ముకేష్ అంబానీ దీపావళి గిఫ్ట్.. కేవలం నెలకు రూ.300తో జియో ఫోన్ నెక్స్ట్..

జియో ఫోన్ నెక్స్ట్ భారతీయుల కోసం ప్రత్యేకంగా రూపొందించిన అండ్రాయిడ్ ఆధారిత ప్రగతి ఓ‌ఎస్ సాఫ్ట్‌వేర్  పై రన్ అవుతుంది. దీని ఫీచర్లు 13-మెగాపిక్సెల్ బ్యాక్ కెమెరా, క్వాల్కమ్ స్నాప్‌డ్రాగన్ 215 SoC, ట్రాన్స్‌లేట్ నౌ ఫీచర్.

భారతదేశంలో జియోఫోన్ నెక్స్ట్ ధర, లభ్యత
కొత్త జియోఫోన్ నెక్స్ట్ ధర  భారతదేశంలో రూ. 6,499. అయితే ఎటువంటి ఈ‌ఎం‌ఐ ఆప్షన్స్ లేకుండా కూడా స్మార్ట్‌ఫోన్‌ను కొనుగోలు చేయవచ్చు. అలాగే సులభమైన ఈ‌ఎం‌ఐ ఆప్షన్స్ కోసం మొదట  రూ.1,999 (ప్లస్ రూ. 501 ప్రాసెసింగ్ ఫీజు) చెల్లించి  ఆపై  మొత్తాన్ని సులభమైన ఈ‌ఎం‌ఐలో చెల్లించవచ్చు.
 
 

 జియోఫోన్ నెక్స్ట్ కొనుగోలు చేసేందుకు మీరీ మీ సమీపంలోని జియో మార్ట్ డిజిటల్ రిటైలర్‌ను సందర్శించాల్సి ఉంటుంది లేదా అధికారిక  వెబ్‌సైట్‌కి వెళ్లి రిజిస్టర్ చేసుకోవాలి. వాట్సాప్‌లో రిజిస్ట్రేషన్ కూడా చేసుకోవచ్చు .  ఇందుకు 7018270182కి 'హాయ్'ని మెసేజ్  పంపాలి. రిజిస్ట్రేషన్ పూర్తయిన తర్వాత కొనుగోలుదారుకు కన్ఫర్మేషన్ వస్తుంది. కస్టమర్ జియో ఫోన్ నెక్స్ట్‌ డెలివరీ కోసం సమీపంలోని జియో మార్ట్ రిటైలర్‌ను సందర్శించాలి.

జియో ఫోన్ నెక్స్ట్‌కి సులభంగా యాక్సెస్ ఉండేలా భారతదేశం అంతటా 30,000 రిటైల్ అవుట్‌లెట్‌లతో భాగస్వామ్యం కుదుర్చుకున్నట్లు కంపెనీ తెలిపింది. అలాగే దేశంలోని మారుమూల ప్రాంతాలకు విస్తరించి ప్రతి భారతీయుడికి అందుబాటులో ఉండేలా పేపర్‌లెస్ డిజిటల్ ఫైనాన్సింగ్ ఆప్షన్ కూడా అందుబాటులోకి తెచ్చింది.

ఈ‌ ఈ‌ఎం‌ఐ ప్లాన్‌లు 18 నెలలు, 24 నెలలకు అందుబాటులో ఉంటాయి. అలాగే ప్లాన్‌లు జియో వాయిస్, డేటా ప్రయోజనాలతో కూడి ఉంటాయి, కాబట్టి వినియోగదారులు వారికి ఏది ఉత్తమమో  ఈ ప్లాన్‌ల నుండి  ఎంచుకోవచ్చు. 

మొదటి  ప్లాన్‌ : ఆల్వేస్ ఆన్ ప్లాన్ కింద  18 లేదా  24 నెలల కాల వ్యవధిలో  కస్టమర్‌లు ఎంపిక చేసుకున్న ఈఎంఐని బట్టి రూ.350 లేదా రూ.300 మాత్రమే చెల్లించాలి. ఇందులో వినియోగదారులు నెలకు 5జీబీ డేటా ప్లస్‌ 100నిమిషాల టాక్‌టైమ్‌ను కూడా పొందుతారు.

రెండవ ప్లాన్‌ : జియో ఫోన్‌ నెక్ట్స్‌ లార్జ్‌ ప్లాన్‌ కింద  కస్టమర్లు 18 నెలలకు రూ.500, 24 నెలలకు రూ.450 చెల్లించాలి. ఈ ప్లాన్‌లో రోజుకు 1.5జీబీ 4జీ డేటా, అపరిమిత వాయిస్ కాల్‌ను పొందవచ్చు.  

మూడో ప్లాన్‌ : జియో ఫోన్‌ నెక్ట్స్‌ కోసం జియో మూడవ ప్లాన్‌ ను అందుబాటులోకి తెచ్చింది. ఎక్స్‌ఎల్‌ అని పిలిచే మూడో ప్లాన్‌లో వినియోగదారులు 18 నెలలకు రూ. 550 లేదా 24 నెలలకు రూ. 500 చెల్లించాల్సి ఉంటుంది. ఈ ప్లాన్ కింద వినియోగదారులు ప్రతిరోజూ 2జీబీ హై స్పీడ్ 4జీ డేటా, అపరిమిత వాయిస్ కాల్స్‌ చేసుకోవచ్చు. 

నాల‍్గవ ప్లాన్‌  : చివరిగా నాల్గవ ప్లాన్‌ ఎక్స్‌ ఎక్స్‌ఎల్‌ ప్లాన్‌. ఈ ప్లాన్‌లో జియో ఫోన్‌ కొనుగోలుదారులు నెలకు రూ. 600 చొప్పున 18 నెలల పాటు లేదా 24 నెలల పాటు రూ. 550 చెల్లించాలి. ఈ ఆఫర్‌ వినియోగదారులకు 24 నెలల పాటు అపరిమిత వాయిస్ కాల్‌లతో పాటు రోజుకు 2.5జీబీ 4జీ డేటాను పొందవచ్చు.
 

జియో ఫోన్ నెక్స్ట్ స్పెసిఫికేషన్లు
స్పెసిఫికేషన్ల ముందు జియో ఫోన్ నెక్స్ట్  ప్రగతి ఓ‌ఎస్ తో  పని చేస్తుంది, దీనిని భారతదేశంలోని వినియోగదారుల కోసం రూపొందించిన అండ్రాయిడ్ ఆప్టిమైజ్ వెర్షన్. అలాగే కార్నింగ్ గొరిల్లా గ్లాస్ 3 ప్రొటెక్షన్ తో 5.45-అంగుళాల HD+ (720x1,440 పిక్సెల్‌లు) డిస్‌ప్లే, యాంటీ ఫింగర్‌ప్రింట్ కోటింగ్‌  ఉంది. 1.3GHz క్వాల్‌కామ్ స్నాప్‌డ్రాగన్ 215 క్వాడ్-కోర్ ప్రాసెసర్‌తో 2జి‌బి  ర్యామ్, 32జి‌బి  ఇంటర్నల్ స్టోరేజ్‌తో  512జి‌బి  వరకు పెంచుకోవచ్చు.