Agent Review:'ఏజెంట్' ప్రీమియర్ టాక్.. వైల్డ్ సాలా నచ్చాడా, కసిగా వచ్చిన అఖిల్ ఈసారైనా హిట్ కొట్టాడా

స్టార్ డైరెక్టర్ సురేందర్ రెడ్డి దర్శకత్వంలో అఖిల్ చేసిన భారీ ప్రయత్నం ఏజెంట్. స్పై థ్రిల్లర్ గా తెరకెక్కిన ఈ చిత్రంపై ఆడియన్స్ మంచి బజ్ ఉంది. ఈసారి ఎలాగైనా హిట్ కొట్టాల్సిందే అన్నంత కసిగా అఖిల్ ఈ చిత్రం కోసం ప్రాణం పెట్టేశాడు అనే చెప్పాలి.

ఏది ఏమైనా వైల్డ్ సాలాగా అఖిల్ ప్రేక్షకులని ఎంటర్టైన్ చేసేందుకు సిల్వర్ స్క్రీన్ పై సందడి మొదలెట్టాడు. ఏజెంట్ ప్రీమియర్ షోల సందడి యుఎస్ లో మొదలైంది. ఈ చిత్రంలో మలయాళీ మెగాస్టార్ మమ్ముట్టి కీలక పాత్రలో నటిస్తుండడం ఒక స్పెషల్ అట్రాక్షన్. మరి ఏజెంట్ ఎలా ఉన్నాడో,ఆడియన్స్ రెస్పాన్స్ ఎలా ఉందో ఇప్పుడు తెలుసుకుందాం. 

స్టార్ డైరెక్టర్ సురేందర్ రెడ్డి దర్శకత్వంలో అఖిల్ చేసిన భారీ ప్రయత్నం ఏజెంట్. స్పై థ్రిల్లర్ గా తెరకెక్కిన ఈ చిత్రంపై ఆడియన్స్ మంచి బజ్ ఉంది. ఈసారి ఎలాగైనా హిట్ కొట్టాల్సిందే అన్నంత కసిగా అఖిల్ ఈ చిత్రం కోసం ప్రాణం పెట్టేశాడు అనే చెప్పాలి. దాదాపు ఏడాది సమయం అఖిల్ ఈ మూవీ కోసం శ్రమించాడు. సురేందర్ రెడ్డి కూడా ఏజెంట్ ని అఖిల్ కి ఒక మెమొరబుల్ మూవీగా మార్చేందుకు స్థాయికి మించిన బడ్జెట్ వెచ్చించారనే ప్రచారం జరిగింది. 

ప్రారంభంలోనే చిన్న ట్విస్ట్ తో మమ్ముట్టి పాత్ర పరిచయం అవుతుంది. ఆయన రా (RAW) కోసం పనిచేస్తున్న సన్నివేశాలు ఫ్లాష్ బ్యాక్ రూపంలో మొదలవుతాయి. ఆ తర్వాత సిండికేట్ బాస్ గా డినో మోరే పాత్ర కూడా పరిచయం అవుతుంది. ఆయన కరుడుకట్టిన డాన్ గా కనిపిస్తారు. ఇక అఖిల్ రామకృష్ణ అనే హ్యాకర్ గా క్లాసీ ఎంట్రీ ఇచ్చాడు. 

అఖిల్ ఇప్పటి వరకు కనిపించింది ఒకెత్తు.. ఈ చిత్రంలో మరో ఎత్తు అన్న విధంగా పెర్ఫామ్ చేశాడు. దర్శకుడు సురేందర్ రెడ్డి అఖిల్ కి డిఫెరెంట్ క్యారెక్టరైజేషన్, విభిన్నమైన డైలాగ్ మాడ్యులేషన్ ఇచ్చే ప్రయత్నం చేశారు. అయితే అది 100 శాతం ఫలించిందా అంటే చెప్పడం కష్టం. ఎందుకంటే ఫస్ట్ హాఫ్ స్టోరీలో యాక్షన్ మెరుపులు తప్ప ఎగ్జైట్ చేసే అంశాలు తక్కువ. 

సురేందర్ రెడ్డి చిత్రాల్లో స్క్రిప్ట్ బలంగా లేకున్నా సన్నివేశాలు ఎంటర్టైనింగ్ గా ఉంటాయి. కానీ ఏజెంట్ ఫస్ట్ హాఫ్ లో అలాంటి సీన్స్ లేవు. పైగా కథ నేరేట్ చేసిన విధానం బలహీనంగా ఉంది. ప్రొడక్షన్ వాల్యూస్ అబ్బురపరిచే విధంగా ఉన్నాయి. కానీ ఆడియన్స్ కి కథ పూర్తి స్థాయిలో కనెక్ట్ కాకపోవడంతో ఫస్ట్ హాఫ్ బిలో యావరేజ్ గా సాగింది. ఫస్ట్ హాఫ్ లో ఇంటర్వెల్ బ్యాంగ్ మాత్రమే కాస్త హై ఇస్తుంది. 

హీరోయిన్ సన్నివేశాలు, పాటలు నిరాశపరిచే విధంగా ఉన్నాయి. అఖిల్ వైల్డ్ క్యారెక్టరైజేషన్ యాక్షన్ సన్నివేశాల వరకు ఒకే అనిపించే విధంగా ఉంది. స్క్రీన్ ప్లే వేగంగా సాగినప్పటికీ ఆకట్టుకొని కథతో ఆడియన్స్ కి నిరాశ తప్పదు. ఇక సెకండ్ హాఫ్ లో లో కూడా పరిస్థితి ఏమాత్రం మారలేదు. 

అఖిల్ చేత బలవంతంగా యాక్షన్ ఫిలిం చేయించారు తప్ప.. సురేందర్ రెడ్డి మార్క్ ఎక్కడా కనిపించడం లేదు. దర్శకుడిగా సురేందర్ రెడ్డి వర్క్ బ్యాక్ ఫైర్ అయింది అనే కామెంట్స్ వస్తున్నాయి. కథ, అఖిల్ క్యారెక్టరైజేషన్ కోసం సురేందర్ రెడ్డి భారీ హంగామా చేసారు కానీ అందంతా రొటీన్ వ్యవహారమే. మ్యూజిక్ కూడా ఈ చిత్రానికి ఏమాత్రం సహకరించలేదు. క్లైమాక్స్ సన్నివేశాలు మరీ సిల్లీగా ఉన్నాయని ఆడియన్స్ ఫీల్ అవుతున్నారు. ఈ చిత్రంతో బాక్సాఫీస్ వద్ద అద్భుతం జరగడం కష్టమే అనే టాక్ వినిపిస్తోంది. అఖిల్ కి కోరుకున్న హిట్ ఈసారి కూడా వాయిదా పడ్డట్లే అని ఆడియన్స్ అంటున్నారు.