చిరు వ్యాపారులారా..యూనియన్ బ్యాంక్ ఆఫ్ ఇండియా InstaLoan స్కీంలో ఆన్‌లైన్ ద్వారా 50 వేలు పొందాలంటే ఇలా చేయండి

యూనియన్ బ్యాంక్ ఆఫ్ ఇండియా అనేక వినూత్నమైన పథకాలతో చిరు వ్యాపారులకు ఆపద్బాంధవుగా నిలుస్తోంది. ఇందులో భాగంగా శిశుముద్రా రుణాలు ఆన్లైన్ ద్వారా  అప్లై చేసుకునేందుకు అవకాశం కల్పిస్తోంది.  మీకు రూ. 50,000 వరకు రుణం కావాలి అనుకుంటే ఆన్లైన్ ద్వారా అప్లై చేసుకోవచ్చు. ఆన్లైన్ ద్వారా శిశు ముద్ర లోన్ ఎలా అప్లై చేసుకోవాలో ఇప్పుడు మనం తెలుసుకుందాం. 

కేంద్రంలోని మోదీ ప్రభుత్వం ముద్రా రుణాల ద్వారా దేశంలోని చిరు వ్యాపారులను ప్రోత్సహిస్తుంది తద్వారా వారు జీవనోపాధిని పొందేందుకు ఈ ముద్ర లోన్స్ చాలా ఉపయోగపడుతున్నాయి.  ఎలాంటి తనఖా లేకుండానే  ముద్ర లోన్స్ ద్వారా మీరు రుణాలను పొందవచ్చు అంతేకాదు వీటిని అతి సులభ వాయిదాలలో చెల్లించుకునే వీలుంది.  వడ్డీ రేటు కూడా బయట ప్రైవేటు వడ్డీలతో పోల్చి చూస్తే చాలా తక్కువ.  ఇప్పటికే కోట్లాదిమంది ప్రజలు ముద్ర రుణాలను తీసుకొని తమ వ్యాపారాలను ప్రారంభించి ప్రతి నెల చక్కటి ఆదాయం పొందుతున్నారు. 

 మీరు కూడా ముద్ర రుణం తీసుకోవాలి అనుకుంటే బ్యాంకుల చుట్టూ వెళ్లకుండానే యూనియన్ బ్యాంక్ ఆఫ్ ఇండియా  ఆన్లైన్ లింకు ద్వారా రుణం కోసం అప్లై చేసుకోవచ్చు. తద్వారా మీకు 50 వేల రూపాయల వరకు లభించే అవకాశం ఉంది.  ఇందుకోసం ఏం చేయాలో ఇప్పుడు మనం తెలుసుకుందాం. 

రూ. 50 వేల రూపాయలు మీకు తక్షణ అవసరం అయినట్లయితే మీ వ్యాపారం ప్రారంభించడానికి అది మూలధనంగా అవసరం అవుతుంది అనుకుంటే వెంటనే మీరు ఆన్లైన్ ద్వారా యూనియన్ బ్యాంక్ ఆఫ్ ఇండియా వారి నుంచి మీరు శిశు ముద్ర లోన్ పొందే అవకాశం ఉంది.  ఇందుకోసం మీరు ఇక్క పేర్కొన్నటువంటి instaloan.unionbankofindia.co.in:9443/lendperfect/landing లింకును క్లిక్ చేసి సంబంధిత వివరాలను నమోదు చేయడం ద్వారా మీరు రుణాలను ఈజీగా పొందవచ్చు. 

Insta లోన్ పేరిట అందిస్తున్న  ఈ రుణాలకు చక్కటి స్పందన లభిస్తుంది.  ముఖ్యంగా హైదరాబాద్ ప్రాంతంలో ఈ రుణాలకు చక్కటి డిమాండ్ ఉన్నట్లు బ్యాంకు గణాంకాలను బట్టి తెలుస్తోంది.  ముఖ్యంగా చిరు వ్యాపారులకు ఒక రకంగా శిశుముద్రా రుణాలు ఒక వరం అనే చెప్పాలి.  వీటిని సులభ వాయిదాలలో తిరిగి చెల్లించే అవకాశం ఉంటుంది కావున పెద్దగా ఆందోళన చెందావలసిన  అవసరం లేదు. 

నిజానికి మీరు ఈ ముద్రా రుణాలను 10 లక్షల వరకు పొందే అవకాశం ఉంటుంది అయితే ఇందుకు సంబంధించి అన్ని ప్రభుత్వ బ్యాంకు లోను పూర్తి సమాచారం అందుబాటులో ఉంటుంది.  సంబంధిత బ్యాంకు మేనేజర్ ను అడగడం ద్వారా మీరు ముద్ర రుణాలకు సంబంధించిన పూర్తి వివరాలను తెలుసుకోవచ్చు.  అంతేకాదు మీరు ఏ వ్యాపారం చేయాలనుకుంటున్నారో నిర్ణయం తీసుకొని సంబంధిత రిపోర్టును సబ్మిట్ చేయడం ద్వారా మీరు ముద్రా రుణాలను సులభంగా పొందవచ్చు