ఇంతకంటే చీప్‌గా ఐఫోన్ మీకు దొరకదు.. బంపర్ ఆఫర్
మీరు iPhone కొనుక్కోవాలంటే ఇదే మంచి టైం. ఫ్లిప్‌కార్ట్ బిగ్ బిలియన్ డేస్ 2024 సేల్ త్వరలో ప్రారంభం కానుంది. iPhone 15 Pro మోడల్స్ భారీ తగ్గింపుతో వినియోగదారుల చేతికి అందనున్నాయి. అవి ఎంత తగ్గాయో, వినియోగదారులు ఎలా కొనుక్కోవాలో ఇప్పుడు తెలుసుకుందాం.
ఫ్లిప్‌కార్ట్ బిగ్ బిలియన్ డేస్ 2024 సేల్ మరికొన్ని రోజుల్లో ప్రారంభం కానుంది. ఇందులో Apple iPhone 15 Pro మోడల్స్ తక్కువ ధరకు లభించనున్నాయి. ఐఫోన్ 15 ప్రో, ఐఫోన్ 15 ప్రో మాక్స్ రెండూ సుమారు 20 శాతం తగ్గింపు ధరకు మీకు దొరుకుతాయి. వీటికి తోడు సాధారణ తగ్గింపు కూడా వర్తిస్తుంది. ఇంకా కొన్ని బ్యాంక్ కార్డులు, EMI లావాదేవీలపై అదనపు తగ్గింపులు కూడా ఉంటాయి. వీటిలో పాటు అదనపు ఎక్స్ఛేంజ్ ఆఫర్లు, నో-కాస్ట్ EMI ఎంపికలు ఉన్నాయి. ఈ లెక్కన iPhone 15 Pro మోడల్స్ మిమ్మల్ని చాలా ఆకర్షిస్తాయి.
ఫ్లిప్‌కార్ట్ బిగ్ బిలియన్ డేస్ 2024కు సంబంధించి టీజర్ ఇటీవల విడుదల చేశారు. ఇందులో రాబోయే సేల్ నుండి ఏఏ వస్తువులు ఎంతెంత డిస్కౌంట్ తో దొరుకుతాయో వివరంగా ఉంది. అందులో ఉన్న వివరాల ప్రకారం iPhone 15 Pro సిరీస్ మంచి డిస్కౌంట్ ఆఫర్లతో వినియోగదారులకు అందుబాటులోకి రానున్నాయి. ఐఫోన్ 16 సిరీస్ లాంచ్ తరువాత ఐఫోన్ 15 ప్రో సిరీస్ ధర తగ్గించడం అనేది వినియోగదారులను ఆకట్టుకోవడానికి యాపిల్ కంపెనీ చేపట్టిన కొత్త మార్కెట్ స్ట్రాటజీ. కొన్నాళ్లుగా యాపిల్ కంపెనీ ఇదే ఫార్ములా ఫాలో అవుతోంది.
Apple ఇటీవలే iPhone 16 సిరీస్‌ను మార్కెట్లోకి తీసుకొచ్చింది. వీటి ధరలు రూ.79,000 నుంచి రూ.1,10,000 వరకు ఉన్నాయి. సెప్టెంబర్ 10న iPhone 16 సిరీస్ రిలీజ్ అయ్యాయి. ఐఫోన్ 16 సిరీస్ విక్రయాలు పెంచేందుకు యాపిల్ ఇండియాలో iPhone 15 Pro మోడళ్లను నిలిపివేసింది. అయితే ఇవి థర్డ్-పార్టీ రిటైలర్‌లు, కొన్ని స్టోర్‌ల ద్వారా మాత్రమే అమ్ముతున్నారు. ఈ మోడల్ ఫోన్లు డస్ట్, వాటర్ రెసిస్టెంట్ కలిగి ఉన్నాయి. దీని కోసం A17 ప్రో చిప్‌సెట్, IP68 రేటింగ్‌ వంటి ఫీచర్స్ ఇందులో ఉన్నాయి. Phone 15 Pro మోడల్స్ ట్రిపుల్ రియర్ కెమెరా సెటప్‌ను కలిగి ఉన్నాయి.
ఫ్లిప్‌కార్ట్ బిగ్ బిలియన్ డేస్ సేల్ 2024 సెప్టెంబర్ 24న ప్లస్ వినియోగదారులకు 24 గంటల ముందస్తు యాక్సెస్‌ని అందిస్తోంది. తర్వాత సెప్టెంబర్ 27న వినియోగదారులందరికీ అందుబాటులో ఉంటుంది. iPhone మోడల్‌లతో పాటు, Samsung, నథింగ్, Googleకి చెందిన ఫ్లాగ్‌షిప్ ఫోన్లు ఈ ఏడాది సేల్‌లో తగ్గింపు ధరకు వినియోగదారులు కొనుగోలు చేయవచ్చు.
iPhone 15 Pro 128GB స్టోరేజ్ మోడల్ ప్రారంభ ధర రూ.1,09,900 ఉంది. అదే విధంగా iPhone 15 Pro Max ధర రూ. 1,34,900గా ఉంది. వీటిని మీరు ఫ్లిప్‌కార్ట్ బిగ్ బిలియన్ డేస్ సేల్ 2024లో కొనుగోలు చేస్తే దాదాపు 20 శాతం పైగా తగ్గింపు లభిస్తుంది. అంటే iPhone 15 Pro కేవలం రూ. రూ. 89,999 మీరు సొంతం చేసుకోవచ్చు. iPhone 15 Pro Max రూ. 99,999 లకే మీరు ఇంటికి తీసుకెళ్ల వచ్చు.
ఫ్లిప్ కార్ట్ ఆఫర్ చేసిన డెబిట్, క్రెడిట్ కార్డ్‌లు ఉపయోగిస్తే మరికొంచెం ధర తగ్గుతుంది. EMIల ద్వారా కొనుగోలు చేస్తే ఇంకొన్ని బెనిఫిట్స్ పొందేందుకు అవకాశం ఉంటుంది. వీటితో పాటు ఫ్లిప్‌కార్ట్ ఎక్స్ఛేంజ్ తగ్గింపులు, క్యాష్‌బ్యాక్‌లను కూడా అందిస్తోంది. నో-కాస్ట్ EMI ఎంపికలు, UPI ఆధారిత తగ్గింపులు కూడా అందుబాటులో ఉంటాయి. మీరు వాటికి అర్హులో కాదో చెక్ చేసుకొని ఉపయోగించుకోవడమే.
