- Home
- Entertainment
- Prabhas Next Film: సంచలన దర్శకుడితో ప్రభాస్ సినిమా.. చరిత్ర సృష్టించేందుకు రంగం సిద్ధం
Prabhas Next Film: సంచలన దర్శకుడితో ప్రభాస్ సినిమా.. చరిత్ర సృష్టించేందుకు రంగం సిద్ధం
`ధురంధర్‌`, `ధురంధర్‌ 2` సినిమాల రికార్డ్ బ్రేకింగ్ సక్సెస్ తర్వాత, డైరెక్టర్ ఆదిత్య ధర్ ఇప్పుడు ప్రభాస్‌తో ఒక కొత్త పాన్-ఇండియా సినిమాకు ప్లాన్ చేస్తున్నారు. ప్రభాస్ పుట్టినరోజున ఈ ప్రాజెక్ట్‌పై పెద్ద ప్రకటన వచ్చే అవకాశం ఉంది.
భారీ పాన్ ఇండియా చిత్రాలతో ప్రభాస్ బిజీ
ప్రభాస్.. ప్రస్తుతం ఇండియాలోనే బిగ్గెస్ట్ సూపర్‌ స్టార్‌. ఆయన పేరుతో వేల కోట్ల బిజినెస్ జరుగుతుందంటే అతిశయోక్తి లేదు. ప్రస్తుతం ప్రభాస్ `ఫౌజీ`, `స్పిరిట్‌`, `కల్కి 2` చిత్రాల్లో నటిస్తున్నారు. దీంతోపాటు `సలార్‌ 2` మూవీ చేయాల్సి ఉంది. హోంబలే ఫిల్మ్స్‌తో మరో రెండు పెద్ద సినిమాలకు ప్రభాస్ డీల్ కుదుర్చుకున్నారు. ఈ క్రమంలో ఇప్పుడు మరో సినిమాకి సంబంధించిన వార్తలు చక్కర్లు కొడుతున్నాయి. రీసెంట్‌ సెన్సేషనల్‌ డైరెక్టర్‌తో ఆయన మూవీ చేయబోతున్నారట. ఆయనే `ధురంధర్‌` డైరెక్టర్ ఆదిత్య ధర్.
ఆదిత్య ధర్‌తో ప్రభాస్ మూవీ
`ధురంధర్‌`, `ధురంధర్‌ 2` సినిమాలతో ఆదిత్య ధర్ ఎలాంటి సంచలనాలు క్రియేట్‌ చేశారో తెలిసిందే. రెండో భాగంగా ఏకంగా రూ.1800కోట్లకుపైగా వసూళ్లని రాబట్టింది. ఈ సినిమాలతో సరికొత్త చరిత్ర సృష్టించిన డైరెక్టర్ ఆదిత్య ధర్ ప్రభాస్‌తో మూవీ చేసేందుకు రెడీ అవుతున్నారట. అయితే ముందు రణ్‌వీర్‌ సింగ్‌తోనే సినిమా ఉంటుందని భావించారు, కానీ ఇటీవలే హైదరాబాద్‌లో ఆదిత్య ధర్, ప్రభాస్‌ను కలిశారని వార్తలొస్తున్నాయి. ఆయన ప్రభాస్‌కు తన కొత్త సినిమా కథను వినిపించారట. కథాంశం ప్రభాస్‌కు బాగా నచ్చిందని, ఈ ప్రాజెక్ట్‌కు గ్రీన్ సిగ్నల్ కూడా ఇచ్చారని సమాచారం. అయితే, మేకర్స్ నుంచి ఇంకా అధికారిక ప్రకటన రాలేదు.
సరికొత్త చరిత్ర కి శ్రీకారం.. ప్రకటన వచ్చేది అప్పుడే
ఇండస్ట్రీ వర్గాల సమాచారం ప్రకారం, ఈ సినిమా ప్రకటన అక్టోబర్ 23న, అంటే ప్రభాస్ పుట్టినరోజున రావచ్చు. గతంలో కూడా ప్రభాస్ పుట్టినరోజున ఆయన సినిమాల పోస్టర్లు, టీజర్లు విడుదలయ్యాయి. కాబట్టి ఈసారి కూడా అభిమానులకు పెద్ద సర్‌ప్రైజ్ ఉండొచ్చని ఆశిస్తున్నారు. నిజంగానే ఈ కాంబినేషన్‌ సెట్‌ అయితే ఈ మూవీ సరికొత్త చరిత్ర కి శ్రీకారం చుట్టబోతుందని చెప్పొచ్చు.
