Jayavani: అలాంటి డ్రెస్ లో ఫోటో షూట్, అది నా కెరీర్ కే మచ్చ.. మోసపోయిన నటి జయవాణి

టాలీవుడ్ లో వ్యాంప్ రోల్స్ చేసే నటీమణులు కొద్దిమందే ఉన్నారు. వ్యాంప్ రోల్స్ అనగానే నటి జ్యోతి, కరాటే కళ్యాణి, జయవాణి లాంటి నటీమణులు గుర్తుకు వస్తారు. నటీమణులని తరచుగా వివాదాలు చుట్టుముడుతూ ఉంటాయి. 

టాలీవుడ్ లో వ్యాంప్ రోల్స్ చేసే నటీమణులు కొద్దిమందే ఉన్నారు. వ్యాంప్ రోల్స్ అనగానే నటి జ్యోతి, కరాటే కళ్యాణి, జయవాణి లాంటి నటీమణులు గుర్తుకు వస్తారు. నటీమణులని తరచుగా వివాదాలు చుట్టుముడుతూ ఉంటాయి. నటి జయవాణి కూడా టాలీవుడ్ లో నిలదొక్కుకునేందుకు ఎన్నో ఇబ్బందులు అవమానాలు ఎదుర్కొన్నట్లు తెలిపింది. 

తాజాగా ఓ ఇంటర్వ్యూలో పాల్గొన్న జయవాణి మిగిలిన అన్ని రంగాలతో పోల్చితే చిత్ర పరిశ్రమలో ఇబ్బందులు అధికంగా ఉంటాయని పేర్కొంది. అవకాశాల కోసం ప్రయత్నిస్తున్న టైంలో చాలా అవమానాలు ఎదురయ్యాయి. నలుపు వర్ణంలో ఉన్నావు.. నటిగా నువ్వు సెట్ కావు అని అవమానించిన వారు కూడా ఉన్నారు. 

దీనితో నన్ను నేను నిరూపించుకునేందుకు అనేక విధాలుగా మేకప్ ట్రై చేసేదాన్ని అని పేర్కొంది. ఇక అవకాశాలు రావడం మొదలయ్యాక.. ఎంత చిన్న పాత్ర అయినా అంగీకరించే దాన్ని. నా పాత్రకు 100 శాతం న్యాయం చేసేందుకు ప్రయత్నించా అని పేర్కొంది. 

ఇక తన కెరీర్ లో ఎదురైన ఓ చేదు అనుభవం గురించి జయవాణి సంచలన వ్యాఖ్యలు చేసింది. ఓ డైరెక్టర్ నాకు ఫోన్ చేసి ఇలా మీ కోసం ఓ క్యారెక్టర్ ఉంది. వచ్చి కలవమని చెప్పాడు. నేను నమ్మి వెళ్ళాను. ప్రేమ్ నగర్ చిత్రంలో రమాప్రభ లాంటి పాత్ర, కాస్ట్యూమ్స్ లంబాడి తరహాలో ఉంటాయి. మీరు ఈ రోల్ కి సెట్ అవుతారో లేదు.. ఫస్ట్ ఫోటో షూట్ చేయాలి అని చెప్పారు. 

ఆ కాస్ట్యూమ్స్ లో నేను ఫోటోషూట్ కి రెడీ అయ్యాను. డిఫెరెంట్ యాంగిల్స్ లో చాలా ఫోటోలు తీశారు. నాలుగైదు ఫోటోలు సరిపోతాయి కదా అండి అని అంటే.. ఇది ఫోటో షూట్ కదా అని చెప్పారు. సరే అని ఫోటో షూట్ చేసి వెళ్ళిపోయాను. మళ్ళీ వాళ్ల నుంచి ఎలాంటి సమాచారం లేదు. 

కానీ నా అనుమతి లేకుండా ఇంటర్నెట్ లో ఫొటోస్ మొత్తం లీక్ చేసేశారు. అక్కడికి వెళితే దర్శకుడు, నిర్మాత, కెమెరా మెన్ ఎవ్వరూ లేరు. వారంతా కొత్తవాళ్లు. నేను వారి నంబర్స్ కూడా తీసుకోలేదు. దీనితో ఆ ఫోటోలు ఇంటర్నెట్ లో అలాగే ఉండిపోయాయి. అవి నా కెరీర్ కే మచ్చగా మిగిలాయి అని వాపోయింది జయవాణి. జయవాణి యమదొంగ, భరత్ అనే నేను, గుంటూరు టాకీస్, పటాస్, పంచాక్షరి లాంటి చిత్రాల్లో నటించారు.