మహీంద్రా కార్లపై రూ.లక్షల్లో డిస్కౌంట్లు! ఇంత తక్కువకు ఎందుకు అమ్ముతున్నట్లు?

14

మహీంద్రా కార్ డిస్కౌంట్

దసరా ఇలా ముగిసిందో లేదో అప్పుడే దీపావళిపై కంపెనీలు దృష్టి పెట్టాయి. వినియోగదారులను ఆకట్టుకోవడానికి దసరాకే భారీ ఆఫర్లు ప్రకటించాయి. దసరా ముగిసిన తర్వాత దీపావళికి కూడా కస్టమర్లను ఆకట్టుకోవడానికి కార్లు, బైకులు, సెల్ ఫోన్లు, ఎలక్ట్రానిక్ వస్తువుల తయారు చేసే కంపెనీలు ప్రత్యేక తగ్గింపు ధరలతో సందడి చేస్తున్నాయి. ఇందులో ముఖ్యంగా మహీంద్రా కంపెనీ తన కార్ల మోడల్స్ పై భారీ డిస్కౌంట్స్ అందిస్తున్నాయి. అవేంటో ఇక్కడ పూర్తి వివరాలు తెలుసుకుందాం. 

మహీంద్రా XUV 700, స్కార్పియో క్లాసిక్, స్కార్పియో N, బొలెరో, XUV 400 EV కార్లు దీపావళికి ఆకర్షణీయమైన ఆఫర్లతో అందుబాటులో ఉన్నాయి. కొత్త మోడళ్లను మహీంద్రా ప్రతి కొన్ని నెలలకు విడుదల చేస్తోంది. బొలెరో, బొలెరో నియో, XUV 700, స్కార్పియో N వంటి కొన్ని మోడళ్లలో 2023, 2024 ప్రారంభంలో అమ్ముడుపోనివి ఈ పండుగ సీజన్‌లో భారీ డిస్కౌంట్లతో అందుబాటులో ఉన్నాయి.

24

మహీంద్రా కార్ అమ్మకాలు

మహీంద్రా XUV 700, స్కార్పియో క్లాసిక్, స్కార్పియో N, బొలెరో, XUV400 EV వంటి కార్లపై ఈ దీపావళికి ఆకర్షణీయమైన ఆఫర్లు అందుబాటులో ఉన్నాయి. XUV 300, XUV 400 EV, XUV 700, స్కార్పియో క్లాసిక్, స్కార్పియో N, బొలెరో, బొలెరో నియో వంటి మోడళ్లపై రూ. 4.4 లక్షల వరకు డిస్కౌంట్లు లభిస్తున్నాయి. పాత మోడళ్లపై అధిక డిస్కౌంట్లు ఇస్తున్నారు. 

XUV300 యూనిట్లు కొన్ని షోరూమ్‌లలో రూ.1.8 లక్షల వరకు డిస్కౌంట్‌తో అందుబాటులో ఉన్నాయి. XUV 400 EV దాదాపు ఒక సంవత్సరంగా రూ.2 లక్షలకు పైగా డిస్కౌంట్‌తో లభిస్తోంది. కొన్ని యూనిట్లు, ఎక్కువగా MY2023 ఉత్పత్తి బ్యాచ్‌ల నుండి రూ.4.4 లక్షల వరకు డిస్కౌంట్‌తో అందుబాటులో ఉన్నాయి. XUV 700 ఈ సంవత్సరం అనేక ధర తగ్గింపులు, ఫీచర్ మార్పులను చూసింది. 

34

మహీంద్రా XUV 300 ధర

కొత్త MY2024 స్టాక్‌పై దాదాపు రూ.40,000 డిస్కౌంట్ లభిస్తోంది. అమ్ముడుపోని MY2023 స్టాక్ దాదాపు రూ. 1 లక్ష డిస్కౌంట్‌తో లభిస్తోంది. కొత్త MY2024 ఇన్వెంటరీకి దాదాపు 35,000 డిస్కౌంట్ వస్తుంది. మరోవైపు, బొలెరో నియో, MY2023 స్టాక్‌పై దాదాపు రూ. 1.35 లక్షల డిస్కౌంట్‌తో లభిస్తోంది. స్కార్పియో క్లాసిక్‌కి మార్కెట్ లో మంచి డిమాండ్ ఉంది. ఎక్కువ మంది ఈ మోడల్ కొనేందుకు ఇష్టపడుతున్నారని సర్వేల ద్వారా తెలుస్తోంది. 

44

మహీంద్రా XUV300 ఫీచర్లు

మహీంద్రా SUV MY2023 యూనిట్లలో పాత స్టాక్‌కు రూ.1.2 లక్షల వరకు డిస్కౌంట్లు అందుబాటులో ఉన్నాయి. అయితే స్కార్పియో N అమ్మకాలు ప్రస్తుతం తగ్గాయి. కొందరు కొనుగోలుదారులు ఇప్పుడు కొత్త థార్ Roxx ని ఎంచుకుంటున్నారు. ఈ దీపావళికి SUV పై దాదాపు రూ.1 లక్ష డిస్కౌంట్లు లభిస్తున్నాయి. మహీంద్రా థార్ 3-డోర్ ఇప్పుడు రూ.1.6 లక్షల వరకు డిస్కౌంట్‌కు మీరు కొనుగోలు చేయొచ్చు. వీటిల్లో మీకు నచ్చిన, మీ బడ్జెట్ తగ్గ మహీంద్ర మోడల్ కారును ఎంచుకొని భారీ డిస్కౌంట్ ఆఫర్లు పొంది వెహికల్ ను మీ ఇంటికి తీసుకెళ్లండి. మరిన్ని వివరాలకు సమీపంలోని డీలర్‌ను సంప్రదించండి.