బెస్ట్ కాంబినేషన్స్.. వీళ్లు కలిస్తేనే ఓ మ్యూజికల్ హిట్!

ఒక సినిమాను తెరకెక్కించాలంటే కొన్ని కాంబినేషన్స్ తప్పనిసరిగా సెట్టవ్వల్సిందే. ముఖ్యంగా దర్శకుడు సంగీత దర్శకుడు ఈ రోజుల్లో బెస్ట్ కాంబో గా మారిన ఒక ఆప్షన్. సినిమాకు మ్యూజిక్ పార్ట్ ప్రధాన ఆయుధం. అందుకే చాలా మంది దర్శకులు ఒక్కసారి కనెక్ట్ అయిన మ్యూజిక్ డైరెక్టర్స్ ని మళ్ళీ వదలరు. అలాంటి వారిపై ఓ లుక్కేద్దాం.. 

కె.రాఘవేంద్ర రావ్ - కీరవాణి: ఈ కాంబినేషన్ గురించి ఎంత చెప్పినా తక్కువే.. ఘరానా మొగుడు - సుందరకాండ సినిమాలకు మంచి మ్యూజిక్ ఇవ్వడంతో మళ్ళీ దర్శకేంద్రుడు కీరవాణినే ఎక్కువగా ఎంచుకున్నాడు. మధ్యలో మణిశర్మ అలాగే కొంత మందితో వర్క్ చేసినప్పటికీ మళ్ళీ కీరవాణితోనే కంటిన్యూ అయ్యారు.

సుకుమార్ - దేవి శ్రీ ప్రసాద్: ఆర్య సినిమాతో మొదలైన ఈ కాంబో ఒక్కసారి కూడా బ్రేక్ తీసుకోలేదు. సినిమాల రిజల్ట్ ఎలా ఉన్న కూడా అన్ని మ్యూజికల్ హిట్స్ గా నిలిచాయి. భవిష్యత్తులో కూడా ఈ దర్శకుడు దేవిని వదిలేలా లేడు.

శంకర్ - రెహమాన్: అపరిచితుడు - స్నేహితుడు తప్పితే శంకర్ అన్ని సినిమాలకు రెహమాన్ పని చేశాడు. ఆ రెండు సినిమాలకు కూడా రెహమాన్ మ్యూజిక్ అందించాల్సింది. కానీ బిజీగా ఉండడంతో కాంబో సెట్ కాలేకపోయింది.

శ్రీను వైట్ల - దేవి శ్రీ ప్రసాద్: ఆనందం, సొంతం , వెంకీ, రెడీ వంటి సినిమాలకు ఈ కాంబో బాగా పనిచేసింది. అప్పట్లో శ్రీను వైట్ల మొదటి ఆప్షన్ గా డీఎస్పీని ఎంచుకునేవారు.ఇతర కమిట్మెంట్స్ వల్ల వేరే సంగీతదర్శకులతో వర్క్ చేసేవారు. ఇక దూకుడు తరువాత థమన్ తో నాలుగు సినిమాలు చేశాడు.

రాజమౌళి - కీరవాణి: దర్శకధీరుడుఎలాంటి సినిమా చేసినా మొదటి నుంచి తన అన్నయ్యతోనే మ్యూజిక్ చేయించుకుంటున్నాడు. ఇద్దరి ఆలోచనలు ఎప్పటికప్పుడు అప్డేట్ అవుతుంటాయి. బాండింగ్ స్ట్రాంగ్ గా ఉండడంతో జక్కన్న పెద్దన్నను వదలడం లేదు.

కొరటాల శివ: మిర్చి నుంచి దర్శకుడు కొరటాల దేవినే వాడుతున్నాడు. అయితే నెక్స్ట్ మెగాస్టార్ తో చేయబోయే సినిమాకు వేరే సంగీత దర్శకుడు సెలెక్ట్ అయ్యే అవకాశం ఉన్నట్లు తెలుస్తోంది.

శేఖర్ కమ్ముల - మిక్కీ జె మేయర్: హ్యాపీ డేస్ - లీడర్ - లైఫ్ ఈజ్ బ్యూటీ ఫుల్ సినిమాలకు మిక్కీని సెలెక్ట్ చేసుకున్న కమ్ముల ఎవర్ గ్రీన్ సాంగ్స్ ని రాబట్టాడు.

సాయి కార్తీక్ - అనిల్ రావిపూడి: మొదటి మూడు సినిమాలు(పటాస్ - సుప్రీమ్ - రాజా ధీ గ్రేట్) సినిమాలకు సాయితో మ్యూజిక్ చేయించుకున్న అనిల్ F2 సినిమాకు దేవిని సెట్ చేసుకున్నాడు. నెక్స్ట్ మహేష్ సినిమాకు కూడా దేవినే!

బి.గోపాల్- మణిశర్మ: ఈ కాంబోలో వచ్చిన ఇంద్ర - నరసింహనాయుడు - సమరసింహా రెడ్డి - అడవి రాముడు వంటి సినిమాలు మ్యూజికల్ హిట్స్ అయ్యాయి.

సురేందర్ రెడ్డి - థమన్: ఎంతో మందితో వర్క్ చేసిన థమన్ సురేందర్ రెడ్డి అంటే ఎంత బిజీగా ఉన్న మంచి మ్యూజిక్ ఇవ్వడానికి ట్రై చేస్తాడు. సురేందర్ రెడ్డి ద్వారా కిక్ తో మొదటి అవకాశం అందుకున్న థమన్ రేసుగుర్రం - కిక్ 2 సినిమాలకు కూడా బిజీగా ఉంటూనే వర్క్ చేశాడు.

త్రివిక్రమ్ - దేవి శ్రీ ప్రసాద్: వీరిద్దరూ కలిసి చేసిన సినిమాలన్నీ బాక్స్ ఆఫీస్ వద్ద ఒక ట్రెండ్ సెట్ చేశాయి. జల్సా - జులాయి - అత్తారింటికి దారేది - సన్ ఆఫ్ సత్యమూర్తి సినిమాలు బెస్ట్ ఆల్బమ్స్ గా నిలిచాయి.

మరిన్ని ఇంట్రెస్టింగ్ అప్ డేట్స్ కోసం క్లిక్ చేసి ఏసియా నెట్ న్యూస్ తెలుగు వాట్సాప్ చానెల్·ను ఫాలో అవ్వండి