కరోనా కాలంలో పెరిగిన ఎఫ్‌డిఐల ప్రవాహం.. ఇండియాలో గత ఏడాదితో పోల్చితే 10% ఎక్కువ..

First Published May 25, 2021, 4:59 PM IST

విదేశీ ప్రత్యక్ష పెట్టుబడుల (ఎఫ్‌డిఐ) విధాన సంస్కరణలు, పెట్టుబడుల సదుపాయం, ఈజీ ఆఫ్ డూయింగ్ బిజినెస్ వంటి రంగాల్లో ప్రభుత్వం తీసుకున్న చర్యలతో ఇండియాలో ఎఫ్‌డిఐల ప్రవాహం పెరిగింది. 2020-21 ఆర్థిక సంవత్సరంలో భారతదేశ ఎఫ్‌డిఐల ప్రవాహం అత్యధికంగా 81.72 బిలియన్ డాలర్లుగా ఉంది. గత 2019-20 ఆర్థిక సంవత్సరంతో పోలిస్తే 10% ఎక్కువ (74.39 బిలియన్ డాలర్లు).

2020-21 ఆర్థిక సంవత్సరంలో ఎఫ్‌డిఐ ఈక్విటీ ఇన్‌ఫ్లో 19% అంటే 59.64 బిలియన్ డాలర్లు పెరిగింది. అంతకుముందు ఏడాది 2019-20లో 49.98 యు.ఎస్ బిలియన్ డాలర్లుగా ఉంది.

2020-21 ఆర్థిక సంవత్సరంలో టాప్ పెట్టుబడిదారుల దేశాల విషయానికొస్తే 'సింగపూర్' 29% తో అగ్రస్థానంలో ఉంది. తరువాత యు.ఎస్.ఎ (23%), మారిషస్ (9%) ఉన్నాయి.

మొత్తంగా ఎఫ్‌డిఐ ఈక్విటీ ఇన్‌ఫ్లో 44% వాటాతో 2020-21 ఆర్థిక సంవత్సరంలో 'కంప్యూటర్ సాఫ్ట్‌వేర్ & హార్డ్‌వేర్' అగ్రశ్రేణి రంగంగా అవతరించి. తరువాత కన్స్ట్రక్షన్ (ఇన్‌ఫ్రాస్ట్రక్చర్) ఆక్టివిటీస్ (13%), సర్వీస్ సెక్టార్ (8%) ఉన్నాయి.

`కంప్యూటర్ సాఫ్ట్‌వేర్ & హార్డ్‌వేర్ 'రంగంలో 2020-21 ఆర్థిక సంవత్సరంలో గుజరాత్ (78%), కర్ణాటక (9%), ఢీల్లీ (5%) ఎక్కువ లాభలు పొందిన రాష్ట్రాలు.

2020-21 ఆర్థిక సంవత్సరంలో అత్యధిక ఎఫ్‌డిఐ ఈక్విటీ ఇన్‌ఫ్లోలో 37% వాటాతో గుజరాత్, 27% తో మహారాష్ట్ర, 13%తో కర్ణాటక ఉన్నాయి.

2020-21 ఆర్థిక సంవత్సరంలో గుజరాత్ ఈక్విటీ ప్రవాహంలో ఎక్కువ భాగం `కంప్యూటర్ సాఫ్ట్‌వేర్ & హార్డ్‌వేర్ '(94%), కన్స్ట్రక్షన్ (ఇన్‌ఫ్రాస్ట్రక్చర్) యాక్టివిటీస్' (2%)గా నమోదయ్యాయి.

గత ఏడాదితో పోల్చితే కన్స్ట్రక్షన్ (ఇన్ఫ్రాస్ట్రక్చర్) యాక్టివిటీస్, కంప్యూటర్ సాఫ్ట్‌వేర్ & హార్డ్‌వేర్, రబ్బరు గూడ్స్, రిటైల్ ట్రేడింగ్, డ్రగ్స్ & ఫార్మాస్యూటికల్స్, ఎలక్ట్రికల్ ఎక్విప్‌మెంట్ వంటి ప్రధాన రంగాలు 2020-21 ఆర్థిక సంవత్సరంలో ఈక్విటీలో 100% కంటే ఎక్కువ పెరిగాయి.

2020-21 ఆర్థిక సంవత్సరంలో పెట్టుబడుల విషయంలో టాప్ 10 దేశాలలో సౌదీ అరేబియా అగ్రస్థానంలో ఉంది. గత ఆర్థిక సంవత్సరంలో పెట్టుబడులు 89.93 మిలియన్ డాలర్లతో పోల్చితే ఇప్పుడు 2816.08 మిలియన్ డాలర్లు పెట్టుబడి పెట్టింది.