Bigg Boss Telugu 7: ఫినాలే అస్త్ర గెలిచి ఆ కంటెస్టెంట్ ఫైనల్ కి, తారుమారైన టాప్ 5 లెక్కలు!

బిగ్ బాస్ తెలుగు 7 లో టికెట్ టు ఫినాలే రేస్ నడుస్తుంది. రేసులో ముగ్గురు కంటెస్టెంట్స్ ఉన్నారు. వీరిలో ఒకరు ఫైనల్ కి వెళ్లారు. దీంతో టాప్ 5 లెక్కలు తారుమారయ్యాయి.  

Bigg Boss Telugu 7

బిగ్ బాస్ సీజన్ 7 కీలక దశకు చేరుకుంది. మరో మూడు వారాల్లో ముగియనుంది. హౌస్లో 8 మంది కంటెస్టెంట్స్ ఉన్నారు. వీరిలో టాప్ 5 ఫైనల్ కి వెళతారు. మిగతా ముగ్గురు ఎలిమినేట్ అవుతారు. కంటెస్టెంట్స్ లో ఒకరు నేరుగా ఫైనల్ కి వెళ్లే ఛాన్స్ ఇచ్చాడు బిగ్ బాస్. ఫినాలే అస్త్ర గెలిచిన కంటెస్టెంట్ ఫస్ట్ ఫైనలిస్ట్ అవుతాడని బిగ్ బాస్ వెల్లడించాడు. 

టికెట్ టు ఫినాలే కోసం 8 మంది పోటీపడ్డారు. బిగ్ బాస్ నిర్వహించిన టాస్క్ లలో ఒక్కొక్కరూ ఎలిమినేట్ అవుతూ వచ్చారు. మొదట తక్కవ పాయింట్స్ తో శోభ రేసు నుండి తప్పుకుంది. తర్వాత శివాజీ, ప్రియాంక, యావర్ ఎలిమినేట్ అయ్యారు. టికెట్ టు ఫినాలే రేసులో అమర్, గౌతమ్, పల్లవి ప్రశాంత్, అర్జున్ ఉన్నారు. అత్యధిక పాయింట్స్ తో అమర్ టాప్ లో ఉన్నాడు. తర్వాత పల్లవి ప్రశాంత్, అర్జున్, గౌతమ్ ఉన్నారు. 

పాయింట్స్ పట్టికలో వెనుకబడిన గౌతమ్ రేసు నుండి తప్పుకున్నాడు. తన పాయింట్స్ నుండి 140 అమర్ కి ఇచ్చాడు. దాంతో 1000 పాయింట్స్ అమర్ మొదటి స్థానంలో ఉన్నాడు. ప్రశాంత్, అర్జున్ రెండు, మూడు స్థానాల్లో ఉన్నారు. అనూహ్యంగా అర్జున్ టికెట్ టు ఫినాలే రేసు గెలిచాడని టాక్. ఇదే జరిగితే అన్ని లెక్కలు తారు మారు కానున్నాయి. 

శివాజీ, ప్రశాంత్, అమర్, ప్రియాంక టాప్ ఫైవ్ లో ఖచ్చితంగా ఉంటారనే మాట వినిపిస్తోంది. యావర్, గౌతమ్, శోభలలో ఒకరు ఫైనల్ లో ఉంటారనే వాదన ఉంది. ఎలిమినేట్ అవుతాడనుకున్న అర్జున్ ఫైనల్ కి వెళితే కొందరికి షాక్ తప్పదు. కాగా అర్జున్ వైల్డ్ కార్డు ఎంట్రీ అన్న విషయం తెలిసిందే...  

అయితే అర్జున్ టికెట్ టు ఫినాలే గెలిచినా... ఎలిమినేషన్ నుండి తప్పించుకోవాలి. ఈ వారం నామినేషన్స్ లో అర్జున్ ఉన్నాడు. ఒకవేళ ఎలిమినేట్ అయితే అర్జున్ గెలుచుకున్న టికెట్ టు ఫినాలే వేస్ట్ అవుతుంది.