Gold Rate: బంగారం ధరలు శ్రావణ మాసం చివరి నాటికి భారీగా తగ్గే అవకాశం..ఏకంగా రూ.55 వేల దిగువకు పడిపోయే చాన్స్

శ్రావణమాసంలో బంగారం ధరలు ఊగిసలాడుతున్నాయి. తాజాగా బంగారం ధర గడచిన వారం రోజులుగా స్వల్పంగా పెరిగింది.  ప్రస్తుతం హైదరాబాదులో 10 గ్రాముల 24 క్యారెట్ల బంగారం ధర రూ. 59,450గా ఉంది.  అయితే వారం ప్రారంభంలో ఈ ధర రూ. 59,100గా ఉంది.   ఈ లెక్కన చూసినట్లయితే బంగారం ధర దాదాపు 300 రూపాయలు పెరిగింది.  ఈ వారం రోజుల్లో శ్రావణమాసం వరలక్ష్మీ వ్రతం ఉండటం వల్ల బంగారానికి గిరాకీ భారీగా పెరిగింది. 
 

చాలా మంది శ్రావణమాసంలో బంగారం కొనుగోలు చేసేందుకు ఎక్కువగా ఆసక్తి చూపిస్తూ ఉంటారు ఎందుకంటే ఈ మాసం చాలా పవిత్రమైన మాసంగా భావిస్తారు తద్వారా ముఖ్యంగా మహిళలు బంగారం కొనుగోలు పై ఎక్కువగా ఆసక్తి చూపిస్తూ ఉంటారు.  ఈ మాసంలో బంగారం కొంటే లక్ష్మీదేవి సాక్షాత్తు ఇంట్లోకి ప్రవేశిస్తుందని ప్రతి ఒక్కరు భావిస్తారు.  మీరు కనుక శ్రావణ మాసంలో బంగారం కొనుగోలు చేయాలనుకుంటే బంగారం ధరలను తెలుసుకోవడం మంచిది. 

ముఖ్యంగా అంతర్జాతీయంగా గమనించినట్లయితే బంగారం ధరలు అంతర్జాతీయంగా కూడా స్వల్పంగా పెరుగుతున్నాయి ఒకానొక దశలో గత వారం ఒక ఔన్సు బంగారం అంటే 31 గ్రాములు పసిడి ధర 1890  డాలర్లకు పతనం అయింది.  అక్కడి నుంచి ప్రస్తుతం బంగారం ధర1920  డాలర్లకు చేరుకుంది.  అంటే దాదాపు 30 డాలర్లు పెరిగింది. 

బంగారం ధరలు పెరగడానికి ప్రధానంగా అంతర్జాతీయంగా ఏర్పడినటువంటి సమస్యలు కూడా ఒక కారణంగా చెప్పవచ్చు ముఖ్యంగా ఈ వారంలో అమెరికా స్టాక్ మార్కెట్లు  కాస్త నష్టాల్లో ముగిశాయి.  దీంతో  పెట్టుబడిదారులు ఎక్కువగా తమ పెట్టుబడులను బంగారం వైపు తరలించారు ఫలితంగా బంగారం ధరలు స్వల్పంగా పెరిగాయి.  అయితే ఫెడరల్ రిజర్వు మరోసారి వడ్డీ రేటు పెంచుతుందని వార్తలు పెట్టుబడిదారులను ఆకర్షిస్తున్నాయి.  దీంతో మరోసారి పెట్టుబడులన్నీ కూడా అమెరికా ట్రెజరీ బాండ్లను కొనుగోలు చేయడం వైపు వెళ్లే అవకాశం ఉంది.  ఫలితంగా బంగారం ధరలు మరింత దిగివచ్చే అవకాశం కనిపిస్తోంది. 

 బంగారం ధరలు  భవిష్యత్తులో మరింత దిగివచ్చే అవకాశం ఉన్నట్లు కనిపిస్తోంది దేశీయ మార్కెట్లో గమనించినట్లయితే బంగారం ధరలు ప్రస్తుత 59,000 రేంజ్ లో ట్రేడ్ అవుతున్నాయి అయితే అంతర్జాతీయంగా బంగారం ధరలు తగ్గినట్లయితే దేశీయంగా కూడా బంగారం ధరలు తగ్గే అవకాశం కల్పిస్తోంది ముఖ్యంగా బంగారం ధరలు దేశీయంగా 55,000 దిగువకు తగ్గి వచ్చే అవకాశం ఉందని నిపుణులు అంచనా వేస్తున్నారు

అయితే ప్రస్తుత రేంజ్ లో బంగారం కొనాలా వద్దా అని చాలామంది ఆలోచిస్తూ ఉన్నారు. . ఒకవేళ మీరు ఫిజికల్ బంగారం కొనుగోలు చేయాలి అనుకున్నట్లయితే ప్రస్తుతం ధరలు తగ్గుముఖం పడ్డాయని ఈ రేంజ్ లో బంగారం కొనుగోలు చేయవచ్చని నిపుణులు సూచిస్తున్నారు.  బంగారంపై పెట్టుబడులు ఎప్పటికీ సురక్షితమే అని చెప్పవచ్చు ఎందుకంటే బంగారం ధరలు భారీగా పడిపోవు కారణంగా చాలామంది ప్రజలు బంగారంపై పెట్టుబడి పెట్టేందుకు ఎక్కువగా ఆసక్తి చూపిస్తూ ఉంటారు.