సుహాసిని చేసిన పనికి హాస్పిటల్‌లో పడ్డా చిరంజీవి.. పాపం నవ్వించాలనుకుంటే ఇలా బెడిసికొట్టిందేంటి?

చిరంజీవి `చంట్టబ్బాయి` సినిమాతో కడుపుబ్బా నవ్వించారు. కానీ ఈ నవ్వించే క్రమంలో సుహాసిన చేసిన పనికి చిరు ఆసుపత్రి పాలు కావాల్సి వచ్చిందట.  

మెగాస్టార్‌ చిరంజీవి టాలీవుడ్‌కి కమర్షియాలిటీని పరిచయం చేసిన హీరో. సినిమా అంటే పాటలు, ఫైట్లు, గ్లామర్‌, కామెడీ, ఎమోషన్స్ ఇలా అన్ని మేళవింపుతో కూడుకున్న అంశాలని తెలియజేసిన హీరో. చిరు హీరోగా ఎదిగాక టాలీవుడ్‌ లో వచ్చిన సినిమాల పంథానే మారిపోయింది. ప్రత్యక్షంగానో, పరోక్షంగానో ఆయన కారణం అయ్యారని చెప్పొచ్చు.  

చిరంజీవి యాక్షన్‌ మూవీస్ తో ఆకట్టుకోవడమే కాదు, కామెడీతోనూ మెప్పించాడు. ఆయనలో మంచి హ్యూమర్‌ ఉంటుంది. అలా తనకు కమెడియన్లతో పనిలేకుండానే కామెడీని పండించి మెప్పించారు. ఎక్కువగా అల్లు రామలింగయ్యతో, బ్రహ్మానందం, అలీ వంటి వారితో కామెడీ చేసి అలరించారు. నవ్వించారు. అయితే చిరంజీవి పూర్తి కామెడీ ఫిల్మ్ కూడా చేశాడు. 

`చంటబ్బాయి` అనే పూర్తి స్థాయి కామెడీ సినిమాతో వినోదాన్ని పండించారు. ఈ మూవీ అప్పట్లో పెద్ద హిట్‌ కాదుగానీ, బాగానే ఉంది. కానీ ఇప్పుడు చూస్తే కడుపుబ్బా నవ్వుకునే చిత్రమవుతుంది. చార్లీచాప్లిన్‌ స్టయిల్‌లో ఏజెంట్‌గా చిరు చేసిన సందడి అంతా ఇంతా కాదు. ఆయనకు తోడు సుహాసిని ఇన్నోసెంట్ బాగా కుదిరింది. ఫన్‌ బాగా వర్కౌట్‌ అయ్యింది. 

జంధ్యాల రూపొందించిన ఈ చిత్రంలో చిరంజీవి, సుహాసిని జంటగా నటించారు. 1986లో ఈ సినిమా వచ్చి ఫర్వాలేదనిపించింది. అయితే ఇందులో ఓ పాట మాత్రం హైలైట్‌గా నిలిచింది. `అట్లాంటి ఇట్లాంటి హీరోని కాను` అంటూ చిరు చేసి సందడి కడుపుబ్బా నవ్విస్తుంది. ఈ నవ్వించే క్రమంలో యాక్సిడెంట్‌ అయ్యింది. చిరు ఆసుపత్రి పాలు కావాల్సి వచ్చింది. 

ఈ పాటలో ఓ స్టంభంపై చిరంజీవి కూర్చున్నాడు. దాన్నుంచి దూకాల్సి ఉంటుంది. మొదట దాన్ని పట్టుకున్న సుహాసిని వదిలేసి వెళ్తుంది. కానీ ఆ స్థంభం కిందపడిపోతుంది. దానితోపాటు చిరంజీవి కూడా కింద పడతాడు. ఆ సమయంలో చిరుకి వెనకభాగంలో గాయమైందట. ట్రీట్‌మెంట్‌ కూడా తీసుకోవాల్సిన పరిస్థితి వచ్చిందట.

అయితే చిరంజీవి పడిపోయే సమయంలో సుహాసిని దాన్ని గమనించి ఆందోళనతో పరిగెత్తుతూ రియాక్ట్ అయిన తీరు ఆ పాటలో రియల్ గానే ఉంచారు. కానీ ఆ సమయంలో చిరు సీరియస్‌ రియక్షన్‌ ఇవ్వలేదు. దీంతో యదావిథిగా ఆ షాట్‌ని పాటలో ఉపయోగించడం విశేషం. సో అలా సుహాసిని చేసిన పనికి చిరంజీవి ఆసుపత్రి పాలు కావడం గమనార్హం. 

ప్రస్తుతం చిరంజీవి `విశ్వంభర` చిత్రంలో నటిస్తున్నారు. వశిష్ట రూపొందిస్తున్న సోషియో ఫాంటసీ చిత్రమిది. త్రిష కథానాయికగా నటిస్తుంది. ఇందులో ఐదుగురు కథానాయికలు చిరుకి చెళ్లేళ్లుగా నటిస్తున్నారట. యూవీ క్రియేషన్స్ నిర్మించే ఈ మూవీ ప్రస్తుతం చిత్రీకరణ దశలో ఉంది. షూటింగ్‌ చివరి దశకు చేరుకుందని తెలుస్తుంది. ఇటీవలే మ్యూజిక్‌ వర్క్ కూడా ప్రారంభమైంది. వచ్చే ఏడాది సంక్రాంతి ఈ సినిమాని విడుదల చేయబోతున్నారు.