బిగ్ బాస్ 5: నటి ప్రియా ఎంట్రీ.. ఆమె కష్టాలు వింటే కన్నీళ్లు ఆగవు

కింగ్ నాగార్జున హోస్ట్ గా వ్యవహరిస్తున్న బిగ్ బాస్ సీజన్ 5 తెలుగు షో గ్రాండ్ గా లాంచ్ అవుతోంది. బిగ్ బాస్ హౌస్ లోకి ఎంట్రీ ఇచ్చిన మరో కంటెస్టెంట్ ప్రియా. టాలీవుడ్ లో ప్రియా క్యారెక్టర్ ఆర్టిస్ట్ గా బిజీగా గడుపుతోంది. 

తనబయో డేటాని పొయెటిక్ గా వివరిస్తూ కన్నీళ్లు పెట్టించింది ప్రియా. తన జీవితంలో ఎన్నో మలుపులు చోటు చేసుకున్నాయి. ప్రియా తన జీవితంలో ప్రేమ, పెళ్లి విషయంలో మలుపులు చోటు చేసుకున్నాయి. 

పెళ్లి చేసుకున్న తర్వాత తన జీవితం పూల బాటలో సాగలేదని ప్రియా తన బయోలో తెలిపింది. ఇప్పటికి తాను నిజమైన ప్రేమ కోసం వెతుకుతున్నట్లు ప్రియా చెప్పుకొచ్చింది. 

ఇక ప్రియా జీవితంలో జరిగిన మరో ఘోర సంఘటన ఆమె కుమార్తె విషయంలో జరిగింది. ప్రియా కుమార్తె ఇప్పుడు లేదన్న చేదు నిజాన్ని ఆమె మనసులోనే దాచుకుని కుమిలిపోతోంది. 

వీడియోలో తన కుమార్తె ఫోటో చూసుకుంటూ ప్రియా కంటతడి పెడుతున్న దృశ్యాలు చూపించారు. ఇన్ని కష్టాలని ఎదుర్కొన్న ప్రియా తన కాళ్లపై తాను నిలబడాలని స్ట్రాంగ్ వుమెన్ గా మారింది. 

బిజీ ఆర్టిస్ట్ గా రాణిస్తూ టాలీవుడ్ లో దూసుకుపోతోంది. ప్రియా తల్లి పాత్రల్లో ఎక్కువగా నటిస్తూ ఉంటుంది. మిర్చి, ఇద్దరమ్మాయిలతో.. రీసెంట్ గా శ్రీకారం, వెంకిమామ లాంటి చిత్రాల్లో నటించింది. ముకుంద చిత్రంలో అందమైన సాంగ్ కు పెర్ఫామెన్స్ ద్వారా ప్రియా హౌస్ లోకి ఎంట్రీ ఇచ్చింది.