నాగార్జున హీరో అవుతాడనుకోలేదు.. ఏఎన్నార్‌ కామెంట్స్ వైరల్‌.. బిజినెస్‌ కోసం ప్లాన్‌.. అందుకే పెళ్లి?

16

నాగార్జునని మొదట హీరో చేయాలని ఏఎన్నార్‌ అనుకోలేదట. ఆయన చేత బిజినెస్‌ పెట్టించాలని ప్లాన్‌ చేశాడట. అందుకోసం ఇంజనీరింగ్‌, ఎంబీఏ చేయించడానికి అక్కినేని నాగేశ్వరరావు ప్లాన్‌ చేశారు. అయితే అనుకోని పరిణామాలు చోటు చేసుకున్నాయి. అది తనకే ఆశ్చర్యపరిచిందన్నారు ఏఎన్నార్‌. నాగార్జున గురించి ఏఎన్నార్‌ చెప్పిన విషయాలకు సంబంధించిన ఓ వీడియో ఇప్పుడు ట్రెండింగ్‌లోకి వచ్చింది. మరి ఇందులో ఏఎన్నార్‌ ఏం చెప్పాడనేది చూస్తే, 

26

ఏఎన్నార్‌.. గతంలో జయప్రద యాంకర్‌గా చేసిన ఓ టాక్‌ షోలో పాల్గొన్నారు. ఇందులో నాగార్జున ప్రస్తావన వచ్చింది. ఇందులో ఆయన మాట్లాడుతూ, నాగార్జున హీరో అవుతాడని తాను అనుకోలేదని తెలిపారు. దీంతో అమెరికాలోని కొలంబియాతోపాటు మరో యూనివర్సిటీలో ఇంజనీరింగ్‌, ఎంబీఏ కలిసి ఉన్న ఓ కోర్ట్స్ లో అడ్మిషన్‌ వెయించాడట ఏఎన్నార్‌. బిజినెస్‌ కోర్స్ చేస్తే ఇండస్ట్రీ పెట్టడానికి ఉపయోగపడుతుందని, తాను ఇక్కడ ఓ పరిశ్రమ పెట్టాలనే ఆలోచనతో ఉన్నట్టు తెలిపారు ఏఎన్నార్‌. స్టడీ అయిపోయాక ఏడాదికి పెళ్లి చేశామాని తెలిపారు ఏఎన్నారు.

36

అయితే ఏ బిజినెస్‌ పెట్టాలనే ఆలోచన వచ్చినప్పుడు, ఎలాంటి ఇండస్ట్రీ పెడతావు, ఏం చేయాలని ఉందని అడిగితే.. అప్పుడు నాగార్జున అసలు విషయం బయటపెట్టాడట. `నాకు సినిమాల్లో యాక్ట్ చేయాలనుంది` అని చెప్పాడట.  సినిమాల్లో చేయాలంటే నాటకాల అనుభవం లేదు, అది(యాక్టింగ్‌ కోర్స) లేదు, ఇది లేదు ఎలా అనుకున్నారట. కచ్చితంగా తాను నటించాలనుకుంటున్నట్టు చెప్పడంతో డైలాగ్‌ డెలివరీ, అలాగే కరాటే నేర్పించారట. ఆరేడు మాసాలు బాంబేలో ఓ లేడీ వద్ద యాక్టింగ్‌కి సంబంధించిన క్రాష్‌ కోర్స్ నేర్పించాడట. ఆ తర్వాత సినిమాల్లోకి తీసుకొచ్చినట్టు చెప్పాడు ఏఎన్నార్. 

46

నాగార్జున 1986లో `విక్రమ్‌` చిత్రంతో హీరోగా టాలీవుడ్‌కి పరిచయం అయ్యారు. మధుసూధన్‌రావు దర్శకత్వం వహించిన అన్నపూర్ణ స్టూడియోపై అక్కినేని వెంకట్‌ నిర్మించారు. శోభన ఇందులో హీరోయిన్‌గా నటించింది. ఈ సినిమా మంచి ఆదరణ పొందింది. నాగార్జున సినిమాల్లోకి రావడం వెనుక, హీరో కావడం వెనుక ఇంతటి స్టోరీ జరిగిందని ఏఎన్నార్‌ మాటలని బట్టి చూస్తే తెలుస్తుంది. 

56

నాగ్‌ని హీరో చేసే ఉద్దేశ్యం నాగేశ్వరరావుకి లేకపోవడం వల్లే ముందుగానే పెళ్లి చేసినట్టు తెలుస్తుంది. నాగ్‌.. ప్రముఖ నిర్మాత దగ్గుబాటి రామానాయుడు కూతురు లక్ష్మిని 1984లో వివాహం చేసుకున్న విషయం తెలిసిందే. అయితే 86లో నాగచైతన్య జన్మించారు. ఆ సమయంలోనే నాగ్‌ హీరోగా ఎంట్రీ ఇచ్చాడు. అయితే నాగార్జున సినిమాల్లోకి వెళ్లడం లక్ష్మికి ఇష్టం లేదని, అందుకే ఈ ఇద్దరి విడిపోయినట్టు భోగట్టా. ఆ తర్వాత 1990లో ఈ ఇద్దరి విడాకులు తీసుకున్నారు. 

66

ఆ తర్వాత నాగార్జున.. హీరోయిన్‌ అమల ప్రేమలో పడ్డారు. ఇద్దరు కలిసి సినిమాలు చేశారు. ఈ క్రమంలో పరిచయం, ప్రేమ పెళ్లి వరకు వెళ్లింది. అయితే అమలని పెళ్లి చేసుకోవడం ఏఎన్నార్‌కి కూడా ఇష్టం లేదనే ప్రచారం జరిగింది. ఏదేమైనా ఇప్పుడు అంతా హ్యాపీ. ఆ తర్వాత నాగ్‌-అమలకి అఖిల్‌ జన్మించారు. ఇప్పుడు నాగచైతన్య, అఖిల్‌ హీరోలుగా రాణిస్తున్నారు. నాగార్జున `నా సామి రంగ` చిత్రంలో నటిస్తున్నారు. అలాగే `బిగ్‌ బాస్‌ తెలుగు 7`కి హోస్ట్ గా చేస్తున్న విషయం తెలిసిందే.