మైండ్ బ్లోయింగ్ సంపాదనతో దూసుకుపోతున్న బిగ్ బాస్ కంటెస్టెంట్స్!

దీపం ఉండగానే ఇల్లు చక్కబెట్టుకోవాలనేది తెలుగు సామెత.ఈ సామెతను తూచా తప్పకుండా పాటిస్తున్న బిగ్ బాస్ సీజన్ 4కంటెస్టెంట్స్.  ఫార్మ్, పాపులారిటీ ఉన్నప్పుడే డబ్బులు సంపాదించుకోవాలనే కాన్సెప్ట్ లోదూసుకుపోతున్నారు.డబ్బుల సంపాదనకు ఉన్న ఏ మార్గాన్ని వదలడం లేదు. బిగ్ బాస్ సీజన్ 4 లో పాల్గొన్న కంటెస్టెంట్స్ లో గంగవ్వ, లాస్య, అవినాష్, మెహబూబ్, అఖిల్, అరియనా, సోహెల్ మరియు అభిజీత్ పిచ్చ పాపులారిటీ తెచ్చుకున్నారు. గతంతో పోల్చితే అనేక రెట్లు వీరి పాపులారిటీ పెరిగింది. ఒక్కసారిగా వచ్చిపడిన పాపులారిటీని ఆదాయ మార్గాలు మార్చుకుంటున్నారు వీరు. 

సోహెల్ ఇంటి నుండి బయటికి వచ్చి వారం గడవక ముందే కొత్త సినిమా ఒకే చేశారు. శ్రీనివాస వింజంపాటి దర్శకత్వంలో అప్పిరెడ్డి నిర్మాతగా ప్రాజెక్ట్ ప్రకటించేశారు. ఆయన ఆయనకు ఇంకా కొన్ని ఆఫర్స్ వస్తున్నట్లు సమాచారం.

విన్నర్ అభిజీత్ ఇంకా ఎటువంటి ప్రాజెక్ట్స్ ప్రకటించనప్పటికీ వరుసలో చాలా సినిమాలు ఉన్నాయట. అభిజీత్ ఆచితూచి సినిమాలు ఒకే చేయాలని చూస్తున్నాడట. 
 

లాస్య తన యూట్యూబ్ ఛానల్ ద్వారా డబ్బులు సంపాదించే పనిలో పడ్డారు. బిగ్ బాస్ హౌస్ నుండి బయటికి వచ్చాక లాస్య తన యూట్యూబ్ ఛానల్ పై ఫోకస్ పెట్టారు. గంగవ్వ ఇంటికి వెళ్లిన లాస్య ఓ వీడియో షూట్ చేసి, యూట్యూబ్ లో విడుదల చేయగా భారీగా వ్యూస్ దక్కాయి. 
 

దిల్ సే మెహబూబ్ సైతం హౌస్ నుండి బయటికి వచ్చిన వెంటనే సంపాదన మొదలుపెట్టేశాడు. తన సొంత ఊరు గుంటూరుకి వెళుతున్న వీడియోతో పాటు, సోహెల్ ఇంటికి వెళ్లిన వీడియో మెహబూబ్ తన యూట్యూబ్ ఛానల్ లో అప్లోడ్ చేయగా లక్షల్లో వ్యూస్ దక్కాయి.

మరో బిగ్ బాస్ కంటెస్టెంట్ గంగవ్వ సైతం మంచిగా తన పాపులారిటీని ఉపయోగించుకుంటున్నారు. ఆమె అనేక బుల్లితెర షోలలో దర్శనం ఇస్తున్నారు. అలాగే తన యూట్యూబ్ ఛానల్ లో వరుస వీడియోలు చేస్తూ.. రెండు చేతులా సంపాదిస్తున్నారు.

ఇక ముక్కు అవినాష్ బుల్లితెరపై క్రేజీ ప్రాజెక్ట్స్ దక్కించుకుంటూనే తన యూట్యూబ్ ఛానల్ ని పాప్యులర్ చేసుకుంటున్నారు. తన ఛానల్ లో ఆయన అప్లోడ్ చేసిన ఇంటర్వ్యూ వీడియోలు మంచి ఆదరణ దక్కించుకుంటున్నాయి. ఆ విధంగా అవినాష్ కి ఆదాయం దక్కుతుంది. 

అరియనా, హారికలు కూడా బిగ్ బాస్ షో ద్వారా వచ్చిన పాపులారిటీని డబ్బులుగా మార్చుకుంటున్నారు. వీరు కూడా తమ యూట్యూబ్ ఛానల్స్ పై ఫోకస్ పెట్టారు. ఈ విధంగా బిగ్ బాస్ కంటెస్టెంట్స్ తమ రెగ్యులర్ ప్రొఫెషన్ తో పాటు ఇతర ఆదాయమార్గాల ద్వారా డబ్బులు సంపాదిస్తున్నారు.

మరిన్ని ఇంట్రెస్టింగ్ అప్ డేట్స్ కోసం క్లిక్ చేసి ఏసియా నెట్ న్యూస్ తెలుగు వాట్సాప్ చానెల్·ను ఫాలో అవ్వండి