`కన్నుగీటు` అమ్మడు ప్రియా ప్రకాష్‌ వారియర్‌కి మూతి తిప్పుడు నేర్పిన గంగవ్వ
బిగ్‌బాస్‌4తో పాపులర్‌ అయ్యింది గంగవ్వ. ఒక్క కన్నుగీటుతో సెన్సేషనల్‌గా మారింది ప్రియా ప్రకాష్‌ వారియర్‌. వీరిద్దరు కలిశారు. అంతేకాదు ప్రియా ప్రకాష్‌ వారియర్‌కి మూతి తిప్పుడు నేర్పింది గంగవ్వ. ప్రస్తుతం ఆ వీడియో వైరల్‌గా మారింది.
`కన్నుగొట్టుడు కాదు.. మూతి తిప్పుడు` అంటోంది గంగవ్వ. ఆమె `చెక్‌`, `ఇష్క్` ఫేమ్‌ ప్రియా ప్రకాష్‌ వారియర్‌కి మూతి తిప్పుడు నేర్పించి ఆశ్చర్యానికి గురి చేసింది. ఇప్పుడీ వీడియో సోషల్‌ మీడియాలో చక్కర్లు కొడుతుంది.
ప్రియా ప్రకాష్‌ వారియర్‌ ప్రస్తుతం `ఇష్క్` చిత్రంలో నటించింది. తేజా సజ్జా హీరోగా నటించిన ఈ సినిమా ఈ నెల 23న విడుదల కానుంది. ఎస్‌.ఎస్‌. రాజు దర్శకత్వం వహించారు.
ఈ సినిమా ప్రమోషన్‌లో భాగంగా ప్రియా ప్రకాష్‌ సందడి చేస్తుంది. అందులో భాగంగానే ఆమె యూట్యూబ్‌ స్టార్‌, బిగ్‌బాస్‌4 ఫేమ్‌ గంగవ్వని కలిసింది. ఇద్దరు కలిసి సరదాగా మాట్లాడుకున్నారు.
అంతేకాదు తన దగ్గరకు వచ్చిన ప్రియా ప్రకాష్‌కు తనదైన మాటలు, చేష్టలతో చుక్కలు చూపించింది గంగవ్వ. కన్నుకొట్టుడు కాదు మూతులు తిప్పుడంటూ.. ప్రియాకు మూతి తిప్పుడు ట్రైనింగ్‌ ఇచ్చింది. దీనికి సంబంధించిన వీడియో ప్రస్తుతం సోషల్‌ మీడియాలో వైరల్‌ అయింది.
ఒక్క కన్ను గీటుతో దేశ వ్యాప్తంగా యువ హృదయాలను కొల్లగొట్టిన `కన్నుగీటు భామ` మూతి తిప్పినా ముద్దుగానే ఉంది అంటూ నెటిజన్లు కామెంట్లు చేస్తున్నారు.
దీంతో ఇప్పుడిది వైరల్‌గా మారింది. గంగవ్వ ఏది చేసినా సెన్సేషనలే అంటూ కామెంట్‌ చేస్తున్నారు అభిమానులు. కన్నుగీటుతోనే కాదు మూతి తిప్పడంతోనే వైరల్‌ కావొచ్చని నిరూపిస్తుంది.
యూట్యూబ్‌లో వైరల్‌గా మారిన గంగవ్వ గతేడాది `బిగ్‌బాస్‌4` సీజన్‌లో పాల్గొని హాట్ టాపిక్‌గా మారింది. కానీ అనారోగ్యంతో ఆమె మధ్యలోనే హౌజ్‌ నుంచి బయటకు వచ్చేసింది. కానీ ఆమె కోసం ఏకంగా బిగ్‌బాస్‌ ఓ ఇంటిని నిర్మిస్తుంది.
క్లిక్ చేసి ఏసియా నెట్ న్యూస్ తెలుగు వాట్సాప్ చానెల్·ను ఫాలో అవ్వండి
