మా కోడలు రిచ్, ఆమెకి ఆ అవసరం లేదు.. కానీ, అల్లు అర్జున్ భార్యపై అల్లు అరవింద్ కామెంట్స్

యువ నటుడు సుహాస్ నటించిన తాజా చిత్రం 'రైటర్ పద్మభూషణ్'. ఇటీవల విడుదలైన ఈ చిత్రం పాజిటివ్ టాక్ సొంతం చేసుకుంది. దీనితో చిత్ర యూనిట్ సక్సెస్ మీట్ నిర్వహించారు.

యువ నటుడు సుహాస్ నటించిన తాజా చిత్రం 'రైటర్ పద్మభూషణ్'. ఇటీవల విడుదలైన ఈ చిత్రం పాజిటివ్ టాక్ సొంతం చేసుకుంది. దీనితో చిత్ర యూనిట్ సక్సెస్ మీట్ నిర్వహించారు. ఈ సక్సెస్ మీట్ కి అల్లు అరవింద్ అతిథిగా హాజరయ్యారు. అల్లు అరవింద్ మాట్లాడుతూ ఆసక్తికర వ్యాఖ్యలు చేశారు. 

ప్రతి ఆడపిల్ల తన కుటుంబంతో కలసి ఈ రైటర్ పద్మభూషణ్ చిత్రం చూడాలి అని అన్నారు. ఆడపిల్ల ఇంట్లోనే ఉండాలి అని అభిప్రాయానికి తాను వ్యతిరేకం అని అన్నారు. ప్రతి ఆడపిల్ల చక్కగా చదువుకుని పెళ్లి చేసుకుని పిల్లలని కనాలనే ఉంటుంది. కానీ వాళ్ళకంటూ అభిప్రాయాలు, ఇష్టాలు ఉంటాయని తల్లి దండ్రులు గుర్తించరు అని అల్లు అరవింద్ అన్నారు. 

మా కోడలు స్నేహకి పనిచేయాల్సిన అవసరం ఏముంది. ఆమె పుట్టుకతోనే ధనవంతుల కుటుంబంలో పుట్టింది. అల్లు అర్జున్ లాంటి స్టార్ బిగ్ స్టార్ ని వివాహం చేసుకుంది. కానీ ఆమె ఇంకా వర్క్ చేస్తోంది అంటూ అల్లు అరవింద్ ప్రశంసలు కురిపించారు. 

అల్లు స్నేహ ఓ ఆన్లైన్ ఫోటో స్టూడియో నిర్వహిస్తున్నారు. అలాగే కుటుంబ బాధ్యతలు చూసుకుంటున్నారు. అలాగే రైటర్ పద్మభూషణ్ దర్శకుడు, నటుడు సుహాస్, ఇతర చిత్ర యూనిట్ పై అల్లు అరవింద్ ప్రశంసలు కురిపించారు. ఈ చిత్రం చూశాక ఇంటికి వెళ్లి నా భార్యని.. నువ్వు ఏమి కావాలని అనుకున్నావ్ అని అడిగా అని అన్నారు. 

నటుడు సుహాస్ కమెడియన్ గా రాణించాడు. కానీ ఇప్పుడు కలర్ ఫోటో, రైటర్ పద్మభూషణ్ లాంటి విభిన్న ప్రయత్నాలతో దూసుకుపోతున్నాడు. హిట్ 2 చిత్రంలో సుహాస్ అందరిని ఆశ్చర్యానికి గురిచేసిన సంగతి తెలిసిందే. 

రైటర్ పద్మభూషణ్ చిత్రాన్ని యువ దర్శకుడు షణ్ముఖ్ ప్రశాంత్ తెరకెక్కించారు. మంచి సందేశంతో, హాస్యంతో ఈ చిత్రాన్ని తెరకెక్కించారు అనే ప్రశంసలు దక్కుతున్నాయి.