ్చిన సినిమా ఈరేంజ్ లో నెగెటీవ్ టాక్ సొంతం చేసుకుంటుంది అని ఎవరు అనుకోలేదు. 

2019 లో వచ్చిన వినయ విధేయ రామ సినిమా డిజాస్టర్ తరువాత.. చరణ్ ఆర్ఆర్ఆర్ లోకి వెళ్ళిపోయాడు. అది మల్టీ స్టారర్ ఈసినిమా చరిత్ర సృష్టించింది. ఇది చేస్తూనే ఆచార్యలో చిరంజివితో కలిసి గెస్ట్ రోల్ చేశారు. అది కూడా డిజాస్టర్ అయ్యింది. ఇక ఆరేళ్ళ తరువాత పాన్ ఇండియా స్థాయిలో శంకర్ డైరెక్షన్ లో గేమ్ ఛేంజర్ చేస్తే... ఎన్ని అంచనాలు ఉంటాయి. కాని అందులో కొంత కూడా గేమ్ ఛేంజర్ అందుకోలేకపోయింది.  

ఈసినిమా ప్లాప్ అవ్వడానికి కారణాలు ఎనైనా.. సోషల్ మీడియాలో ఎన్ని కారణాలు కనిపిస్తున్నా.. ఫ్యాన్స్ మధ్య ఎన్ని డైలాగ్స్ పేలుతున్నా.. వచ్చిన పేరు మాత్రం పోదు. అయితే మొదటి నుంచి శంకర్ విషయంలో ఫ్యాన్స్ భయపడుతూనే ఉన్నారు. అనుకున్నట్టే జరిగింది.  ఇక రామ్ చరన్ నెక్ట్స్ సినిమా విషయంలో జాగ్రత్తగా లేకపోతే డామేజ్ చాలా గట్టిగా ఉంటుంది అని ఫ్యాన్స్ కూడా భయపడుతున్నారు. ఈక్రమంలోనే మెగాస్టార్ చిరంజీవి రంగంలోకి దిగినట్టు తెలుస్తోంది. 

రామ్ చరణ్  సినిమాలకు సబంధించిన విషయాల్లో మెగాస్టార్  ఆచితూచి వ్వవహరిస్తున్నారట. అలా అని ఎక్కువగా ఇన్ వాల్వ్ అవ్వకుండా చరణ్ ఇమేజ్ డ్యామేజ్ అవ్వకుండా ఏం జాగ్రత్తలు తీసుకోవాలో అవి తీసుకునే విధంగా ప్లాన్ చేస్తున్నారట.

అంతే కాదు  రామ్ చరణ్ బుచ్చిబాబుతో చేస్తున్న సినిమాలో కూడా చిరంజీవి ఇన్వాల్వ్ అవుతున్నట్టుగా తెలుస్తోంది. ఇక ఇప్పటికే ఆ సినిమాకి సంబంధించిన మార్పులు చేర్పులు చేయమని చిరంజీవి చెప్పారట. మరి దానికి తగ్గట్టుగానే బుచ్చిబాబు సైతం వాటిని అంగీకరించి ఆ మార్పులను చేసినట్టుగా తెలుస్తోంది. 

#RC16

మరి ఏది ఏమైనా కూడా బుచ్చిబాబు సుకుమార్ ఇద్దరితో చేస్తున్న సినిమాలతో రామ్ చరణ్ తనను తాను ప్రూవ్ చేసుకోవాలి. లేకపోతే మాత్రం మిగతా హీరోల కంటే కూడా ఆయన చాలా వరకు వెనుకబడిపోయే ప్రమాదం ఉంది. ఇక వీరిద్దరిలో బుచ్చిబాబు సినిమా ముందుగా వస్తుంది. అందుకే ఈసినిమాను కనుక బుబ్చిబాబు చాలా జాగ్రత్తగా ప్లాన్ చేసుకుని బ్లాక్ బస్టర్ హిట్ కొడితే.. బుచ్చిబాబు మెగా ఫ్యామిలీ డైరెక్టర్ గా సెటిల్ అయ్యే అవకాశం ఉంది. సో రామ్ చరణ్ నెక్ట్స్ స్టెప్స్ ఎలా  ఉండబోతున్నాయి అనేది చూడాలి.