ఆ హీరోలపై అర్చన షాకింగ్ కామెంట్స్.. అమ్మాయిలను ట్రాప్ చేయడమే వాళ్ల పనంటోన్న బ్యూటీ
హీరోలపై షాకింగ్ కామెంట్స్ చేసింది నటి అర్చన. కొంత మంది హీరోలకు ఒకటే పని అంటూ షాకింగ్ విషయాలు వెల్లడించింది. ఇంతకీ ఆమె ఏమన్నారంటే..
చాలా కాలంగా వెండితెరకు దూరంగా ఉంటుంది నటి అర్చన పెళ్లి చేసుకుని సెటిల్ అయ్యింది. చాలా గ్యాప్ తరువాత రీసెంట్ గా టెన్త్ క్లాస్ డైరీస్ అనే సినిమాలో నటించింది అర్చన. సత్తా ఉన్నప్పటికీ అవకాశాలు రావడంలేదు అర్చనకు. ఇదే విషయంపై ఆమె మాట్లాడుతూ తన బాధను వ్యాక్త పరిచింది బ్యూటీ. క్యారెక్టర్ ఆర్టిస్ట్ గా నటించడం వల్ల తాను మంచి అవకాశాలు కోల్పోయాను అంటోంది.
మాస్ మహారాజ్ రవితేజను ఆదర్శంగా తీసుకున్నానంటోంది అర్చన. తాను కూడా క్యారెక్టర్స్ చేస్తూ.. హీరోయిన్ గా ఎదగాలనుకున్నానని అన్నారు. అయితే హీరో అయిన తర్వాత రవితేజ క్యారెక్టర్ రోల్స్ చేయలేదని.. తాను మాత్రం హీరోయిన్ గా చేసిన తర్వాత.. చిన్న చిన్న పాత్రలు చేశానని అందుకే ఈ పరిస్థితి వచ్చిందని అన్నారు.
ఈ సందర్భంగా కొంత మంది హీరోలపై సంచలన విషయాలు వెల్లడించింది అర్చన. ఇండస్ట్రీలో కొంత మంది హీరోలు ఉన్నారు.. వాళ్ళు కేవలం అమ్మాయిలని ట్రాప్ చేయడానికి మాత్రమే ఉన్నారన్నారు. వాళ్లు అమ్మాయిల మైండ్ ని క్యాప్చర్ చేయడానికి బాగాట్రై చేస్తారంటూ.. సంచలన కామెంట్స్ చేశారు.
ఒక అమ్మాయి వీక్ గా ఉంటే చాలు ఆ అమ్మాయిని ఎలాగైనా మార్చేయాలనే ప్లాన్ లో కొంత మంది ఉంటారన్నారు అర్చన. అటువంటివారి నుంచి దూరంగా ఉండాలని అర్చన సలహా ఇచ్చారు. అమ్మాయిలు ఏడుస్తారు.. కాబట్టి వీక్ అనుకుంటారు, కాని ఏడ్చినంత మాత్రాన వాళ్లు వీక్ కాదు అంటోంది అర్చన. ఈ అభిప్రాయం ప్రకారమే హీరోలు వాళ్ల చుట్టు ట్రాప్ వేస్తారన్నారు.
ఏదీ మంచిది కాదు, ఏదీ చెడ్డది కాదు. మనకి మంచిది అనేది తెలుస్తుంది, చెడు అనేది తెలుస్తుంది. బ్యాడ్ అన్నప్పుడు అటువైపు వెళ్ళకూడదు. అదే పరిమితి. మనకి సెట్ కానిది, తెలియని పరిస్థితుల్లో కొందరు వీక్ అవుతారు. అలాంటి వారికి చేదు అనుభవాలు ఎదురవుతాయని..అలాంటివి ఏ అమ్మాయికైనా, అబ్బాయికైనా జరగకూడదని ఆమె అన్నారు.
ఇక తన విషయంలో కూడా ఇలానే జరిగిందన్నారు అర్చన. తనను కూడా వీక్ అనుకుని ఒక హీరో ట్రాప్ చేయాలని చూశాడని ఆమె అన్నారు. మనకి బాగా తెలిసిన వ్యక్తే. మరీ ఎక్కువ సక్సెస్ కలిగిన హీరో కాదు. ఆయన నాకు తెలియకుండా నా వెనకాల గోతులు తవ్వేశాడన్నారు అర్చన. కాని తాను ఈ విషయంలో జాగ్రత్తపడ్డానంటోంది అర్చన.
ఇక తను చేసిన ఈ చిన్న పొరపాటే తనకు అవకాశాలు లేకుండా చేసిందన్నారు అర్చన తపన సినిమాతో ఎంట్రీ ఇచ్చిన అర్చన వేద శాస్త్రి.. నేను సినిమాలో హీరోయిన్ గా నటించింది. సూర్య, శ్రీరామదాసు, పౌర్ణమి, సామాన్యుడు, యమదొంగ, ఖలేజా వంటి సినిమాల్లో నటించారు. కమలతో నా ప్రయాణం అనే సినిమాలో వేశ్య పాత్రలో నటించి మెప్పించింది. ఇక అప్పుడప్పుడు సినిమాలు చేస్తూ.. టైమ్ పాస్ చేస్తుంది అర్చన.