- Home
- Entertainment
- Yami Gautam: తరుణ్, నితిన్, శిరీష్ తో అన్నీ ఫ్లాపులే.. జాతీయ ఉత్తమ నటి యామి గౌతమ్ గురించి ఈ విషయాలు తెలుసా ?
Yami Gautam: తరుణ్, నితిన్, శిరీష్ తో అన్నీ ఫ్లాపులే.. జాతీయ ఉత్తమ నటి యామి గౌతమ్ గురించి ఈ విషయాలు తెలుసా ?
జాతీయ ఉత్తమ నటిగా యామి గౌతమ్ అవార్డు గెలుచుకుంది. ఆర్టికల్ 370 చిత్రానికి గాను ఆమెకి ఈ అవార్డు దక్కింది. యామి గౌతమ్ తెలుగులో కూడా కొన్ని చిత్రాల్లో నటించింది. ఆ వివరాలు ఈ కథనంలో తెలుసుకుందాం.
ఉత్తమ నటిగా యామి గౌతమ్
నటి యామి గౌతమ్ ఊహించని విధంగా జాతీయ ఉత్తమ నటిగా నేషనల్ అవార్డు గెలుచుకుంది. ఆమె నటించిన ఆర్టికల్ 370 చిత్రానికి గాను ఈ అవార్డు దక్కింది. దీనితో దేశం మొత్తం సినీ అభిమానులు యామి గౌతమ్ గురించే మాట్లాడుకుంటున్నారు. దీనితో యామి గౌతమ్ కి సంబంధించిన విశేషాలు సోషల్ మీడియాలో వైరల్ అవుతున్నాయి.
యామి గౌతమ్ తెలుగు సినిమాలు
యామి గౌతమ్ తెలుగు సినీ ప్రేక్షకులకు కూడా బాగా పరిచయమే. ఆమె తెలుగులో నాలుగు చిత్రాల్లో నటించింది. 2011లో యామి గౌతమ్ నువ్విలా చిత్రంతో టాలీవుడ్ లోకి ఎంట్రీ ఇచ్చింది. రవిబాబు దర్శకత్వంలో తెరకెక్కిన ఈ మూవీ మంచి విజయం సాధించింది. కానీ ఆ తర్వాత యామి గౌతమ్ తెలుగులో నటించిన సినిమాలన్నీ తీవ్రంగా నిరాశ పరిచాయి.
యువ హీరోలతో నటించిన యామి గౌతమ్
అల్లు శిరీష్ కి జోడీగా యామి గౌతమ్ గౌరవం మూవీలో నటించింది. ఇది శిరీష్ కి డెబ్యూ మూవీ. బాక్సాఫీస్ వద్ద ఫ్లాప్ గా నిలిచింది. ఆ తర్వాత లవర్ బాయ్ తరుణ్ కి జోడీగా యుద్ధం మూవీలో నటించింది. అది కూడా ఫ్లాపే. చివరగా యామి గౌతమ్ తెలుగులో నటించిన మూవీ కొరియర్ బాయ్ కళ్యాణ్. నితిన్ హీరోగా తెరకెక్కిన ఈ చిత్రం 2015లో విడుదలైంది. ప్రేక్షకులని ఏమాత్రం ఆకట్టుకోలేకపోయింది. ఈ మూవీ తర్వాత యామి గౌతమ్ టాలీవుడ్ లో కనిపించలేదు.
ఆదిత్య ధర్ తో ప్రేమ, వివాహం
ఆ తర్వాత ఆమె హిందీ సినిమాపై ఎక్కువగా ఫోకస్ పెట్టింది. 2019లో యామి గౌతమ్ ఆదిత్య ధర్ తెరకెక్కించిన ఉరి ది సర్జికల్ స్ట్రైక్ మూవీలో కీలక పాత్రలో నటించింది. ఆ చిత్రం సంచలన విజయం సాధించిన సంగతి తెలిసిందే. ఈ చిత్రంతో ఏర్పడ్డ పరిచయంతో యామి గౌతమ్, ఆదిత్య ధర్ ప్రేమలో పడ్డారు. 2021లో కుటుంబ సభ్యుల సమక్షంలో వివాహం చేసుకున్నారు. పెళ్లి తర్వాత కూడా యామి గౌతమ్ సినిమాలు కొనసాగిస్తోంది. అయితే ఇప్పుడు ఎక్కువగా హీరోయిన్ ఓరియెంటెడ్ చిత్రాలు చేస్తోంది.
ఆర్టికల్ 370 మూవీలో అద్భుత నటన
ఈ క్రమంలోనే ఆమె నటించిన ఆర్టికల్ 370 చిత్రం 2024లో విడుదలై మంచి రెస్పాన్స్ దక్కించుకుంది. ఈ చిత్రంలో యామి గౌతమ్ తన కెరీర్ లోనే బెస్ట్ పెర్ఫార్మెన్స్ ఇచ్చింది. అందుకే జాతీయ ఉత్తమ నటిగా నేషనల్ ఫిల్మ్ అవార్డు గెలుచుకుంది. దీనితో దేశవ్యాప్తంగా సినీ ప్రముఖులు, అభిమానులు యామి గౌతమ్ కి శుభాకాంక్షలు చెబుతున్నారు.
