అఖిల్‌, అభిజిత్‌ మధ్య మరోమారు వివాదం.. వరస్ట్ కెప్టెన్‌ అరియానా

అభిజిత్‌ తాను బిగ్‌బాస్‌ చెప్పింది సరిగా అర్థం చేసుకోలేదన్నారు. అరియానా, సోహైల్‌ సైతం తమ వివరణ ఇచ్చాడు. దీనిపై బిగ్‌బాస్‌ చెప్పాలని సభ్యులనగా, బిగ్‌బాస్‌ ఏమీ స్పందించలేదు. 

ఆ తర్వాత కెప్టెన్‌ లేకుండా హౌజ్‌ నడుస్తుందని బిగ్‌బాస్‌ చెప్పాడు. దీంతో ఇన్ని వారాల్లో ఇప్పుడున్న సభ్యుల్లో మాజీ కెప్టెన్స్ లో బెస్ట్ ఎవరు, వరస్ట్ ఎవరో చెప్పాలన్నారు. 

ఇందులో సభ్యులంతా ఓ నిర్ణయానికి వచ్చి బెస్ట్ హారిక, వరస్ట్ అరియానా అని చెప్పారు. ఇక తమదైన స్టయిల్‌లో కెప్టెన్సీకి వీడ్కోలు పలికారు. 

ఇదిలా ఉంటే వరస్ట్ కెప్టెన్సీ ఎంపిక సమయంలో మరోసారి అఖిల్‌కి, అభిజిత్‌కి మధ్య వార్‌ జరిగింది. అభిజిత్‌ వరస్ట్ పర్‌ఫెర్మెన్స్ గా అఖిల్‌ పేరు చెప్పాడు. దీంతో వీరి మధ్య వివాదం రాజుకుంది. 

సోహైల్‌ కల్పించుకుని వీరిద్దరిని సముదాయించాడు. ఆ తర్వాత ఛీ అన్నందుకు సోహైల్‌.. మోనాల్‌పై మండిపడ్డాడు. అంతేకాదు పిచ్చిపిచ్చిగా ప్రవర్తించాడు. అనంతరం బిగ్‌బాస్‌ హుందాయ్‌ ఐ 20 కొత్త మోడల్‌ కారుని ఇంట్రడ్యూస్‌ చేశారు. ఇందులో ఇంటి సభ్యులు జంటలుగా విడిపోయి ఎక్స్ టీరియర్‌, ఇంటీరియర్‌ లుక్‌లో ఫోటోలు దిగాలని చెప్పారు. అవినాష్‌, హారిక  ఒక జంటగా, సోహైల్‌, మోనాల్‌ మరో జంటగా, అరియానా, అభిజిత్‌ మరో జంటగా ఏర్పడి ఫోటోలు దిగారు. ఇందులో అవినాష్‌-హారిక జంటగా తీసిన పిక్చర్స్ బాగున్నాయని, విన్ అయ్యారు. ఇక చివర్లో మ్యారేజ్‌ విషయంలో అవినాష్‌ని సోహైల్‌, అఖిల్‌ కామెంట్‌ చేయడం నవ్వులు పూయించింది.