చాలా సార్లు కన్నీళ్లు పెట్టుకున్నా... కాస్టింగ్‌ కౌచ్‌పై హీరోయిన్
అదితి నటించిన మూవీ సుఫియమ్‌ సుజాతయుమ్‌ సినిమాతో ఓటీటీ ద్వారా ప్రేక్షకుల ముందుకు వచ్చిన ఈ బ్యూటీ మీడియాతో ముచ్చటించింది. ఈ సందర్భంగా కాస్టింగ్‌ కౌచ్‌ కారణంగా ఇండస్ట్రీలో చాలా మంది అనేక ఇబ్బందులు ఎదుర్కొంటున్నారని, కొంత మంది ఈ సమస్యల నుంచి బయటపడితే మరికొందరు మాత్రం వేదింపులు భరించలేక ఇండస్ట్రీని వదిలిపెడుతున్నారని చెప్పింది.
సుశాంత్ సింగ్ రాజ్‌పుత్ మరణం ఇండస్ట్రీని కదిలిస్తోంది. ఈ యంగ్ హీరో ఆత్మహత్య తరువాత ఇండస్ట్రీలోని చీకటి కోణాలను ప్రధానంగా చర్చిస్తున్నారు. ఈ నేపథ్యంలో పలువురు తారలు తమ అనుభవాలను ఇండస్ట్రీలో కొత్తవారికి ఎదురైన సమస్యలను ప్రస్తావిస్తున్నారు. హీరోలతో పాటు హీరోయిన్లు కూడా ఇండస్ట్రీ ప్రముఖుల నుంచి తమకు ఎదురైన ఇబ్బందుల గురించి బహిరంగంగానే ప్రస్తావిస్తున్నారు.
బాలీవుడ్‌లో నెపోటిజం (వారసత్వం), ఆదిపత్యధోరణులతో పాటు కాస్టింగ్‌ కౌచ్‌ కూడా ప్రధాన సమస్యగా ఉందని చెప్పింది హీరోయిన్ అదితిరావ్‌ హైదరీ. ఇండస్ట్రీలోకి అడుగు పెట్టిన కొత్తలో తనకు కాస్టింగ్‌ కౌచ్‌ వల్ల చాలా ఇబ్బందులు ఎదురయ్యాయని చెప్పింది అదితి. అంతేకాదు ఇండస్ట్రీలో జరుగుతున్న ఈ అన్యాయాలను ప్రశ్నించినందుకే తనను చాలా సినిమాల నుంచి తొలగించారని ఆవేదన వ్యక్తం చేసింది అదితి.
అదితి నటించిన మూవీ సుఫియమ్‌ సుజాతయుమ్‌ సినిమాతో ఓటీటీ ద్వారా ప్రేక్షకుల ముందుకు వచ్చిన ఈ బ్యూటీ మీడియాతో ముచ్చటించింది. ఈ సందర్భంగా కాస్టింగ్‌ కౌచ్‌ కారణంగా ఇండస్ట్రీలో చాలా మంది అనేక ఇబ్బందులు ఎదుర్కొంటున్నారని, కొంత మంది ఈ సమస్యల నుంచి బయటపడితే మరికొందరు మాత్రం వేదింపులు భరించలేక ఇండస్ట్రీని వదిలిపెడుతున్నారని చెప్పింది.
ఇండస్ట్రీలో అదిపత్య ధోరణి కూడా ఎక్కువన్న అదితి, ఈ వివక్షను ప్రశ్నించినందుకే తనను చాలా సినిమాల నుంచి తొలగించారని చెప్పింది. అవకాశాలు లేక నెలల తరబడి ఖాళీగా ఉండాల్సి వచ్చిందని తనకు ఎదురైన బాధలను చెప్పింది. అయితే అవకాశాలు కోల్పోవటం కన్నా ఇండస్ట్రీలో అమ్మాయిల పట్ట ఉన్న వివక్షే ఎక్కువగా బాధించిందని చెప్పింది అదితి.
క్లిక్ చేసి ఏసియా నెట్ న్యూస్ తెలుగు వాట్సాప్ చానెల్·ను ఫాలో అవ్వండి
