నిహారిక బర్త్ డే.. ఎల్లప్పుడు తోడుగా ఉంటానన్న చైతన్య.. రొమాంటిక్ ఫోటోస్ వైరల్
మెగా డాటర్ నిహారిక మ్యారేజ్ ఇటీవల చైతన్యతో రాజస్థాన్లోని ఉదయ్ప్యాలెస్లో అత్యంత గ్రాండ్గా జరిగిన విషయం తెలిసింది. తాజాగా నిహారికా బర్త్ డే సందర్బంగా ఇంటెన్స్ ఫోటోని పంచుకున్నారు చైతన్య. ఆమెకి ఎల్లప్పుడు దగ్గరగా ఉంటానని, తోడుగా ఉంటానని తెలిపాడు. ఈ రొమాంటిక్ ఫోటో ఇప్పుడు సోషల్ మీడియాలో తెగ వైరల్ అవుతుంది.
ఈ నెల 9న రాజస్థాన్లోని ఉదయ్పూర్లోగల ప్యాలెస్లో నిహారికా, చైతన్య డెస్టినేషన్ మ్యారేజ్ చేసుకున్నారు. ఇందులో మెగా ఫ్యామిలీ సందడిచేసింది. అత్యంత గ్రాండీయర్గా నిహారిక వివాహం జరిగింది. ఈ ఫోటోలు సామాజిక మాధ్యమాల్లో వైరల్ అయ్యాయి.
ఆ తర్వాత హైదరాబాద్లో కేవలం బంధుమిత్రులతో రిసెప్షన్ నిర్వహించారు. ఇది కూడా గ్రాండ్గానే జరిగింది. సెలబ్రిటీలు పెద్దగా పాల్గొనకపోవడం గమనార్హం.
అనంతరం నిహారికతోకలిసి చైతన్య ఫ్యామిలీ ఇటీవల తిరుమల వెంకటేశ్వరస్వామిని దర్శించుకుని మొక్కులు తీర్చుకున్నారు.
నేడు(శుక్రవారం) నిహారిక పుట్టిన రోజు. పెళ్ళై పది రోజుల్లోనే నిహారిక బర్త్ డే ఉండటం నిజంగా ఆమె అదృష్టం. దీంతో చైతన్య చాలా డిఫరెంట్గా ప్లాన్ చేశాడట. నిహారికకి బోలెడు సర్ప్రైజ్లు ఇవ్వబోతున్నట్టు తెలుస్తుంది.
ఇదిలా ఉంటే సోషల్ మీడియాలో ఓ ఇంటెన్స్ ఫోటోని పంచుకున్నాడు చైతూ. పెళ్ళి అనంతరం ఉదయ్ ప్యాలెస్లో రాత్రి సమయంలో దీపాల వెలుగుల్లో నిహారికకి దగ్గరగా, ఆమెతో ఉన్న ఓ రొమాంటిక్ని ఫోటోని పంచుకున్నాడు. ఎల్లప్పుడు ఇలానే నీకు తోడుగా ఉంటానని పేర్కొన్నాడు.
మరోవైపు పెళ్ళికి ముందు బరాత్ తీస్తున్న సమయంలోని ఫోటోని షేర్ చేస్తూ, పెళ్ళికి ముందు నాలోని ఇలా యాంగిల్ని మా ఫ్రెండ్ బయటకు తీశారని పేర్కొన్నాడు.
అలాగే నిహారికా సైతం ఓ ఇంటెన్స్ ఫోటోని పంచుకుంది. చైతన్యతో దగ్గరగా ఉండి, తమ ప్రేమని వ్యక్తం చేస్తున్న ఫోటోని చేస్తూ, సాధ్యమైనంత వరకు ఎప్పుడు నిన్ను ఆనందపరుస్తాను, నవ్విస్తాను, కొడతాను కూడా అంటూ పేర్కొంది.
దీంతోపాటు పెళ్ళి తర్వాత దిగిన ఫోటో షూట్ ఫోటోలను పంచుకుంది నిహారిక. ప్రస్తుతం ఈ నయా పిక్స్ సామాజిక మాధ్యమాల్లో వైరల్ అవుతున్నాయి.
నిహారిక సినిమాల్లో హీరోయిన్గా, పలు వెబ్ సిరీస్లోనూ నటిగా మెప్పించింది.
అందులో `సూర్యకాంతం`, `ఒకమనసు` సినిమాలుండగా, `ముద్దపప్పు అవకాయ్`, `నాన్నకూచి`, `మ్యాడ్హౌజ్` వంటి వెబ్ సిరీస్లున్నాయి.