సర్జరీ చేయించుకున్నాక హీరోయిన్ లా ఉన్నావని అంటున్నారు... అమ్మో, బిగ్ బాస్ శ్రీసత్య ఇలా ఓపెన్ అయ్యిందేంట

శ్రీసత్య బిగ్ బాస్ సీజన్ 6 కంటెస్టెంట్. మిస్ విజయవాడ టైటిల్ గెలిచిన శ్రీసత్య నటి కావాలని పరిశ్రమకు వచ్చింది. నేను శైలజ చిత్రంలో చిన్న రోల్ చేసింది. అలాగే ముద్దమందారం, త్రినయని వంటి సీరియల్స్ లో కీలక రోల్స్ చేసింది. తొందర పడకు సుందర వదన టైటిల్ తో ఒక వెబ్ సిరీస్లో నటించింది.

శ్రీసత్యకు ఫేమ్ తెచ్చింది మాత్రం బిగ్ బాస్ షోనే. 2022లో ప్రసారమైన సీజన్ 6లో శ్రీసత్య కంటెస్ట్ చేస్తుంది. తన తెలివితేటలతో చివరి వారం వరకు వెళ్ళింది. అయితే శ్రీసత్య అత్యంత నెగిటివిటీ మూటగట్టుకుంది. ఆమె ఇతర కంటెస్టెంట్స్ ని తెలివిగా వాడుకుని ముందుకు వెళ్ళింది. ఆమె గేమ్ కి అర్జున్ కళ్యాణ్ దారుణంగా బలి అయ్యాడు.

అర్జున్ కళ్యాణ్ ఆమె చుట్టే తిరుగుతూ గేమ్ మీద ఫోకస్ పెట్టలేదు. అతని వీక్నెస్ క్యాష్ చేసుకున్న శ్రీసత్య కొన్ని ప్రయోజనాలు పొందింది. శ్రీసత్య ఫైనల్ వీక్ కి వెళ్ళింది. కాగా ఫైనల్ లో ఆమెకు చోటు దక్కలేదు. మిడ్ వీక్ ఎలిమినేషన్ ద్వారా చివర్లో తప్పించారు. దాంతో శ్రీసత్య షాక్ అయ్యింది.

బిగ్ బాస్ తర్వాత సినిమా ఆఫర్స్ వస్తాయని అంటుకుంటే అలా జరగలేదు. ప్రస్తుతం బుల్లితెరకే పరిమితమవుతుంది. కాగా ఇటీవల శ్రీసత్య మీద ఓ ఆరోపణ వచ్చింది. ఆమె లేటెస్ట్ లుక్ చూసిన నెటిజెన్స్ ఒకింత ఆశ్చర్యం వ్యక్తం చేశారు. ఆమె ముఖంలో ఓ మార్పు గమనించారు. శ్రీసత్య పెదాలు గతానికి భిన్నంగా కనిపించాయి.

నెటిజెన్స్ ఆమెపై ప్రశ్నల వర్షం కురిపించారు. మీరు పెదాలకు సర్జరీ చేయించుకున్నారా?..  కానీ బాగోలేదు. గతంలోనే మీ పెదవులు అందంగా ఉండేవని కొందరు కామెంట్ చేశారు. మరికొందరు మాత్రం మెచ్చుకున్నారు. మీ లుక్ చాలా బ్యూటిఫుల్ గా ఉందని కితాబు ఇచ్చారు. ఈ కామెంట్స్ మీద శ్రీసత్య తాజా ఇంటర్వ్యూలో స్పందించారు. పెదవులకు సర్జరీ చేయించుకున్నట్లు ఆమె ఒప్పుకున్నారు. 
 

సినిమా అవకాశాల కోసమే శ్రీసత్య సర్జరీ చేయించుకుందట. పెదాలు పెద్దగా కనిపిస్తే బాగుంటుందని ఆమె ఆలోచనట. సన్నిహితులు కూడా సర్జరీ తర్వాత బాగున్నావు. హీరోయిన్ లా కనిపిస్తున్నావు.. అంటున్నారట. ముఖం కూడా పెద్దగా అనిపిస్తుందని అన్నారట. ఇకపై తన దృష్టి సినిమా మీదే అని శ్రీసత్య చెప్పుకొచ్చింది.

ఢీ డాన్స్ రియాలిటీ షో నుండి తప్పుకున్నట్లు శ్రీసత్య చెప్పడం కొసమెరుపు. ఢీ కి ఆశించిన స్థాయిలో టీఆర్పీ రావడం లేదు. నాకు ప్రొడక్షన్ వాళ్లతో ఎలాంటి సమస్య లేదు. ఛానల్ తోనే అసలు ఇబ్బంది అన్నారు. శ్రీసత్య ఢీ వదిలేయడం వెనుక ఏదో బలమైన కారణమే ఉందని ఆమె కామెంట్స్ తో అర్థం అవుతుంది. 

ఇక శ్రీసత్య వారానికి రూ. 6 లక్షలు సంపాదిస్తుందని ప్రచారం మొదలైంది. అందులో నిజం లేదు. వారానికి ఆరు లక్షలు అంటే నెలకు నా సంపాదన భారీగా ఉంటుంది. ఇంత వరకు నాకు సొంత కారు కూడా లేదు. లక్షలు సంపాదిస్తుంటే కారు కొనుక్కుంటాను కదా... అని రూమర్స్ ని బ్రేక్ చేసింది. శ్రీసత్య లేటెస్ట్ కామెంట్స్ వైరల్ అవుతున్నాయి.