అల్లు అర్జున్‌ రిజెక్ట్ చేస్తే, సల్మాన్‌ ఖాన్‌ ఓకే చెప్పాడు.. స్టార్‌ డైరెక్టర్‌ ప్లాన్‌ వేరే లెవల్‌

అల్లు అర్జున్‌ ఆ సంచలన స్టార్‌ డైరెక్టర్‌తో సినిమా చేసేందుకు గ్రీన్‌ సిగ్నల్‌ ఇచ్చాడు. కానీ అనూహ్యంగా ఆ సినిమా క్యాన్సిల్‌ అయ్యింది. దీంతో సల్మాన్‌ వెంటనే గ్రీన్‌ సిగ్నల్‌ ఇవ్వడం విశేషం.   

ఐకాన్‌ స్టార్‌ అల్లు అర్జున్‌ ప్రస్తుతం సుకుమార్‌ దర్శకత్వంలో `పుష్ప 2` చిత్రంలో నటిస్తున్నారు. ఈ మూవీ శరవేగంగా చిత్రీకరణ జరుపుకుంటుంది. ఎర్రచందనం స్మగ్లింగ్‌ నేపథ్యంలో ఈ మూవీ సాగుతున్న విషయం తెలిసిందే. ఈ మూవీ అనంతరం బన్నీకి రెండు ఆప్షన్‌ ఉన్నాయి. అందులో ఒకటి స్టార్‌ డైరెక్టర్‌ అట్లీ, అలాగే `యానిమల్‌` ఫేమ్‌ సందీప్‌ రెడ్డి వంగా. ఇద్దరిలో అట్లీతో ముందుంటుందనే ప్రచారం జరిగింది. 

Atlee

దర్శకుడు అట్లీ `రాజా రాణి` చిత్రంతోనే దర్శకుడిగా మెప్పించాడు. కొత్త రకమైన స్టోరీని సరికొత్తగా చెప్పి ఆకట్టుకున్నాడు. అనంతరం థళపతి విజయ్‌ తో వరుసగా `థెరి`, `మెర్సల్‌`, `బిగిల్‌` చిత్రాలు చేసి హ్యాట్రిక్‌ హిట్‌ కొట్టి స్టార్‌ డైరెక్టర్‌గా మారిపోయారు. ఈ క్రమంలో ఆయన అసలైన సంచలనానికి తెరతీశారు. బాలీవుడ్‌లోకి ఎంట్రీ ఇస్తూ షారూఖ్‌ ఖాన్‌తో సినిమా చేశారు. `జవాన్‌` మూవీతో గతేడాది ఆయన ఎలాంటి సంచలనాలు సృష్టించారో తెలిసిందే. ఇండియన్‌ బాక్సాఫీసుకు పూనకాలు తెప్పించారు. బాలీవుడ్‌లోనే అత్యధిక కలెక్షన్లు సాధించిన చిత్రాన్ని అందించారు. ఇది వెయ్యి కోట్లకుపైగా కలెక్షన్లని కొల్లగొట్టడం విశేషం. 

ఈ క్రేజ్‌తో మరో క్రేజీ స్టార్‌తో సినిమాని ప్రకటించారు. తెలుగులో ఐకాన్‌ స్టార్‌ అల్లు అర్జున్‌తో సినిమా చేసేందుకు సిద్ధమయ్యారు. గీతా ఆర్ట్స్ లో ఈ మూవీని అధికారికంగానూ ప్రకటించారు. బన్నీ నెక్ట్స్ మూవీ అట్లీతోనే అని అంతా ఫిక్స్ అయ్యారు. ఈ నేపథ్యంలో ఈ మూవీ క్యాన్సిల్‌ అంటూ ఓ వార్త చక్కర్లు కొట్టింది. ఈ సినిమాకి అట్లీ భారీపారితోషికం అడిగారట. సుమారు 80కోట్లు ఆయన డిమాండ్‌ చేసినట్టు ప్రచారం జరుగుతుంది. దీంతో అల్లు అరవింద్‌ సినిమానే పక్కన పెట్టారని సమాచారం. ఇది టాలీవుడ్‌లో హాట్‌ టాపిక్‌ అవుతుంది. 

ఈ నేపథ్యంలో అట్లీ మరో ప్రాజెక్ట్ ఓకే అయ్యిందట. ఆయన బాలీవుడ్‌ సూపర్‌ స్టార్‌తో సినిమా ఫైనల్‌ అయ్యిందని తెలుస్తుంది. అట్లీ బాలీవుడ్‌ కండల వీరుడు సల్మాన్‌ ఖాన్‌కి కథ చెప్పారట. ఆయన్నుంచి గ్రీన్‌ సిగ్నల్‌ వచ్చిందట. ప్రస్తుతం ఈ మూవీ ఓకే అయ్యిందని, నెక్ట్స్ ఈ సినిమానే ప్రారంభం కానుందని తెలుస్తుంది. ప్రస్తుతం ఈ వార్త ఇటు కోలీవుడ్‌లో, అటు బాలీవుడ్‌ లో చక్కర్లు కొడుతుంది. బన్నీ నో చెబితే సల్మాన్‌ ఎస్‌  చెప్పాడని అంటున్నారు. మరి ఇందులో నిజమెంతా అనేది తెలియాల్సి ఉంది. ప్రస్తుతం సల్మాన్‌ `సికిందర్‌` చిత్రంలో నటిస్తున్నారు. ఇందులో రష్మిక మందన్నా హీరోయిన్‌గా నటిస్తుంది.

ఇక అల్లు అర్జున్‌ ప్రస్తుతం `పుష్ప2`లో బిజీగా ఉన్నారు. ఆగస్ట్ 15న విడుదల కావాల్సిన ఈ మూవీ వాయిదా పడుతుందనే ప్రచారం సాగుతుంది. డిసెంబర్‌లో వచ్చేఅవకాశం ఉందట. షూటింగ్‌ డిలే కారణంగా వాయిదా అనుకుంటున్నట్టు సమాచారం. దీనిపై క్లారిటీ రావాల్సి ఉంది. మరోవైపు నెక్ట్స్ సందీప్‌ రెడ్డి వంగాతోనూ ఓ సినిమా ఉంది. సందీప్‌ ఇప్పుడు ప్రభాస్‌తో `స్పిరిట్‌`ని తెరకెక్కించేందుకు రెడీ అవుతున్నారు. త్వరలోనే ఈ మూవీ స్టార్ట్ కాబోతుంది. ఈమూవీ అయిపోయాక బన్నీతో సినిమా చేయనున్నారు సందీప్‌ రెడ్డి వంగా.