Business Ideas: ఈ బిజినెస్ చేస్తే పల్లెటూర్లో ఉన్నా నెలకు రూ. 2 లక్షలు సంపాదించే చాన్స్...డబ్బే..డబ్బు..

నిరుద్యోగ యువత ఉద్యోగాల కోసం పట్టణ ప్రాంతాల్లో తమ సమయాన్ని వృధా చేసుకునే బదులు, ఉన్న ఊరిలోనే చక్కటి వ్యాపారం చేసుకోవడం ద్వారా మంచి ఆదాయం పొందే వీలుంది.  వ్యవసాయ సంబంధిత వ్యాపారాలు చేయడం ద్వారా మంచి ఆదాయం పొందవచ్చు.  అందుకే మీ గ్రామంలోనే ఉంటూ చక్కటి ఆదాయం పొందే బిజినెస్ ల గురించి ప్రస్తుతం మనం తెలుసుకుందాం. 

భారత దేశంలో తేనెను వినియోగించడం ప్రతి ఇంట్లోనూ కనిపిస్తుంది. ముఖ్యంగా డిమాండ్ కు తగ్గ తేనె సరఫరా  మన దేశంలో జరగడం లేదు. దీంతో విదేశాల నుంచి సైతం తేనెను దిగుమతి చేసుకోవాల్సిన పరిస్థితి ఏర్పడింది. గిరిజనులు అటవీ ప్రాంతాల నుంచి సేకరించి  విక్రయిస్తుంటారు. అయితే తేనె వాడకం మాత్రం రోజురోజుకు పెరుగుతుంది. ముఖ్యంగా ఆయుర్వేద మందుల్లో కూడా తేనను విరివిగా వాడుతూ ఉంటారు.  అయితే చంటిపిల్లలకు తేనె తాగించడం మనకు  ప్రాచీన కాలం నుంచి వస్తున్న ఆనవాయితీ. 

ఇదిలా ఉంటే మీరు మీ గ్రామంలోనే వ్యాపార అవకాశాల కోసం చూస్తున్నట్లయితే, తేనెటీగల పెంపకం తేనె ఉత్పత్తి ఒక అద్భుతమైన వ్యాపారం అని చెప్పవచ్చు.  ఈ వ్యాపారానికి 365 రోజులు డిమాండ్ ఉంటుంది.  అంతే కాదు ఈ వ్యాపారానికి పెద్దగా భూమి కూడా అవసరం లేదు.  తేనెటీగల పెంపకంలో నైపుణ్యం పెంచుకుంటే సరిపోతుంది. 

తేనెటీగల సాగు తేనె ఉత్పత్తికి  సంబంధించి పలు వ్యవసాయ విశ్వవిద్యాలయాల్లో రైతులకు ప్రత్యేక శిక్షణను అందిస్తున్నారు. తెలంగాణలో ఆచార్య జయశంకర్ వ్యవసాయ విశ్వవిద్యాలయం పలు  అవగాహన కార్యక్రమాలను రైతుల కోసం నిర్వహిస్తోంది. 

ముఖ్యంగా తేనెటీగల పెంపకానికి ఖాళీ ప్రదేశాలు తోటలు అయితే సరిపోతాయి.  ఈ తోటలోనే మీరు తేనెటీగలను పెంచవచ్చు. తేనెటీగలను పెంచేందుకు ప్రత్యేకమైన బాక్సులను తయారు చేసుకోవాలి. ఐరోపా రకానికి చెందినటువంటి తేనెటీగలను కొనుగోలు చేసుకోవాలి. మన దేశంలో ఎక్కువగా నాలుగు రకాల తేనెటీగలను పెంపకానికి వాడుతుంటారు. ఇండియన్ హైవ్ బీస్ (అపిస్ సెరానా ఇండికా), రాక్ బీస్ (అపిస్ డోర్సాటా), లిటిల్ బీస్ (అపిస్ ఫ్లోరియా), యూరోపియన్ మరియు ఇటాలియన్ తేనెటీగలు (అపిస్ మెల్లిఫెరా), డామర్ బీ లేదా స్టింగ్‌లెస్ బీ (టెట్రాగోనులా ఇరిడిపెన్నిస్) తేనెటీగల పెంపకానికి అనువైనవి.  

తేనెటీగల పెంపకానికి సమీపంలో పండ్ల తోటలు అలాగే పూల తోటలు ఉంటే చాలా మంచిది.  మంచి మకరందం వాటికి లభిస్తుంది అప్పుడు తేనె ఉత్పత్తి కూడా పెరుగుతుంది.  తేనెటీగలను పెంచే బాక్స్ కింద మంచినీటి తొట్లను ఏర్పాటు చేస్తే మంచిది. ముఖ్యంగా ఎండాకాలంలో మంచినీరు లభించక తేనెటీగలు చనిపోతూ ఉంటాయి. 

అలాగే తేనె ఉత్పత్తిని జరిగిన తర్వాత వాటిని ప్యాకింగ్ అలాగే మార్కెటింగ్ చేసేందుకు ఓ ప్రత్యేకమైన గోడౌన్ ఏర్పాటు చేసుకుంటే మంచిది. తద్వారా మీరే మీ సొంత బ్రాండ్ ను ఏర్పాటు చేసుకొని తేనెను నేరుగా సూపర్ మార్కెట్లు కిరాణా షాపుల్లోనూ విక్రయించవచ్చు. ఇందుకోసం నగరాల్లోని హోల్సేల్ మార్కెట్లలో ఓ షాపును అద్దెకు తీసుకొని రిటైలర్లకు విక్రయిస్తే మంచిది.  మంచిది. అప్పుడు మీ ఆదాయం కూడా భారీగా పెరుగుతుంది.  మీ ఆదాయం పెరిగే కొద్దీ తేనెటీగల ఫార్మ్ ల  సంఖ్య పెంచుకోవాల్సి ఉంటుంది. అదేవిధంగా పని వాళ్ళ సంఖ్యను కూడా పెంచుకోవాలి. 

నోట్: పైన పేర్కొన్న బిజినెస్ ఐడియా కేవలం పాఠకుల అవగాహన కోసం మాత్రమే. ఆదాయాలు, వ్యయం కేవలం అంచనా మాత్రమే. మీ పెట్టుబడులకు మీరే బాధ్యులు, ఏషియా నెట్ తెలుగు వెబ్ సైట్ ఎలాంటి బాధ్యత వహించదు.