Tomato Price: టమాటా ధర తగ్గించేందుకు నిర్మలా సీతారామన్ మాస్టర్ ప్లాన్...ఏంటో తెలిస్తే షాక్ తినడం ఖాయం..

దేశంలోని అన్ని రాష్ట్రాల్లో టమాటా ధరలు ఆకాశాన్నంటుతున్నాయి. యాపిల్స్ కొనుక్కొని తినవచ్చు, కానీ టమోటాలు కొనలేని  పరిస్థితి ఏర్పడింది.  టమాటా ధర  కేజీ. రూ.100 నుంచి రూ.160 వరకు విక్రయిస్తున్నారు. ధరలు పెరగడానికి కారణం అందరికీ తెలిసిందే. అదేమిటంటే.. ఇటీవల మహారాష్ట్ర సహా ఉత్తర భారతదేశంలోని ప్రధాన రాష్ట్రాల్లో కురిసిన భారీ వర్షాల కారణంగా టమాటా పంట నష్టపోయింది. దీంతో దేశం నలుమూలల నుంచి టమాటకు విపరీతమైన డిమాండ్ ఏర్పడగా, రెండు నెలల క్రితం కేవలం ఒక కిలో రూ.20కి విక్రయిస్తున్న టమాటా రూ.100 దాటేసింది.
 

ఇదీ మాస్టర్ ప్లాన్:  
దేశంలోనే తొలిసారిగా టమోటా ధర నియంత్రణకు ఆర్థిక మంత్రి నిర్మలా సీతారామన్ ప్రత్యక్ష చర్యలు చేపట్టారు. టమోటాలను మన పొరుగు దేశం నేపాల్ నుండి దిగుమతి  చేయాలని నిర్ణయం తీసుకున్నారు.  టమోటా సరఫరాకు సంబంధించి ఇప్పటికే చర్చలు జరిగాయి.  అతి త్వరలోనే ఉత్తరప్రదేశ్‌కు  టమాటా లోడ్ చేరుకుంటుందని ఆమె తెలిపారు. 
 

కూరగాయలు  అధికంగా పండించే జిల్లాలైన కర్ణాటకలోని కోలార్, మాండ్య జిల్లాల నుంచి కూడా టమాటాను హోల్ సేల్ ధరలకు కొనుగోలు చేసి ఢిల్లీలోని పలు ప్రాంతాల్లో విక్రయించేందుకు కేంద్ర ప్రభుత్వం ఏర్పాట్లు చేసింది. కర్నాటక, ఆంధ్రప్రదేశ్ రాష్ట్రాల్లో కొత్త టమోటా పంటలు రావడంతో టమాటా ధరలు  క్రమంగా తగ్గుతున్నాయి. ఢిల్లీలో ఎంసీసీని రూ.70కి విక్రయించేందుకు చర్యలు తీసుకున్నామని కేంద్ర ఆర్థిక మంత్రి నిర్మలా సీతారామన్ తెలిపారు.

 మరోవైపు టమాటా పంట ఇప్పుడిప్పుడే కొత్తగా మార్కెట్లోకి వస్తుంది.  టమాటా ధర భారీగా పెరిగిన నేపథ్యంలో రైతులు పెద్ద ఎత్తున టమాటా పంటను వేశారు.  ప్రస్తుతం దేశవ్యాప్తంగా వర్షాలు తగుముఖం పట్టాయి.  దీంతో టమాటా ధరలు క్రమంగా తగ్గుముఖం పడుతున్నాయి.  తమిళనాడులోని కోయంబేడు మార్కెట్లో టమాట ధర 70 రూపాయలు పడుతుంది.  క్వాలిటీ తక్కువ ఉన్న టమాటా ధర 50 రూపాయలు పలుకుతోంది. 

 త్వరలోనే కొత్త పంట మార్కెట్లోకి వచ్చేకొద్దీ రేట్లు మరింత తగ్గే అవకాశం ఉందని మరో 45 రోజుల్లో పరిస్థితి మామూలు స్థితికి వస్తుందని అంచనా వేస్తున్నారు.  ఇదిలా ఉంటే టమాటా పంటను అత్యధికంగా పండించే రాష్ట్రాలు అయినా కర్ణాటక, మహారాష్ట్ర, ఆంధ్రప్రదేశ్ లలో  పెరిగిన టమాట ధర నేపథ్యంలో పెద్ద ఎత్తున పంటలను సాగు చేస్తున్నారు.  టమాటా పంట కేవలం నెల రోజుల్లోనే చేతికి వస్తుంది. ఈ నేపథ్యంలో పెద్ద ఎత్తున టమాట మార్కెట్ కి వచ్చే అవకాశం కనిపిస్తోంది ప్రస్తుతం వర్షాలు కూడా తగ్గిపోవడం వల్ల టమాటా మళ్ళి పూర్వస్థితికి చేరుకుంటుందని మార్కెట్ వర్గాలు ఆశిస్తున్నాయి.