గ్రాండ్గా హరితేజ శ్రీమంతం చేసిన బిగ్బాస్ కంటెస్టెంట్స్.. ఎమోషనల్ అయిన బిగ్బాస్ భామ
నటి, బిగ్బాస్ ఫేమ్ హరితేజ శ్రీమంతం జరిగింది. ఊహించని విధంగా బిగ్బాస్ కంటెస్టెంట్లు శ్రీమంతం చేశారు. అయితే వాళ్లింట్లో కాదు, బిగ్బాస్ వేదికపై. తాజాగా బిగ్బాస్ కంటెస్టెంట్స్ రీ యూనియన్లో భాగంగా `బీబీ ఉత్సవం 2`తో ఓ ఈవెంట్ నిర్వహించగా, ఇందులో ప్రెగ్నెంట్ గా ఉన్న హరితేజ శ్రీమంతం కంటెస్టెంట్లు కలిసి చేశారు. తాజాగా అది వైరల్ అవుతుంది.
బిగ్బాస్తో హరితేజ పాపులర్ అయ్యింది. సినిమాల్లో క్యారెక్టర్ ఆర్టిస్టుగానూ మంచి గుర్తింపు తెచ్చుకున్నారు. తాజాగా స్టార్ మా బిగ్బాస్ కంటెస్టెంట్ల రీ యూనియన్ ఈవెంట్ ని ఏర్పాటు చేసింది. గత వారం `బీబీఉత్సవం` పేరుతో ఈవెంట్ నిర్వహించగా, అది ఆద్యంతం ఆకట్టుకుంది.
తాజాగా ఈ వారం మిగిలిన బిగ్బాస్ షోస్ కంటెస్టెంట్లని కలిపి `బీబీ ఉత్సవం 2` పేరుతో ఈవెంట్ చేశారు.
ఇది ఈ ఆదివారం సాయంత్రం ఆరు గంటలకు ప్రసారం కానుంది. అయితే దీనికి సంబంధించిన విడుదల చేసిన ప్రోమోలు ఆకట్టుకుంటున్నాయి.
గర్బవతిగా ఉన్న హరితేజకి అందరి మహిళా కంటెస్టెంట్లు కలిసి శ్రీమంతం చేశారు. దీనికి సంబంధించిన ప్రోమోని తాజాగా విడుదల చేశారు.
ఇందులో అందరు లేడీ కంటెస్టెంట్స్ కలిసి హరితేజ ముస్తాబు చేశారు.
స్టేజ్పైకి తీసుకొచ్చి ఆమెని బొట్టు పెట్టి అలంకరించారు. స్వీట్లు తినిపించారు.
పూలు, పండ్లు పెట్టారు. ఇంట్లో ఎలాగ జరుపుతారో, అంతకు మించిన గ్రాండ్గా హరితేజ శ్రీమంతం నిర్వహించారు. దీంతో హరితేజ ఆనందంతో ఉబ్బితబ్బిబ్బవుతుంది. ఎమోషనల్ అయ్యింది.
ప్రస్తుతం ఈ ప్రోమో సోషల్ మీడియాలో వైరల్ అవుతుంది. ఈవెంట్పై ఆసక్తిని రేకెత్తిస్తుంది. ఇందులో నాగార్జున కూడా పాల్గొనడం విశేషం.
హరితేజ 201లో దీపక్ని వివాహం చేసుకుంది. ఆరేళ్ల తర్వాత మొదటి సారి బిడ్డని కనబోతున్నారు.