Zomato: కొంపముంచిన ఆర్టిఫీషియల్ ఇంటెలిజెన్స్.. జొమాటోలో 600 మంది ఉద్యోగుల తొలగింపు
Zomato: ఆర్టిఫీషియల్ ఇంటెలిజెన్స్ అభివృద్ధి చెందుతున్న కొద్దీ ఉద్యోగాల్లో కోతలు ఎక్కువైపోతున్నాయి. చిన్న కంపెనీలే కాకుండా ప్రపంచ దిగ్గజ కంపెనీలు కూడా AI వినియోగాన్ని పెంచుకుంటూ ఉద్యోగులను తొలగించేస్తున్నారు. జొమాటో 600 మంది కస్టమర్ సపోర్ట్ ఉద్యోగులను తీసేసింది. AI ప్రభావంతో ఇంకెంతమంది జాబ్స్ పోతాయోనని ఉద్యోగులు టెన్షన్ పడుతున్నారు.
- FB
- TW
- Linkdin
Follow Us
 "Asianet Image")
జొమాటో (Zomato) రీసెంట్‌గా 600 మంది కస్టమర్ సపోర్ట్ ఉద్యోగులను తీసేసింది. కంపెనీలో చాలా మంది ఉద్యోగులను మార్చడానికి జొమాటో అసోసియేట్ ఆక్సలరేటర్ ప్రోగ్రామ్(ZAAP) అనే ప్లాన్‌ను కంపెనీ అమలు చేస్తోంది. దీనివల్ల ఉద్యోగంలో చేరిన ఏడాదికే చాలా మందిని తీసేశారు.
గురుగ్రామ్, హైదరాబాద్ ఆఫీసుల్లో పనిచేసిన చాలా మంది ఉద్యోగాలు కోల్పోయారు. దీనికి ప్రధాన కారణం చాలా మంది కాంట్రాక్ట్ ఉద్యోగుల కాంట్రాక్టులు రెన్యువల్ చేయకపోవడం వల్ల వాళ్ల ఉద్యోగాలు పోయాయి.
గత ఏడాది జొమాటో ZAAP ప్లాన్ కింద తీసుకున్న చాలా మంది ఉద్యోగులను ఎలాంటి ఇన్ఫర్మేషన్, క్లారిటీ ఇవ్వకుండా తీసేశారని ఒక కస్టమర్ సపోర్ట్ ఉద్యోగి చెప్పారు.
జొమాటో మెయిన్ బిజినెస్ అయిన ఫుడ్ డెలివరీలో మాంద్యం, బ్లింకిట్ (Blinkit) నష్టాల వల్ల ఈ నిర్ణయం తీసుకున్నట్లు సమాచారం. ఖర్చులు తగ్గించడానికి జొమాటో ఆటోమేటిక్ టెక్నాలజీలో ఇన్వెస్ట్ చేస్తోంది. అందుకే మ్యాన్ పవర్ ని తగ్గిస్తోంది.
ఆర్టిఫీషియల్ ఇంటెలిజన్స్ లో పెట్టుబడులు
AI వినియోగాన్ని పెంచడానికి జొమాటో ఆటోమేటిక్ టెక్నాలజీలో ఇన్వెస్ట్ చేస్తోంది. అందులో భాగంగానే AIతో పనిచేసే కస్టమర్ సపోర్ట్ ప్లాట్‌ఫామ్ Nuggetను ఉపయోగిస్తోంది. ఇది నెలకి 15 మిలియన్లకు పైగా కాంటాక్టులను మేనేజ్ చేయగలదు. మనుషుల సహాయం లేకుండా 80% కస్టమర్ల ప్రశ్నలకు సమాధానం చెప్పి, పరిష్కరించగలదు.
నెల జీతం ఇచ్చి పంపించేశారు..
ఉద్యోగం పోయిన వాళ్లకు ఒక నెల జీతం ఇచ్చారు. కానీ ముందుగా చెప్పకుండా తీసేశారు. సరిగ్గా పనిచేయకపోవడం, టైమ్ కి రాకపోవడం లాంటివి కారణాలు చూపి వారిని తీసేసినట్లు తెలిసింది. ఒక మాజీ ఉద్యోగి సోషల్ మీడియాలో ఒక అర్థం లేని కారణంతో నన్ను జొమాటో నుంచి తీసేశారు అని పోస్ట్ చేశాడు.
ఇది కూడా చదవండి రికార్డు స్థాయిలో పెరిగిన బంగారం ధర.. ట్రంప్ దెబ్బకు మార్కెట్లు షేక్.. గోల్డ్ ఎంత పెరిగిందంటే..
గతంలో 100 మంది తొలగింపు
డిసెంబర్ 2022లో జొమాటో చాలా విభాగాల్లో 100 మంది ఉద్యోగులను తీసేసింది. ఇది వాళ్ల ఉద్యోగుల సంఖ్యలో దాదాపు 4%. ఇప్పుడున్న ఉద్యోగులు కూడా ఆటోమేషన్ వల్ల ఉద్యోగాలు ఉంటాయో లేదో అని టెన్షన్ పడుతున్నారు. AI వాడటం వల్ల కస్టమర్ సపోర్ట్ పనుల్లో మనుషుల అవసరం బాగా తగ్గిపోయింది.
జొమాటో షేర్లు మాత్రం పెరుగుతూనే ఉన్నాయి
ఉద్యోగులను తీసేసినా జొమాటో షేర్లు పెరుగుతూనే ఉన్నాయి. జొమాటో ఉద్యోగులు మాత్రం వాళ్ల భవిష్యత్తు గురించి టెన్షన్ పడుతున్నారు.
