ఈవారం కెప్టెన్ గా శ్రీరామ్.. కత్తులతో సన్నీని కసితీరా పొందిన కంటెస్టెంట్స్!
గెలవాలంటే తగ్గాలి టాస్క్ లో ఆహారం తినకుండా అందరికంటే ఎక్కువ బరువు తగ్గిన ముగ్గురు జంటలు అని-శ్వేతా, హమీదా-శ్రీరామ్, మానస్-సన్నీ కెప్టెన్సీ టాస్క్ లో పోటీపడే అవకాశం పొందారు.
శ్వేతా-అని ఎవరూ వెనక్కి తగ్గని పక్షంలో టాస్ వేసి నిర్ణయించుకున్నారు. టాస్ గెలిచిన శ్వేత కెప్టెన్సీ టాస్క్ కి ఎంపికయ్యారు. మిగతా రెండు గ్రూప్స్ లో హమీదా, మానస్ వెనక్కి తగ్గి, శ్రీరామ్, సన్నీకి ఛాన్స్ ఇచ్చారు. పోటీలో ఉన్న ముగ్గురిలో నచ్చని కంటెస్టెంట్ నడుముకు చుట్టిన పాడ్ పై కత్తితో పొడవాలని బిగ్ బాస్ సూచించారు.
ప్రియ, లోబో, నటరాజ్ మాస్టర్, షణ్ముఖ్, సిరి,రవి ఇలా హౌస్ లో ఉన్న మెజారిటీ సభ్యులు సన్నీ కెప్టెన్ కాకూడదని అతడిని కత్తులతో పొడిచారు. దీనితో సన్నీ కెప్టెన్ అయ్యే ఛాన్స్ మిస్ అయ్యాడు.
హమీదా, ఆర్జే కాజల్.... శ్వేతా కెప్టెన్ కాకూడని కత్తులతో పొడవడం జరిగింది. అని మాస్టర్ శ్రీరామ్ కెప్టెన్ కాకూడదని కత్తితో పొడవడం జరిగింది. దీనితో అతి తక్కువ కత్తిపోట్లకు గురైన శ్రీరామ్ కెప్టెన్ గా ఎంపికయ్యారు. హౌస్ మేట్స్ శ్రీరామ్ ని అభినందించడం జరిగింది.
లోబో తనకు మద్దతివ్వకుండా పొడుస్తాడని ఊహించలేదని సన్నీ మానస్ దగ్గర తన బాధను వ్యక్తం చేశాడు. హౌస్లో ఇంతమంది తనకు వ్యతిరేకంగా ఉన్నారని తెలిసి తట్టుకోలేకపోయాడు సన్నీ. దీంతో మానస్ అతడిని ఓదార్చుతూ.. టాస్కులో ఓడిపోవడం విషయం పక్కన పెడితే ఎవరేంటో తెలిసే అవకాశం వచ్చింది కదా అని ధైర్యం చెప్పాడు.
కాగా ఈ వారం నటరాజ్ మాస్టర్, యానీ మాస్టర్, లోబో, యాంకర్ రవి, ప్రియ, కాజల్, సిరి హన్మంత్, సన్నీ నామినేషన్స్లో ఉన్నారు. వీరి నుండి ఒకరు ఎలిమినేట్ కానున్నారు. వరుసగా ముగ్గురు అమ్మాయిలు హౌస్ ని వీడిన నేపథ్యంలో ఈ సారి అబ్బాయి ఎలిమినేట్ అవుతారంటూ ప్రచారం జరుగుతుంది.