ఇలా చేస్తే 30 రోజుల్లోనే మీ సిబిల్ స్కోర్ పెరుగుతుంది

15

ప్రస్తుతం కాలంలో క్రెడిట్ లేదా సిబిల్ స్కోర్ ప్రతి ఒక్కరికీ చాలా అవసరం. ఎందుకంటే ఏ లోన్ తీసుకోవాలన్నా బ్యాంకులు, ఫైనాన్స్ సంస్థలు ముందుగా చూసేది సిబిల్ స్కోర్ నే. ఇది వ్యక్తుల ఫైనాన్షియల్ స్టెబిలిటీని తెలియజేస్తాయి.

హోమ్ లోన్, పర్సనల్ లోన్, వెహికల్ లోన్ ఇలా ఎలాంటి లోన్ పొందాలన్నా సిబిల్ స్కోర్ చాలా అవసరం. అవసరం మాత్రమే కాదు సిబిల్ స్కోర్ బాగుంటేనే లోన్ దక్కుతుంది. అందుకే ఏదైనా ఋణానికి దరఖాస్తు చేసే ముందు మీ క్రెడిట్ స్కోర్‌ను తనిఖీ చేసుకోవడం ముఖ్యం. ఒకవేళ మీ సిబిల్ స్కోర్ సరిగ్గా లేకపోతే దాన్ని మెరుగుపరచుకోవడం చాలా ముఖ్యం. 30 రోజుల్లో మీ స్కోర్‌ను మెరుగు పరచుకోవడం ఎలాగో ఇప్పుడు తెలుసుకుందాం. 

25

మీ క్రెడిట్ స్కోర్‌ను మెరుగుపరచుకోవాలంటే మీరు మొదట చేయాల్సిన పని ఏంటంటే.. బిల్లులు సకాలంలో సక్రమంగా కట్టడం. ఎప్పుడూ ఆలస్యం చేయకుండా ఉండటం. అది క్రెడిట్ కార్డ్ బిల్లయినా, లోన్ EMI అయినా ఇలా మరే ఇతర చెల్లింపు అయినా దాని గడువు తేదీలోపు చెల్లించడం మంచిది. మీకు వీలైతే అంతకు ముందే చెల్లిస్తే ఇంకా మంచిది. సకాలంలో చెల్లింపులు ఆర్థిక క్రమశిక్షణను ప్రతిబింబిస్తాయి. ఇది మీ క్రెడిట్ స్కోర్‌ను పెంచడానికి ఉపయోగపడుతుంది. 

35

క్రెడిట్ స్కోర్ సరిగ్గా లేకుండా లోన్స్ కి అప్లై చేసినప్పుడు చాలా ఇబ్బందులు వస్తాయి. ఎందుకంటే క్రెడిట్ హిస్టరీ మీ ఫైనాన్షియల్ క్యారెక్టర్ కి రికార్డుగా పనిచేస్తుంది. అందువల్ల సరైన సిబిల్ స్కోర్ ని మెయింటెయిన్ చేయడం చాలా ముఖ్యం. మీ సిబిల్ స్కోర్ బాగుందంటే లోన్స్ ఇచ్చే బ్యాంకులు, ఫైనాన్స్ సంస్థలు మిమ్మల్ని ధీమా నమ్మి లోన్స ఇస్తాయి.

ఇంకో విషయం ఏంటంటే మీరు ఉపయోగించినా, ఉపయోగించకున్నా క్రెడిట్ కార్డ్ కలిగి ఉంటే మీ సిబిల్ స్కోర్ బాగుంటుంది. మీ అవసరానికి తగ్గట్టుగా లిమిటెడ్ గా క్రెడిట్ కార్డును ఉపయోగించి బిల్లులు సకాలంలో కట్టేస్తే మీ క్రెడిట్ స్కోర్ మెరుగుపడుతుంది. 

45

మీ క్రెడిట్ స్కోర్‌ను వేగంగా మెరుగుపరచడానికి మరొక మంచి ఆలోచన ఏంటంటే క్రెడిట్ కార్డు వాడటానికి లిమిటేషన్స్ పెట్టుకోండి.  అంటే మీ క్రెడిట్ పరిమితి 30 % కంటే తక్కువ ఉండేలా చూసుకోండి. 

ఉదాహరణకు మీ క్రెడిట్ కార్డు లిమిట్ రూ.1 లక్ష అయితే మీరు రూ.30,000 లేదా అంతకంటే తక్కువే ఉపయోగించండి. ఇలా చేయడం వల్ల 30 రోజుల్లో మీ స్కోర్‌ మెరుగుపడుతుంది. సకాలంలో బిల్లు చెల్లింపుల వల్ల కూడా మీరు బాధ్యతాయుతంగా క్రెడిట్ నిర్వహిస్తున్నారని బ్యాంకులు, ఫైనాన్స్ కంపెనీలు నమ్ముతాయి. 

55

మీ క్రెడిట్ కార్డ్ లిమిట్ ని పెంచమని కోరడం వల్ల కూడా మీ క్రెడిట్ స్కోర్‌ మెరుగుపడటానికి ఛాన్స్ ఉంటుంది. మీ పరిమితి పెరిగినా ఖర్చు స్థిరంగా ఉంటే ఆటోమెటిక్ గా మీ క్రెడిట్ వినియోగ నిష్పత్తి తగ్గుతుంది.

మీ బిల్ పేమెంట్ కూడా సక్రమంగా ఉంటే చాలా మంది ఋణదాతలు మీ లోన్ అప్లికేషన్ ని అంగీకరించడానికి వెనుకాడరు. క్రెడిట్ కార్డు లిమిట్ పెంచమని మీ బ్యాంకులను ఆన్‌లైన్ లో కూడా  అడగవచ్చు.