ట్విట్టర్ వాడకండి.. ఎలన్ మస్క్ కు హీరో శివకార్తికేయన్ ఛాలెంజ్..

రీసెంట్ గా రిలీజ్ అయ్యింది శివకార్తికేయన్ నటించిన "అమరన్". ఈ మూవీ ప్రపంచవ్యాప్తంగా 300 కోట్ల రూపాయలకు పైగా వసూలు చేసింది. ఈ చిత్రం శివకార్తికేయన్ కెరీర్‌లోనే అత్యుత్తమ చిత్రంగా నిలిచింది. థియేటర్లలో "అమరన్" చిత్రం విజయవంతంగా ప్రదర్శితమవుతుండటంతో, OTT వేదికలో విడుదల తేదీని ప్రకటించి, ఆ తర్వాత వాయిదా వేయడం కూడా ఈ చిత్రానికి మంచి ఆదరణ లభించిందని సూచిస్తుంది. మరణించిన సైనికుడు ముకుంద్ వరదరాజన్ పాత్రలో శివకార్తికేయన్ నటించారు.

Also Read: చిరంజీవి చాలా ఇష్టంగా తినే కూర ఏంటో తెలుసా..? మెగాస్టార్ భోజనం ప్లేట్ లో ఆ ఐటం పక్కాగా ఉండాల్సిందే

అమరన్ మూవీ కోసం శివకార్తికేయన్ సైనిక శిక్షణ తీసుకున్నారు, భారత సైన్యానికి చెందిన కొందరు ఉన్నతాధికారులు కూడా శివకార్తికేయన్‌ను ఈ సినిమా కోసం ప్రశంసించారు. కార్తి నటించిన "రంగూన్" చిత్రంతో దర్శకుడిగా పరిచయమైన రాజ్‌కుమార్ పెరియసామి ఈ మూవీకి దర్శకత్వం వహించారు.

ఇది ఆయన రెండవ సినిమా కాగా.. ప్రముఖ నటుడు, లోక నాయకుడు కమల్ హాసన్ రాజ్ కమల్ సంస్థ ఈ సినిమాను నిర్మించింది. ఇక ఈసినిమాలో శివకార్తికేయన్ జతగా సాయి పల్లవి  నటించి అలరించింది. 

Also Read: సమంత నుంచి అనుష్క వరకూ ఫిట్‌నెస్ కోసం యోగా చేసే హీరోయిన్లు ఎవరో తెలుసా..?

గోవాలో జరిగిన చలన చిత్రోత్సవంలో నటుడు శివకార్తికేయన్ మాట్లాడుతూ, గత కొన్ని సంవత్సరాలుగా తాను సోషల్ మీడియా వినియోగాన్ని చాలా వరకు తగ్గించానని, తన అభిమానులకు ఒక సాధారణ సలహా ఇవ్వాలంటే, మీరు కూడా సోషల్ మీడియాను తక్కువగా ఉపయోగించండి, అది చాలా మంచిది. ఇతర విషయాలపై పూర్తిగా దృష్టి పెట్టడానికి ఇది మిమ్మల్ని ఎక్కువగా ప్రోత్సహిస్తుంది అని చెప్పారు.

Also Read: రామ్ చరణ్ - రవితేజ్ కాంబినేషన్ లో మిస్ అయిన భారీ మల్టీ స్టారర్...? కారణం ఆ హీరోనేనా..?

సోషల్ మీడియాను తక్కువగా ఉపయోగించాలని చెప్పిన శివకార్తికేయన్, ముఖ్యంగా ట్విట్టర్‌ను వాడకపోవడం మంచిదని, తన అనుభవం నుంచి చెబుతున్నానని అన్నారు. నా మాటలు చూసి ఎలాన్ మస్క్ నా ట్విట్టర్ ఖాతాను నిలిపివేసినా నాకు బాధ లేదు. అది నాకు దక్కిన మొదటి విజయంగానే భావిస్తాను అన్నారు యంగ్ హీరో. 

ఇక సోషల్అ మీడియా విషయంలో తన అభిమానులకు సలహా ఇచ్చారు. శివకార్తికేయన్ ప్రస్తుతం ప్రముఖ దర్శకుడు ఎ.ఆర్. మురుగదాస్ దర్శకత్వంలో తెరకెక్కుతున్న చిత్రంలో నటిస్తున్నారు. ఆయన నటించనున్న మరో మూడు చిత్రాలు సెట్స్‌పైకి వెళ్లేందుకు సిద్ధంగా ఉన్నాయి.