బిగ్ బాస్ షోని కాపాడేందుకు హౌస్ లోకి అమీర్ ఖాన్, నాగ చైతన్య?... టీఆర్పీ కోసం నాగ్ కి తప్పలేదట!

ఐపీఎల్ లేటెస్ట్ సీజన్ మొదలు కావడంతో పాటు ఎన్టీఆర్ ఎవరు మీలో కోటీశ్వరులు వంటి షో నుండి బిగ్ బాస్ కి తీవ్ర పోటీ ఎదురవుతుంది. వీకెండ్స్ లో సైతం అనుకున్నంతగా షోకి ఆదరణ దక్కడం లేదని తెలుస్తుంది. 
 

ప్రతి కంటెస్టెంట్ కి వారానికి లక్షలో చెల్లిస్తూ, పూర్ టీఆర్పీతో షో సాగితే యాజమాన్యానికి భారీగా నష్టాలు చేకూరే ప్రమాదం ఉంది. దీని కోసం నష్ట నివారణ చర్యలపై బిగ్ బాస్ నిర్వాహకులు దృష్టి సారించారట.
 

 
దీనిలో భాగంగా ఏకంగా బాలీవుడ్ స్టార్ అమీర్ ఖాన్ ని రంగంలోకి దింపారన్న సమాచారం అందుతుంది. బిగ్ బాస్ వీకెండ్ ఎపిసోడ్ లో కింగ్ నాగార్జునతో పాటు అమీర్ ఖాన్ వేదిక షేర్ చేసుకోనున్నారట. 

లవ్ స్టోరీ మూవీ ప్రీ రిలీజ్ వేడుకకు అతిథిగా విచ్చేసిన అమీర్ ఖాన్ నాగ చైతన్య, సాయి పల్లవి, శేఖర్ కమ్ములపై ప్రసంశలు కురిపించారు. ఆ వేడుక కోసం హైదరాబాద్ వచ్చిన అమీర్ ఖాన్ ని పనిలో పనిగా బిగ్ బాస్ షోకి గెస్ట్ గా పిలిచారట. 
 

అమీర్ ఖాన్ తో పాటు నాగ చైతన్య సైతం షోకి వస్తారని తెలుస్తుంది. ఇక ఈ ఎపిసోడ్ షూటింగ్ కూడా పూర్తి చేశారట. దీనిపై అధికారిక సమాచారం లేకున్నప్పటికీ ప్రముఖంగా ప్రచారం అవుతుంది. 

అమీర్ లాంటి నేషనల్ వైడ్ సెలబ్రిటీ బిగ్ బాస్ షోకి రావడం, పెద్ద అడ్వాంటేజ్ అవుతుంది. మరోవైపు అమీర్ లేటెస్ట్ మూవీ లాల్ సింగ్ చద్దా చిత్రంలో నాగ చైతన్య ఓ రోల్ చేస్తున్నారు.