వయసొచ్చినా ఈ హీరోయిన్లు పెళ్ళికి దూరం.. ఒక్కొక్కరిదీ ఒక్కో కారణం!

First Published Jul 20, 2019, 1:32 PM IST

సరైన వయసులో పెళ్లి చేసుకునే హీరోయిన్లు చాలా తక్కువ. ఎక్కువగా హీరోయిన్లు కెరీర్ లో మునిగిపోయి పెళ్ళికి అంతగా ప్రాధ్యానత ఇవ్వరు. అలా పెళ్లీడు వచ్చినా ఇంకా సింగిల్ గానే ఉన్న ముద్దుగుమ్మలు వీళ్ళే!

శృతి హాసన్ : శృతి హాసన్ వయసు ప్రస్తుతం 33 ఏళ్ళు. కొన్ని రోజుల క్రితం వరకు లండన్ కు చెందిన మైకేల్ కోర్సలే అనే వ్యక్తితో శృతి హాసన్ చెట్టాపట్టాలేసుకుని తిరిగింది. తన ప్రియుడిని శృతి హాసన్ తల్లిదండ్రులకు కూడా పరిచయం చేసింది. ఈ నేపథ్యంలో శృతి హాసన్ త్వరలో వివాహానికి సిద్ధం అవుతోందని అనుకున్నారంతా. కానీ ఇటీవలే ఈ జంట విడిపోయారు.

త్రిష : ఈ చెన్నై ముద్దుగుమ్మ వయసు 36 ఏళ్ళు. 2015లోనే త్రిషకు పెళ్లి చేసుకోవాలనే ఆలోచన వచ్చింది. చెన్నైకి చెందిన ఓ వ్యాపార వేత్తతో త్రిష నిశ్చితార్థం కూడా జరిగింది. కానీ ఏమైందో తెలియదు.. ఈ నిశ్చితార్ధని త్రిష రద్దు చేసుకుంది.

రైమా సేన్ : 38 ఏళ్ల రైమా సేన్ నితిన్ సరసన ధైర్యం చిత్రంలో నటించింది. ప్రస్తుతం బెంగాలీ చిత్రాల్లో నటిస్తున్న రైమా సేన్ ఇంకా వివాహం చేసుకోలేదు.

కాజల్ అగర్వాల్ : అందాల చందమామ కాజల్ అగర్వాల్ ఇప్పటికి తెలుగులో స్టార్ హీరోయినే. ఇప్పట్లో పెళ్లి ఆలోచన లేదని మరికొంతకాలం తన ద్రుష్టి కెరీర్ పైనే అని అంటోంది. కాజల్ వయసు 34 ఏళ్ళు.

అనుష్క శెట్టి : క్రేజీ హీరోయిన్ అనుష్క కూడా ఇప్పటికి పెళ్ళికి దూరంగానే ఉంది. బాహుబలి తర్వాత అనుష్క వివాహం గురించి అనేక రూమర్లు వినిపించాయి. కానీ స్వీటీ మాత్రం సినిమాలతో బిజీగా గడుపుతోంది. అనుష్క వయసు 37.

నయనతార : నయనతార లైఫ్ లో లవ్ బ్రేకప్స్ చాలానే ఉన్నాయి. ప్రస్తుతం నయన్ తమిళ దర్శకుడు విగ్నేష్ శివన్ తో ఘాడమైన ప్రేమలో మునిగితేలుతోంది. పెళ్లి కబురు ఎప్పుడు ప్రకటిస్తుందో వేచి చూడాలి. నయన్ వయసు 34 ఏళ్ళు.

నగ్మ : అప్పట్లో కుర్రకారుకు నిద్రలేకుండా చేసిన నగ్మ 44 ఏళ్ళొచ్చినా ఇప్పటికీ వివాహం చేసుకోలేదు. మాజీ కెప్టెన్ సౌరవ్ గంగూలీతో మాత్రం ఘాడంగా ప్రేమలో మునిగిపోయింది. ఈ విషయం గురించి తరచుగా నగ్మనే ప్రస్తావిస్తూ ఉంటుంది.