తెలుగు నేర్చుకుంటున్న అలియా..సొంతంగా డబ్బింగ్‌.. `ఆర్‌ఆర్‌ఆర్‌`కి మరింత క్రేజ్‌
బాలీవుడ్‌ ముద్దుగుమ్మ అలియాభట్‌ తెలుగులోకి ఎంట్రీ ఇస్తూ `ఆర్‌ ఆర్‌ ఆర్‌`లో నటిస్తున్న విషయం తెలిసిందే. దీని కోసం తెలుగు నేర్చుకుంటోందట. అంతటితో ఆగడం లేదు... ఇంకా చాలా చేస్తుందీ క్యూట్ బేబి.
అలియా భట్‌..బాలీవుడ్‌ బిగ్‌ ఫిల్మ్ మేకర్‌ మహేష్‌ భట్‌ తనయగా చిత్ర పరిశ్రమలోకి అడుగుపెట్టి అనతి కాలంలోనే తనకంటూ ఓ ప్రత్యేకమైన ఇమేజ్‌ని సొంతం చేసుకుంది.
`స్టూడెంట్‌ ఆఫ్‌ ది ఇయర్‌`తో హీరోయిన్‌గా బాలీవుడ్‌ పరిచయం తొలి చిత్రంతోనే అందరి దృష్టిని ఆకర్షించింది.
`హైవే`, `2 స్టేట్స్`, `షాందార్‌`, `కపూర్‌ అండ్‌ సన్స్` చిత్రాలతో తానేంటో చూపించింది.
`ఉడ్తా పంజాబ్‌`లో ఏకంగా తన నట విలక్షణత్వాన్నిప్రదర్శించింది.
`డియర్‌ జిందగీ`, `బద్రినాథ్‌ కి దుల్హానియా` చిత్రాలతో మెప్పించిన ఈ బ్యూటీ `రాజీ`లో మరోసారి తన నట విశ్వరూపాన్ని చూపించింది.
`గల్లీబాయ్‌`తో సూపర్‌ హిట్‌ని అందుకుంది. ఇటీవల `సడక్‌2`లో మెరిసిన అలియా తెలుగులోకి ఎంట్రీ ఇస్తూ ప్రతిష్టాత్మక చిత్రం `ఆర్‌ ఆర్‌ ఆర్‌`లో నటిస్తున్న విషయం తెలిసిందే.
ఎన్టీఆర్‌, రామ్‌చరణ్‌ హీరోలుగా, రాజమౌళి దర్శకత్వంలో రూపొందుతున్న ఈ చిత్రంలో అలియా.. చెర్రీ సరసన సీత పాత్రలో మెరవనుంది.
అయితే ఈ సినిమాలోని పాత్ర కోసం స్వయంగా తానే డబ్బింగ్‌ చెప్పాలని నిర్ణయించుకుందట.
అందుకోసం తెలుగు నేర్చుకుంటుందని సమాచారం. మా మాటలు మేమే మాట్లాడుకుంటామని చెబుతుందట.
లాక్‌డౌన్‌ టైమ్‌లో ఈ సినిమా నుంచి అలియా తప్పుకుందనే వార్తలు సోషల్‌ మీడియాలో చక్కర్లు కొట్టాయి.
కానీ అవన్నీ గాలి వార్తలే అని ఇప్పుడు స్పష్టమైంది.
అంతేకాదు ఇందులో తాను నటించే సీత పాత్ర కోసం ప్రిపేర్‌ అవుతుందట అలియా.
తెలుగు నేర్చుకోవడం కోసం ఓ కోచ్‌ని కూడా ఏర్పాటు చేసుకుందట. తన పాత్రకి తానే స్వయంగా డబ్బింగ్‌ చెప్పాలనే కసితో తెలుగు నేర్చుకుంటుందని చిత్ర వర్గాలు అంటున్నాయి. మరి తెలుగులో ఈ అమ్మడు ఏ మేరకు మెప్పిస్తుందో చూడాలి.
`ఆర్‌ ఆర్‌ ఆర్‌` షూటింగ్‌ ఈ మంగళవారం పునప్రారంభమైన విషయం తెలిసిందే. ఇందులో ఎన్టీఆర్‌,రామ్‌చరణ్‌ పాల్గొంటున్నారు. యాక్షన్‌ ఎపిసోడ్స్ చిత్రీకరించబోతున్నట్టు సమాచారం.
క్లిక్ చేసి ఏసియా నెట్ న్యూస్ తెలుగు వాట్సాప్ చానెల్·ను ఫాలో అవ్వండి
