20కి పైగా దేశాల్లో బిజినెస్.. వేలల్లో స్టోర్‌లు.. టాటా-అంబానీలతో పోటీ.. ఆమె ఎన్ని కోట్లకు వారసురాలో తెలుసా..

నిషా జగ్తియాని 9.5 బిలియన్ అమెరికన్ డాలర్లకు పైగా అంటే 78,000 కోట్లకు యజమాని. గ్రూప్ లో నిషా హోమ్ గ్రోన్ బ్రాండ్ లైఫ్‌స్టైల్ కోసం వ్యూహాన్ని పర్యవేక్షిస్తుంది. అంతేకాకుండా, నిషా జగ్తియాని ల్యాండ్‌మార్క్ గ్రూప్‌లో హ్యూమన్ రిసోర్స్, కమ్యూనికేషన్ అండ్  CSR హెడ్‌గా కూడా ఉన్నారు.
 

నిషా జగ్తియాని ఎడ్యుకేషన్ 

ల్యాండ్‌మార్క్ గ్రూప్ యజమాని నిషా జగ్తియానీ లండన్‌లోని కింగ్స్ కాలేజీలో చదువుకున్నారు. ఆమె  హార్వర్డ్ బిజినెస్ స్కూల్ నుండి బిజినెస్ లీడర్‌షిప్ ప్రోగ్రామ్ కూడా చేసింది. ఆమె దుబాయ్ ఇన్‌స్టిట్యూట్ ఆఫ్ డిజైన్ అండ్ ఇన్నోవేషన్‌లో బోర్డు మెంబర్ కూడా. ఆమె దుబాయ్‌లోని అత్యంత ధనవంతులైన భారతీయులలో పేరున్న వ్యాపారవేత్త మిక్కీ జగ్తియాని కుమార్తె. మిక్కీ జగ్తియాని ఈ ఏడాది మే 23న కన్నుమూశారు.

మిక్కీ జగ్తియాని విజయగాథ

ట్యాక్సీ డ్రైవర్‌గా, హోటల్‌ క్లీనర్‌గా కెరీర్‌ ప్రారంభించిన ఆయన నేడు బిలియన్‌ డాలర్ల వ్యాపారాన్ని నిర్మించారు. ఇందుకోసం ఆయన తీవ్రంగా శ్రమించారు కూడా. ముఖేష్ 'మిక్కీ' జగ్తియాని మిడిల్ ఈస్ట్  తరువాత లండన్‌కు వెళ్లడానికి ముందు చెన్నై ఇంకా  ముంబై స్కూల్ లో  చదువుకున్నాడు. తరువాత, జీవనోపాధి కోసం, అతను కాలేజీ వదిలి టాక్సీ నడపడం ప్రారంభించాడు. 1973లో బేబీ ప్రొడక్ట్‌ల స్టోర్ వ్యాపారం ప్రారంభించి విజయ శిఖరాలకు చేరుకున్నారు.
 

టాటా-అంబానీ కంపెనీతో ల్యాండ్‌మార్క్ గ్రూప్ పోటీ 

మిక్కీ జగ్తియానీ తర్వాత ఇప్పుడు ఆయన భార్య రేణుక ల్యాండ్‌మార్క్ గ్రూప్‌కు సీఈవోగా ఉన్నారు. ఆమె కుమార్తె నిషా జగ్తియాని,  కుటుంబ సభ్యులు రాహుల్ ఇంకా  ఆర్తి జగ్తియాని ల్యాండ్‌మార్క్ గ్రూప్ నిర్వహణను నిర్వహిస్తున్నారు. ల్యాండ్‌మార్క్ గ్రూప్ భారతదేశంలోని రిటైల్ రంగంలో ప్రసిద్ధి చెందిన పేరు. 

ఈ గ్రూప్ ముఖేష్ అంబానీకి చెందిన రిలయన్స్ రిటైల్ అలాగే టాటా గ్రూప్ ట్రెంట్‌తో పోటీపడుతుంది. ల్యాండ్‌మార్క్ గ్రూప్ బట్టలు, చెప్పులు, కన్స్యూమర్  ఎలక్ట్రానిక్స్ అండ్  కాస్మెటిక్ ఇంకా బ్యూటీ  ప్రొడక్ట్స్  విక్రయిస్తుంది. ఈ గ్రూప్ కి హాస్పిటాలిటీ అండ్ హెల్త్ రంగాలలో కూడా పెట్టుబడులు ఉన్నాయి.