బిగ్ బాస్ హౌస్లో ప్రేమాయణం నడిపిన మోనాల్ పరిస్థితి అలా తయారైందా... ఇప్పుడు ఏం చేస్తుందో తెలుసా?

బిగ్ బాస్ హౌస్ వేదికగా సంచలనాలు చేసింది మోనాల్ గజ్జర్. ఆమె ఓ కంటెస్టెంట్ తో ప్రేమాయణం నడిపింది. దాంతో భారీగా ఫేమ్ రాబట్టింది. అయినా మోనాల్ ఫేట్ మారలేదు. ప్రస్తుతం ఆమె పరిస్థితి ఏమిటి? ఏమి చేస్తుందో చూద్దాం? 

Monal Gajjar

తెలుగులో బిగ్ బాస్ ఏడు  సీజన్స్ పూర్తి చేసుకుంది. వాటిలో సీజన్ 4 గ్రాండ్ సక్సెస్. రికార్డు స్థాయిలో ఆ సీజన్ టీఆర్పీ రాబట్టింది. అభిజీత్, మోనాల్ గజ్జర్, యాంకర్ లాస్య, సింగర్ నోయల్, ముక్కు అవినాష్, అమ్మ రాజశేఖర్, గంగవ్వ, కరాటే కళ్యాణి, డైరెక్టర్ సూర్య కిరణ్(ఇటీవల మరణించాడు) వంటి సెలెబ్స్ పార్టిసిపేట్ చేశాడు.

అప్పట్లో కోవిడ్ ఆంక్షలు గట్టిగా ఉన్నాయి. ఈ క్రమంలో కంటెస్టెంట్స్ అందరినీ రెండు నెలల ముందే కొరెంటైన్ చేశారు. తర్వాత హౌస్లోకి ప్రవేశ పెట్టారు. పెద్దగా పరిచయం లేని మొహాలు అరియనా, దివి, సోహెల్, మెహబూబ్, అఖిల్ సార్థక్, అలేఖ్య హారిక ఈ షోతో ఫేమ్ తెచ్చుకున్నారు. అరియనా, అలేఖ్య హారిక, సోహెల్, అఖిల్ సార్థక్, అభిజీత్ ఫైనల్ కి వెళ్లారు. వీరిలో అభిజీత్ టైటిల్ విన్నర్ అయ్యాడు. 

కాగా మోనాల్ గజ్జర్ సీజన్ 4కి హాట్ టాపిక్ అయ్యింది. పొట్టి డ్రెస్సుల్లో గ్లామర్ షో చేసిన మోనాల్... అఖిల్ సార్థక్ తో లవ్ ఎఫైర్ నడిపింది. ఆ సీజన్ కి మోనాల్ టాప్ బ్యూటీ. దాంతో అభిజీత్, అఖిల్ ఆమెకు ట్రై చేశారు. మొదట్లో ఇద్దరితో సన్నిహితంగా ఉండేది మోనాల్. మెల్లగా అఖిల్ సార్థక్ కి దగ్గరైంది. ఇద్దరి మధ్య ఎమోషనల్ బాండింగ్  ఏర్పడింది. 

అఖిల్ కంటే కూడా మోనాల్ అతన్ని ఎక్కువగా ఇష్టపడేది. కొన్ని త్యాగాలు కూడా చేసింది. మోనాల్ గేమ్ ఆడకపోయినా హౌస్లో ఉంచుతున్నారనే విమర్శలు వినిపించాయి. అయితే మోనాల్-అఖిల్ లవ్ ట్రాక్ కి ప్రేక్షకులు కనెక్ట్ కావడంతో పాటు అఖిల్ స్ట్రాంగ్ ప్లేయర్ గా ఉన్న నేపథ్యంలో మోనాల్ ని కొనసాగించారు. అనూహ్యంగా ఫైనల్ కి ముందు వారం మోనాల్ ఎలిమినేట్ అయ్యింది. 

ఇక బయటకు వచ్చాక కూడా అఖిల్-మోనాల్ బంధం కొనసాగించారు. కొన్నాళ్ళు తరచుగా కలిసి కనిపించారు. మీరు స్నేహితుల లేక ప్రేమికులా? అంటే... స్నేహం కంటే ఎక్కువ, ప్రేమ కంటే తక్కువ అని సమాధానం చెప్పారు. కాలం గడిచే కొద్దీ మోనాల్-అఖిల్ దూరమైపోయారు. 

బిగ్ బాస్ వలన వచ్చిన ఫేమ్ తో మోనాల్ కి తెలుగులో ఆఫర్స్ వస్తాయి అనుకుంటే.. అలా జరగలేదు. అల్లుడు అదుర్స్ మూవీలో ఓ ఐటెం సాంగ్ చేసింది. డాన్స్ రియాలిటీ షోల్లో జడ్జిగా వ్యవహరించింది. తర్వాత ఆమె టాలీవుడ్ లో కనిపించింది లేదు. ప్రస్తుతం ఆమె గుజరాతీ చిత్రాలు చేస్తుంది. గుజరాతీలో చిత్రాలు అంటే పెద్దగా రెమ్యూనరేషన్ ఉండదు. ఆమె కెరీర్ గ్రాఫ్ పూర్తిగా పడిపోయిందని చెప్పొచ్చు. టాలీవుడ్ వంటి బడా పరిశ్రమల్లో ఆమెకు చాన్సులు రాకపోవడంతో గుజరాతీ చిత్రాలు చేస్తుంది.