రూ.91 జియో రీచార్జ్ ప్లాన్ : 28 రోజుల వ్యాలిడిటీ, అపరిమిత వాయిస్ కాల్, ఇంటర్నెట్ డాటా.. మరెన్నో

Reliance Jio : ప్రముఖ టెలికాం సర్వీస్ ప్రొవైడర్ రిలయన్స్ జియో ఇటీవల రీచార్జ్ ప్లాన్ ధరలు భారీగా పెంచిన విషయం తెలిసిందే. దీంతో జియో వినియోగదారులపై మరింతగా భారం పెరిగింది. అయినప్పటికి మంచి నెట్ వర్క్, ఉత్తమ సేవలు అందిస్తున్న జియోను విడిచిపెట్టలేకపోతున్నారు. జియో కూడా ఓ వైపు లాభాలను పెంచుకునేందుకు భారీగా రీచార్జ్ ధరలు పెంచినా...మరోవైపు కస్టమర్లను ఆకట్టుకునేందుకు బడ్జెట్ ప్రెండ్లీ రీచార్జ్ ప్లాన్స్ ను తీసుకువస్తోంది. ఇలా రీచార్జ్ ప్లాన్స్ ధరలు పెరిగిన తర్వాత కూడా కేవలం రూ.100 లోపు రీచార్జ్ ప్లాన్స్ ను జియో కలిగివుంది. ఇలా జియోలో అత్యంత చవక  రీచార్జ్ ప్లాన్స్ గురించి తెలుసుకుందాం. 
 

రూ.91 రీచార్జ్ ప్లాన్ : 

రీచార్జ్ ప్లాన్స్ ధరలు పెంచిన తర్వాత కూడా జియోలో వంద రూపాయల లోపు ప్లాన్ వుందంటే నమ్మలేము. కానీ అలాంటి ఓ ప్లాన్ ను జియో కలిగివుంది.  వినియోగదారులు కేవలం 91 రూపాయలతో రీచార్జ్ చేసుకుంటే ఏకంగా 28 రోజుల వ్యాటిడిటితో జియో సేవలు పొందవచ్చు.  అన్ లిమిటెడ్ వాయిస్ కాల్స్ తో పాటు 3 జిబి డాటా లభిస్తుంది. అలాగే  50  ఎస్ఎంఎస్ లను ఉపయోగించుకోవచ్చు. అంతేకాదు జియో యాప్ సేవలను పొందవచ్చు. 

అయితే ఈ రీచార్జ్ ప్లాస్ జియో ఫోన్ వినియోగదారులకు మాత్రమే ఉపయోగపడుతుంది. ఇంటర్నెట్ పెద్దగా అవసరం లేకుండా కేవలం వాయిస్ కాల్స్ కోసం అయితే ఈ ప్లాన్ తో రీచార్జ్ ఉత్తమం. అయితే స్మార్ట్ ఫోన్ వినియోగదారులకు ఈ రీచార్జ్ ప్లాన్ వర్తించదు. 

రూ.122 రీచార్జ్ ప్లాన్ : 

రిలయన్స్ జియోలో మరో చవక రీచార్జ్ ప్లాన్ ఈ రూ.122. ఇది ఇంటర్నెట్ ఎక్కువగా ఉపయోగించే వినియోగదారులకు బాగా ఉపయోగపడుతుంది. ఈ ప్లాన్ తో రీచార్జ్ చేసుకుంటే 28 రోజుల పాటు 28జిబి ఇంటర్నెట్ వాడుకోవచ్చు... అంటే రోజుకు 1జిబి అన్నమాట. అయితే ఇది కేవలం డాటా ప్లాన్ మాత్రమే.  

రూ.152 రీచార్జ్ ప్లాన్ : 

జియో ఫోన్ వినియోగదారులకు ఉపయోగపడే మరో చవక రీచార్జ్ ప్లాన్ రూ.152. ఈ ప్లాన్ తో రీచార్జ్ చేసుకుంటే 28 రోజులపాటు జియో సేవలను పొందవచ్చు.  రోజుకు 0.5 జిబి చొప్పున 28 రోజులపాటు 14జిబి ఉపయోగించుకోవచ్చు. అంతేకాదు అన్ లిమిటెడ్ వాయిస్ కాల్స్, 300 ఎస్ఎంఎస్ లను పొందవచ్చు. వీటికి జియో యాప్ ను కూడా ఉపయోగించుకునే అవకాశం వుంటుంది. 

రూ.186 రీచార్జ్ ప్లాన్ : 

ఈ రీచార్జ్ ప్లాన్ తో 28 రోజులపాటు 28జిబి ఇంటర్నెట్ డాటా లభిస్తుంది.  అలాగే అపరిమిత వాయిస్ కాల్స్ లభిస్తాయి. 28 రోజుల వ్యాలిడిటితో జియో ఫోన్ వినియోగదారుల కోసం ఈ ప్లాన్ ను తీసుకువచ్చింది జియో. 

రూ.189 రీచార్జ్ ప్లాన్ : 

ఈ ప్లాన్ జియో ఫోన్ వినియోగదారులకే కాదు జియో సిమ్ ఉపయోగించే స్మార్ట్ ఫోన్ వినియోగదారులకు కూడా వర్తిస్తుంది. ఈ ప్లాన్ తో రీచార్జ్ చేసుకుంటే అన్ లిమిటెడ్ వాయిస్ కాల్స్ తో పాటు 2జిబి డాటా లభిస్తుంది.  300 ఎస్ఎంఎస్ లతో పాటు జియో యాప్ సబ్ స్క్రిప్షన్ కూడా పొందవచ్చు. ఇది 28 రోజుల వ్యాలిడిటీతో లభిస్తుంది.