అమర్‌ దీప్‌ ఇక్కడ కూడా కామెడీ పీస్ అయిపోయాడే.. అందరిలో పరువు తీసిన శ్రీముఖి.. దెబ్బకి షాక్‌

టీవీ నటుడు, బిగ్‌ బాస్‌ మాజీ కంటెస్టెంట్ ఇప్పుడు టీవీ షోస్‌లో సందడి చేస్తున్నాడు. కెప్టెన్సీ విషయంలో ఆయన ఇక్కడ కామెడీ పీస్‌ అయిపోయాడు.  

అమర్‌ దీప్‌.. టీవీ సీరియల్స్ తో పాపులర్‌ అయిన నటుడు. ఆయన గత సీజన్‌లో `బిగ్‌ బాస్‌` షోలో పాల్గొన్న విషయం తెలిసిందే. ప్రారంభంలో ఆయన ఆట తీరు, ప్రవర్తన కామెడీగా ఉన్నా, ఆ తర్వాత అతనే క్రేజీ కంటెస్టెంట్ గా మారిపోయాడు. మోస్ట్ ఎంటర్‌టైనింగ్‌ కంటెస్టెంట్‌గానూ నిలిచాడు. అంతిమంగా టాప్‌ 5లో నిలిచారు. కానీ కప్‌ కొట్టలేకపోయాడు. పల్లవి ప్రశాంత్‌ విన్నర్‌గా నిలిచిన విషయం తెలిసిందే. 

ఎక్కువగా షోలో ఈ ఇద్దరి మధ్యనే గొడవలు జరిగాయి. ఆ గొడవలే వీరిని స్టార్లని చేశాయి. టాప్‌ 5కి వచ్చేలా చేశాయి. అయితే ఈ షోలో అమర్‌ దీప్‌ కెప్టెన్సీ గెలవలేకపోయాడు. పోరాడిన ప్రతిసారి ఓడిపోయాడు. తాను మిస్టేక్ చేయడమా? మిగిలిన వాళ్లు హ్యాండివ్వడమా కారణం ఏదైనా కెప్టెన్సీ దక్కలేదు. కానీ చివరి వారంలో ఆయనకు బిగ్‌ బాస్‌ పెద్ద మనసు చేసుకుని కెప్టెన్‌ని చేశాడు. అంటే ఆయన సాధిస్తే రాలేదు, పాపం అనుకుంటే వచ్చింది. మొత్తంగా ఆయన పోరాటం కామెడీగా మారింది. 

ఇప్పుడు మరోసారి కామెడీ పీస్‌ అయిపోయాడు అమర్‌ దీప్‌. మరోసారి ఆయనకు పాపం అనుకుంటే కెప్టెన్సీ వచ్చింది. మరి ఆ సంగతులేంటో చూస్తే.. బిగ్‌ బాస్‌ మాజీ కంటెస్టెంట్లతో ప్రస్తుతం స్టార్‌ మాలో `కిర్రాక్‌ బాయ్స్ ఖిలాడీ గర్ల్స్` పేరుతో షో నిర్వహిస్తున్నారు.

శ్రీముఖి యాంకర్‌గా, అనసూయ, శేఖర్‌ మాస్టర్‌ గర్ల్స్, బాయ్స్ టీమ్‌కి లీడ్‌గా, జడ్జ్ లుగా ఉన్నారు. ఇందులో అమర్‌ దీప్‌తోపాటు అర్జున్‌, టేస్టీ తేజ, ప్రియాంక, శోభా శెట్టి, రీతూ చౌదరి, విష్ణు ప్రియా, సౌమ్య రావు వంటి వారు కంటెస్టెంట్లుగా రాణిస్తున్నారు. 

తాజాగా ఈ షోకి సంబంధించిన లేటెస్ట్ ప్రోమో విడుదలైంది. అనసూయ `ఆకలేస్తే అన్నం పెడతాం` అంటూ హోటల్‌ని పెట్టి, వంటలు చేసే పోటీలు నిర్వహించారు. బాయ్స్ టీమ్‌కి అర్జున్‌  కెప్టెన్‌గా ఉన్నాడు. సడెన్‌గా ఆయన స్టేజ్‌మీదకు వచ్చేసి, తాను వాకౌట్‌ అయి, కెప్టెన్సీ అమర్‌కి ఇచ్చేద్దామనుకుంటున్నా అన్నాడు. దీంతో అది బెటర్‌, ఇక అడుక్కోవాల్సిన అవసరం లేదు, ఈజీగా వస్తుంది కెప్టెన్సీ అని కౌంటర్‌ వేస్తుంది శోభా శెట్టి. 

ఇక రెచ్చిపోయిన శ్రీముఖి.. హౌజ్‌లో నాగార్జునగారు జాలిపడి కెప్టెన్సీ ఇచ్చి, ఇక్కడ ఏదో మొహమాటపడి అర్జున్‌ ఇచ్చేసి, కెప్టెన్సీ నీకు నువ్వు ఎప్పుడురా అయ్యేది` అంటూ షాకిచ్చింది. అది అవదమ్మా అని మరో కంటెస్టెంట్‌ కామెంట్‌ చేయడంతో దెబ్బకి అమర్ దీప్‌కి ఫ్యూజులు ఔట్‌ అయ్యాయి. ఇది ఆద్యంతం నవ్వులు పూయించాయి.

కానీ ఫైనల్ గా మరోసారి అమర్‌ దీప్‌ కామెడీ పీస్‌ అయిపోయాడు, ఇక్కడ కూడా ఆయన కమెడియన్‌ కావడం ఆశ్చర్యంగా మారింది. కింద కామెంట్లలోనూ నెటిజన్లు అలాంటి కామెంట్లే చేస్తుండటం గమనార్హం. కానీ ఏ చేసినా అమర్‌ దీప్‌ మంచి ఎంటర్‌టైనర్‌ అని చెప్పడంలో అతిశయోక్తి లేదు.