విజయశాంతితో పోలిక, అసలు నయనతారకి ఆ అర్హతే లేదు.. నటి కస్తూరి మరోసారి వివాదాస్పద వ్యాఖ్యలు

నటి కస్తూరి శంకర్ పేరు చెప్పగానే అన్నమయ్య, భారతీయుడు లాంటి చిత్రాలు గుర్తుకు వస్తాయి. అప్పట్లో కస్తూరి శంకర్ తెలుగు తమిళ భాషల్లో హోమ్లీ ఫ్యామిలీ ఆడియన్స్ ని అలరిస్తూనే, గ్లామర్ పాత్రల్లో కూడా నటించారు. నటిగా మంచి గుర్తింపు సొంతం చేసుకున్నారు. ప్రస్తుతం కస్తూరి అవకాశం ఉన్నప్పుడు క్యారెక్టర్ రోల్స్ చేస్తున్నారు. అంతే కాదు సెకండ్ ఇన్నింగ్స్ లో కస్తూరి బుల్లితెరపై సూపర్ క్రేజ్ పొందారు. 

  ఆమె నటిస్తున్న గృహలక్ష్మి టీవీ సీరియల్ సూపర్ సక్సెస్ తో దూసుకుపోతోంది. దీనితో ఆమె తెలుగువారందరికీ గృహాలక్ష్మిగా మారిపోయారు. దాదాపు ఐదు పదుల వయసులో కూడా నటి కస్తూరి అందమైన ఇన్స్టా రీల్స్, హాట్ హాట్ ఫొటోస్ తో సోషల్ మీడియాలో సందడి చేయడం చూస్తూనే ఉన్నాం.     

అయితే కస్తూరి తరచుగా వివాదాల్లో సైతం నిలుస్తున్నారు. ముఖ్యంగా నయనతారపై తరచుగా ఆమె చేస్తున్న వ్యాఖ్యలు తీవ్ర వివాదం అవుతున్నాయి. దీనితో కస్తూరి ట్రోలింగ్ కి కూడా గురవుతోంది. గతంలో నయనతార సరోగసి విధానం ద్వారా పిల్లలని పొందినప్పుడు కూడా కస్తూరి చేసిన కామెంట్స్ వైరల్ అయ్యాయి. 

సరోగసి విధానాన్ని ఇండియాలో బ్యాన్ చేయాలని.. అలా పిల్లలని పొందడం క్షమించరాని నేరం అంటూ ట్వీట్ చేసింది. దీనితో నయనతార ఫ్యాన్స్ కస్తూరిని టార్గెట్ చేస్తూ ట్రోల్ చేశారు. ఇప్పుడు మరోసారి కస్తూరి తన నోటికి పని చెప్పింది. ఓ ఇంటర్వ్యూలో కస్తూరి మాట్లాడుతూ సౌత్ హీరోయిన్లలో సూపర్ స్టార్ అని పిలిపించుకునే అర్హత ఎవరికీ ఉందో తన అభిప్రాయం చెబుతూ నయన్ పై కామెంట్స్ చేసింది. 

నయనతారకి సూపర్ స్టార్ అని పిలిపించుకునే అర్హత లేదు. ఆమెని సూపర్ స్టార్ గా పరిగణించలేం అని తెలిపింది. తన దృష్టిలో లేడీ సూపర్ స్టార్స్ అంటే కెపి సుందరాంబల్, విజయశాంతి అని పేర్కొంది. కోలీవుడ్ లో అజిత్, విజయ్ లాంటి స్టార్ హీరోలు ఎంతమంది ఉన్న రజనీకాంత్ స్థాయిని మాత్రం చేరుకోలేరు అని ఆమె తెలిపింది.  దీనితో కస్తూరిపై నయనతార అభిమానులు మండిపడుతున్నారు. 

నయనతార సుదీర్ఘ కాలం నుంచి నటిగా కొనసాగుతూ స్టార్ హీరోలకు ధీటుగా క్రేజ్ సొంతం చేసుకుంది అని అంటున్నారు. అందం పరంగా, ఆమె చేసిన ప్రయోగాత్మక చిత్రాల పరంగా నయన్ కి తిరిగి లేదు అని ఆమె ఫ్యాన్స్ అంటున్నారు. సౌత్ లో అత్యధిక రెమ్యునరేషన్ అందుకునే నటి కూడా నయన్ మాత్రమే అని అంటున్నారు.