Redmi A2, Redmi A2+ : రూ. 6 వేల లోపల అదిరిపోయే స్మార్ట్ ఫోన్ కావాలా...అయితే ఈ రెండు స్మార్ట్ ఫోన్లు మీ కోసం..

కేవలం 6000 రూపాయల లోపే మీకు మంచి స్మార్ట్ ఫోన్ కొనుగోలు చేయాలని ఉందా.. అయితే రెడ్ మీ నుంచి విడుదలైనటువంటి Redmi A2, Redmi A2+ ఫోన్లను నేడు దేశీయ మార్కెట్లో విడుదలయ్యాయి.

ప్రస్తుతం మార్కెట్లో అతి తక్కువ ధరకే స్మార్ట్ ఫోన్ మీకు కొనాలని ఉందా.. అయితే షావోమీ కంపెనీ తయారుచేసిన RedmiI ఫోన్స్ అతి తక్కువ ధరకే చక్కటి ప్రీమియం ఫీచర్లతో స్మార్ట్ ఫోన్లను అందుబాటులో ఉంచింది. అయితే తాజాగా రెడ్‌మీ ఈ శుక్రవారం , మన దేశీయ మార్కెట్లోకి రెడ్‌మీ ఎ2 , రెడ్‌మీ ఎ2+ స్మార్ట్‌ఫోన్‌లను విడుదల చేసింది. 

ఈ బడ్జెట్ స్మార్ట్‌ఫోన్‌లు 5,000 mAh బ్యాటరీని కలిగి ఉన్నాయి. మే 23 నుంచి ఈ ఫోన్ల ఆన్ లైన్ సేల్స్ ప్రారంభం కానున్నాయి. ఈ స్మార్ట్‌ఫోన్‌లను Amazon, Mi.com, Mi హోమ్ స్టోర్స్, Xiaomi రిటైల్ భాగస్వాముల ద్వారా కొనుగోలు చేయవచ్చు. 

Redmi A2  ధరలు ఇవే..
2 GB RAM, 32 GB స్టోరేజ్ వేరియంట్ ధర రూ. 5,999
2GB RAM + 64GB స్టోరేజ్ వేరియంట్ కోసం రూ.6,499
4GB RAM + 64GB స్టోరేజ్ కోసం రూ.7,499 
Redmi A2+ ధర ఇవే.
4GB RAM + 64GB వేరియంట్ ధర రూ. 8,499 

ఈ స్మార్ట్‌ఫోన్‌లను బ్లాక్, లైట్ గ్రీన్, లైట్ బ్లూ రంగులలో కొనుగోలు చేయవచ్చు. ICICI బ్యాంక్ కార్డ్‌లను ఉపయోగించి ఈ హ్యాండ్‌సెట్‌లను కొనుగోలు చేస్తే Redmi రూ. 500 క్యాష్‌బ్యాక్‌ను అందిస్తోంది. ఈ ఫోన్లపై రెండేళ్ల పాటు వారంటీ కూడా ఇస్తున్నారు. 

Redmi A2, Redmi A2+ స్పెసిఫికేషన్లు
ఈ డ్యుయల్ సిమ్ స్మార్ట్‌ఫోన్‌లు ఆండ్రాయిడ్ 13పై రన్ అవుతాయి. ఇది 120Hz టచ్ శాంప్లింగ్ రేట్‌తో 6.52-అంగుళాల HD+ (1,600 x 720 పిక్సెల్‌లు) LCD స్క్రీన్‌ను కలిగి ఉంది. MediaTek Helio G36 SoC, 4 GB వరకు RAM ఈ స్మార్ట్‌ఫోన్‌లలో అందుబాటులో ఉన్నాయి. 

వర్చువల్ ర్యామ్‌తో అందుబాటులో ఉన్న మెమరీని 7 GB వరకు పెంచుకోవచ్చు. ఇది AI సపోర్ట్ తో డ్యూయల్ వెనుక కెమెరా యూనిట్‌ను కలిగి ఉంది. ఇది 8 మెగాపిక్సెల్ ప్రైమరీ సెన్సార్ ,  QVGA కెమెరాను కలిగి ఉంది. సెల్ఫీ ,  వీడియో చాట్ కోసం ముందు భాగంలో 5-మెగాపిక్సెల్ కెమెరా ఇచ్చారు. ఈ రెండు స్మార్ట్‌ఫోన్‌లు 64GB స్టరేజీతో వస్తున్నాయి. వీటిని మైక్రో SD కార్డ్‌ని ఉపయోగించి 512GB వరకు ఎక్స్టెండ్ చేయవచ్చు. కనెక్టివిటీ కోసం, Wi-Fi, బ్లూటూత్ ,  3.5mm హెడ్‌ఫోన్ జాక్ వీటిలో అందుబాటులో ఉన్నాయి. 

Redmi A2+లో  సేఫ్టీ కోసం ఫింగర్‌ప్రింట్ స్కానర్ కూడా అందుబాటులో ఉంది. ఈ స్మార్ట్‌ఫోన్‌ల ,  5,000 mAh బ్యాటరీ 10 W ఫాస్ట్ ఛార్జింగ్‌కు మద్దతు ఇస్తుంది. 

ఇదిలా ఉంటే ఈ నెల ప్రారంభంలో, కంపెనీ రెడ్‌మి నోట్ 12ఎస్‌ను సైతం విడుదల చేసింది.  ఐస్ బ్లూ, పెరల్ గ్రీన్ ,  ఒనిక్స్ బ్లాక్ అనే మూడు కలర్ వేరియంట్‌లలో అందుబాటులో ఉంది. కానీ ప్రస్తుతం ఇది పోలాండ్‌లో మాత్రమే అందుబాటులోకి వచ్చింది.