రూ.70,000లకే రాయల్ ఎన్ఫీల్డ్ బైక్
మీరు రాయల్ ఎన్ఫీల్డ్ బుల్లెట్ కొనాలనుకుంటున్నారా? అయితే తక్కువ ధరకు మీకు దొరికే కొన్ని ప్రముఖ వెబ్ సైట్లు ఉన్నాయి. అక్కడ మీరు కొంటే చాలా తక్కువ ధరకు దొరుకుతాయి. ఆ వెబ్ సైట్లు, వాటి వివరాలు, ఎంత తక్కువ ధరకు రాయల్ ఎన్ఫీల్డ్ బుల్లెట్స్ దొరుకుతాయి. ఇలాంటి మరిన్ని వివరాలు ఇక్కడ తెలుసుకోండి.
ది ఎన్ఫీల్డ్ అనే సైకిల్ కంపెనీ మొదటి రాయల్ ఎన్ఫీల్డ్ బైక్ ను తయారు చేసింది. అసలు రాయల్ ఎన్ఫీల్డ్ అనేది ఇంగ్లండ్ దేశానికి చెందని కంపెనీ ఇండియాలో మల్టీనేషనల్ కంపెనీగా ఏర్పాటైంది. చెన్నైలో ఈ కంపెనీ ప్రధాన కార్యాలయం ఉంది. ప్రపంచ వ్యాప్తంగా పేరున్న బ్రాండ్ మోటార్సైకిల్ ఇది. చెన్నైలో తయారీ ప్లాంట్ ఉంది.
మొదటి రాయల్ ఎన్ఫీల్డ్ మోటార్సైకిల్ను 1901లో తయారుచేశారు. 1971 వరకు వివిధ రకాల మోడల్స్ తయారు చేస్తూ ప్రజల అభిమానాన్నిరాయల్ ఎన్ఫీల్డ్ సంస్థ సంపాదించింది. రాయల్ ఎన్ఫీల్డ్ బుల్లెట్, క్లాసిక్ 350 , రాయల్ ఎన్ఫీల్డ్ థండర్బర్డ్ , మెటోర్ 350, క్లాసిక్ 500, ఇంటర్సెప్టర్ 650 , కాంటినెంటల్, హంటర్ 350 మరిన్ని క్లాసిక్ లుకింగ్ మోటార్సైకిళ్లను తయారు చేస్తోంది. సింగిల్ సిలిండర్, ట్విన్ సిలిండర్ ఇంజన్లతో వివిధ రకాల మోడల్స్ ప్రస్తుతం మార్కెట్ లో అందుబాటులో ఉన్నాయి.
రాయల్ ఎన్ఫీల్డ్ లో వివిధ రకాల మోడల్స్ ఉన్నాయి. వీటిలో ప్రధానంగా క్లాసిక్ 350, హిమాలయన్, మీటియోర్ 350, కాంటినెంటల్ GT 650, ఇంటర్సెప్టర్ 650 తదితర మోడల్స్ అందుబాటులో మాార్కెట్ లో ఉన్నాయి. రాయల్ ఎన్ఫీల్డ్ కంపెనీ భారతదేశంలో ప్రధానంగా ఉంది. అయితే ప్రపంచ వ్యాప్తంగా చాలా దేశాల్లో విస్తరించింది. ముఖ్యంగా యూరప్, అమెరికా, ఆస్ట్రేలియా, దక్షిణ ఆసియా దేశాల్లో బ్రాంచులు ఉన్నాయి.
2023 బుల్లెట్ 350 క్లాసిక్ మోడల్ ప్రస్తుతం లేటెస్ట్ గా మార్కెట్ లో వినియోగదారులకు ఆకట్టుకుంటోంది. దీంతో పాటు స్క్రామ్ 411, సూపర్ మెటియోర్ 650 మరికొన్ని రకాలు ప్రత్యేక మోడల్స్ గా తయారయ్యాయి. ఏ మోడల్ కు ఆ మోడల్ ప్రత్యేకతలు ఉండటంతో వాటి ధరలకు అనుగుణంగా ప్రజలు కొనుగోలు చేస్తున్నారు.
ఈ బ్రాండ్ తన బలమైన నిర్మాణం మరియు ప్రత్యేకమైన ఎంజిన్ శబ్దం వల్ల ప్రపంచ వ్యాప్తంగా రైడింగ్ ప్రియులకు ఎంతో ఇష్టమైనదిగా మారింది.
రాయల్ ఎన్ఫీల్డ్ బుల్లెట్ ధరలు మోడల్ కు అనుగుణంగా ఉన్నాయి. ఒక్కో మోడల్ ఒక్కో ధర పలుకుతోంది. ఇవి రూ.1.50 లక్షల నుంచి రూ.2.95 లక్షల వరకు ధర పలుకుతున్నాయి. ఇవన్నీ కొత్తవి, షోరూమ్ ధరలు కావడంతో ధర ఎక్కువగా ఉన్నాయి. అయితే మీరు తక్కువ ధరకు రాయల్ ఎన్ఫీల్డ్ బుల్లెట్ కొనుక్కోవాలనుకుంటే సెకండ్ హ్యాండ్ బైక్స్ అమ్మే వెబ్ సైట్లు ఉన్నాయి. వాటిల్లో చాలా తక్కువ ధరకు మంచి కండీషన్ లో ఉన్న రాయల్ ఎన్ఫీల్డ్ బుల్లెట్లు దొరకుతాయి.
ముఖ్యంగా రూ.70,000 లోపు 350 సిసి రాయల్ ఎన్ఫీల్డ్ బుల్లెట్ కొనాలనుకుంటే డ్రూమ్, OLX, క్వికర్ వంటి వెబ్సైట్లలో రాయల్ ఎన్ఫీల్డ్ బైక్స్ వివిధ ధరల్లో దొరుకుతాయి. డ్రూమ్లో 2011 రాయల్ ఎన్ఫీల్డ్ బుల్లెట్ ఎలక్ట్రా 350 సిసి రూ.67,000 కి లభిస్తోంది.
క్వికర్లో 2015 రాయల్ ఎన్ఫీల్డ్ క్లాసిక్ 350 రూ.95,000 కి లభిస్తోంది. OLX లో కూడా సెకండ్ హ్యాండ్ రాయల్ ఎన్ఫీల్డ్ బైక్స్ ఉన్నాయి. 2014 సంవత్సరానికి చెందిన ఈ బుల్లెట్ రూ.1 లక్షకే లభిస్తోంది. సెకండ్ హ్యాండ్ బైక్ కొనే ముందు డాక్యుమెంట్స్ అన్నీ సరిగ్గా ఉన్నయో లేదో చెక్ చేసుకోెవాలి. బైక్ బాగుందో లేదో చూసుకోవాలి. డబ్బులు ఇచ్చే ముందు బైక్, డాక్యుమెంట్స్ పూర్తిగా చెక్ చేసుకొని తీసుకోవాలి.