భర్తతో సినిమాని రిజెక్ట్ చేసిన ఐశ్వర్యా రాయ్‌.. కారణం ఏంటో తెలిస్తే ఫ్యూజులు ఔట్‌

అభిషేక్ బచ్చన్ ప్రస్తుతం రెండు కారణాలతో వార్తల్లో నిలుస్తున్నారు. మొదటిది ఆయన నటించిన  `ఐ వాంట్ టు టాక్` విడుదలై పాజిటివ్‌ టాక్‌ని తెచ్చుకుంది. చాలా రోజుల తర్వాత అభిషేక్‌ సినిమాకి హిట్‌ టాక్‌ రావడం విశేషం. ఇక రెండవది, ఐశ్వర్య రాయ్ నుండి ఆయన విడిపోతున్నారనే పుకార్లు వ్యాపిస్తున్నాయి. అభిషేక్, ఐశ్వర్య మ్యారేజ్‌కి ముందు `కుచ్ నా కహో`, `ధూమ్ 2`, `బంటీ ఔర్ బబ్లీ`, `గురు`, `సర్కార్ రాజ్` వంటి పలు సినిమాల్లో కలిసి నటించారు. అయితే వివాహం తర్వాత, వారు కలిసి నటించిన ఏకైక చిత్రం మణిరత్నం `రావణ్`.  ఈ మూవీ పెద్దగా ఆడలేదు.  

ఇదిలా ఉంటే ఐశ్వర్య రాయ్‌ గతంలో అభిషేక్‌తో కలిసి నటించడానికి నో చెప్పిందట. మరి ఆ మూవీ ఏంటనేది చూస్తే, `హ్యాపీ న్యూ ఇయర్`. ఇది 2014 లో విడుదలై బాక్సాఫీస్ వద్ద భారీ విజయాన్ని సాధించింది. షారుఖ్ ఖాన్ ప్రధాన పాత్ర పోషించారు, ఆయనతో పాటు అభిషేక్ బచ్చన్, సోనూ సూద్, బోమన్ ఇరానీ, వివాన్ షా, జాకీ ష్రాఫ్, దీపికా పదుకొనే కీలక పాత్రలు పోషించారు. ఈ చిత్రానికి ఫరా ఖాన్ దర్శకత్వం వహించారు, ఆమె ఐశ్వర్యకు ఒక పాత్రను ఆఫర్ చేశారు.   అయితే దీన్ని ఐశ్వర్య రిజెక్ట్ చేశారట. కారణం భర్తతో స్క్రీన్‌ షేర్‌ చేసుకోవడం ఇష్టం లేదట. 

NDTV కి ఇచ్చిన ఇంటర్వ్యూలో, ఐశ్వర్య రాయ్ ఆ చిత్రాన్ని తిరస్కరించినట్లు ఒప్పుకున్నారు. దీనిపై ఆమె వివరణ ఇస్తూ , "అవును, నాకు ఆ ఆఫర్‌ వచ్చింది.  ఒక ఒక ఫన్నీ మూవీ లా అనిపించింది. మేము చాలా సరదాగా గడుపుతామని, ఇది ఒక సరదా అనుభవం అవుతుందని నాకు తెలుసు.  మేము (ఐశ్వర్య రాయ్, అభిషేక్ బచ్చన్) ఒకరికొకరు ఎదురుగా నటించలేము. అది నిజంగా చాలా వింతగా ఉంటుంది. అందుకే నో చెప్పాను` అని తెలిపింది ఐశ్వర్యా రాయ్‌. 

ఐశ్వర్య చెప్పిన ఈ వీడియో క్లిప్‌ ఇప్పుడు వైరల్ అయింది. వీడియోను చూసిన తర్వాత, చాలా మంది నెటిజన్లు ఐశ్వర్య ధైర్యాన్ని ప్రశంసించారు.  `ఇది చాలా సులభం, ఆమె (ఐశ్వర్య) ఆయన (అభిషేక్) కోసం తన కెరీర్ ను త్యాగం చేసింది,  బాధాకరమైన విషయం ఏంటంటే ఇప్పుడు ఆయన (అభిషేక్) సెకండ్‌ లీడ్‌గా చేయాల్సి వచ్చింది` అని, `మహిళలు మాత్రమే తమ భర్తల కోసం ఇలా చేయగలరు. అది ఒక పురుషుడైతే, అతను ఎప్పుడూ అలా చేయడు` అని ఐష్‌ని సమర్థిస్తూ మరో నెటిజన్‌ ఈ పోస్ట్ పెట్టారు. 

2014 అక్టోబర్ 24న విడుదలైన `హ్యాపీ న్యూ ఇయర్` సినిమా ఫస్ట్ డే ₹44.97 కోట్లు, మొదటి వారాంతంలో ₹108.86 కోట్లు, మొదటి వారంలో ₹157.57 కోట్లు వసూలు చేసింది. ఈ మూవీ ఇండియాలో  ₹203 కోట్లు వసూలు చేసింది. ప్రపంచ వ్యాప్తంగా ₹383.1 కోట్లు కలెక్ట్ చేసింది. అయితేఇందులో దీపికా పదుకొనె హీరోయిన్‌గా నటించడం విశేషం. ఆమెకిది పెద్ద బూస్ట్ నిచ్చిందని చెప్పొచ్చు. 

read more: మూడుసార్లు పెళ్లి చేసుకున్న ఈ వివాదాస్పద హీరోయిన్‌ని గుర్తు పట్టారా? చిన్ననాటి రేర్‌ ఫోటోలు

also read: ఎన్టీఆర్‌ బాగా ఇష్టపడ్డ పాత్ర ఏంటో తెలుసా? ఎస్వీఆర్‌పై