రక్షాబంధన్ పండుగకి మహిళలకు కేంద్రం బంపర్ గిఫ్ట్.. వంట గ్యాస్ సిలిండర్ ధర తగ్గింపు!

రక్షా బంధన్ పండుగకు కేంద్ర ప్రభుత్వం భారీ కానుకలు ఇస్తోంది. ఆగస్టు 30 నుంచి 14 కిలోల గ్యాస్ సిలిండర్ ధరను తగ్గించాలని కేంద్ర ప్రభుత్వం నిర్ణయించింది. దింతో ఆగస్టు 30 నుంచి గ్యాస్ ధర పై రూ.200 తగ్గింపు ఉంటుందని సంబంధిత వర్గాలు తెలిపాయి. సిలిండర్ ధర తగ్గించేందుకు కేంద్ర కేబినెట్ అనుమతి ఇచ్చింది. సవరించిన ధర రేపటి నుంచే అమల్లోకి రానుంది.  

ఉజ్వల పథకం కింద అదనపు సబ్సిడీని కేబినెట్ ఆమోదించింది. అదనపు సబ్సిడీ  రూ.200. ఇప్పుడు ప్రధాన మంత్రి ఉజ్వల యోజన (PMUY) లబ్ధిదారులకు సబ్సిడీ సిలిండర్‌పై రూ.400 ఉంటుంది .

"ప్రధానమంత్రి నరేంద్ర మోడీ గృహ LPG సిలిండర్ల ధరలో రూ.200 తగ్గింపును నిర్ణయించారు, వినియోగదారులందరికీ... ఇది రక్షా బంధన్ ఇంకా ఓనం సందర్భంగా దేశంలోని మహిళలకు ప్రధాని నరేంద్ర మోడీ ఇచ్చిన బహుమతి" అని కేంద్ర మంత్రి అనురాగ్ ఠాకూర్ అన్నారు. 

ప్రస్తుతం 14.2 కిలోల వంటగ్యాస్ సిలిండర్ ధర కర్ణాటకలో రూ.1,105.50, ఢిల్లీలో రూ.1,053, ముంబైలో రూ.1,052.50, చెన్నైలో రూ.1,079గా ఉంది. ఈ ధరలో 200 రూపాయల తగ్గింపు ఉంటుందని సమాచారం. జులై నెలలో గ్యాస్ ధరలు 50 రూపాయలు పెరగ్గా, మేలో రెండుసార్లు పెరిగాయి. ఛత్తీస్‌గఢ్‌, రాజస్థాన్‌, మధ్యప్రదేశ్‌, తెలంగాణ, మిజోరాం రాష్ట్రాల అసెంబ్లీ ఎన్నికల నేపథ్యంలో కేంద్ర ప్రభుత్వం గ్యాస్‌ సిలిండర్‌ ధరను తగ్గించిందనే ప్రచారం జోరుగా సాగింది.

Gas cylinder

కమర్షియల్ గ్యాస్ సిలిండర్ ధరలు కూడా తగ్గే అవకాశం ఉంది. 19 కిలోల కమర్షియల్ గ్యాస్ ధర రూ.99.75 తగ్గనుంది. ఆగస్టు 1 నుంచి కమర్షియల్ సిలిండర్ ధరలు తగ్గనున్నాయి. ప్రస్తుతం బెంగళూరులో వాణిజ్య సిలిండర్ ధర రూ.2190.5గా ఉంది. ఈ ధర కూడా ఆగస్టు 1 నుంచి సవరించబడుతుంది. 

సాధారణంగా వంటగ్యాస్,  వాణిజ్య గ్యాస్ ధరలు ప్రతి నెల ప్రారంభంలో సవరించబడతాయి. ఆయిల్ మార్కెటింగ్ కంపెనీ (ఓఎంసీ) అంతర్జాతీయ మార్కెట్ ధర ఆధారంగా ధరను సవరించనుంది.దీనిలో భాగంగా ఓఎంసీ గ్యాస్ ధరను తగ్గించింది. దీంతో కేంద్ర ప్రభుత్వం గ్యాస్ సిలిండర్ ధరలను తగ్గిస్తూ నిర్ణయం తీసుకుంది.అసెంబ్లీ ఎన్నికలు, లోక్‌సభ ఎన్నికల నేపథ్యంలో గ్యాస్ సిలిండర్ ధరలు దిగొచ్చాయి.