Gold Rate: బంగారం ధర తులం రూ. 85,000 చేరడం ఖాయం...ఎప్పుడు చేరుతుందో తెలుసుకోండి..?

2023 చివరి నాటికి 10 గ్రాముల బంగారం ధర రూ. 85,000కు పెరుగుతుందని బ్యాంక్ ఆఫ్ అమెరికా సెక్యూరిటీస్ (బోఫా) అంచనా వేసింది. దీంతో సర్వత్రా చర్చనీయాంశంగా మారింది. ఇది నిజంగా సాధ్యమేనా అని తెలుసుకోవడమే చాలా ముఖ్యం

బంగారం ధర ఎలా నిర్ణయిస్తారు?
బంగారాన్ని ఆభరణాల లోహం వేల సంవత్సరాల నుంచి ఉపయోగిస్తున్నారు. దీని ధర  డిమాండ్ , విలువ ఆధారంగా పెరుగుతోంది. 2005లో 10 గ్రాముల బంగారం ధర 7000. ప్రస్తుతం బంగారం ధర రూ.62000. ఉత్పత్తి వ్యయం , డాలర్ ధర, బంగారం డిమాండ్, దేశాలు విధించే పన్నులు అలాగే దాని సరఫరా ఆధారంగా బంగారం ధర నిర్ణయిస్తారు. ఇతర దేశాలతో పోలిస్తే భారత్‌, చైనాల నుంచి డిమాండ్‌ ఎక్కువగా ఉంటుంది. అలాగే దేశంలోని సెంట్రల్ బ్యాంక్ అంటే మన RBI కూడా ఎక్కువ బంగారాన్ని కొనుగోలు చేసి ట్రెజరీలో ఉంచుతుంది.

చాలా సార్లు బంగారం ధర ఒక్కసారిగా పెరుగుతుంది. స్టాక్ మార్కెట్‌లో ఒడిదుడుకులే ఇందుకు ప్రధాన కారణం. స్టాక్ మార్కెట్ పతనమైనప్పుడు బంగారం ధరలు పెరగడం సహజం. ఎందుకంటే పెద్ద పెట్టుబడిదారులు బంగారంపై పెట్టుబడి పెడతారు. స్టాక్ మార్కెట్ మెరుగుపడినప్పుడు, వారు మళ్లీ విక్రయించి పెట్టుబడి పెడతారు. ఈ రకమైన హెచ్చుతగ్గులు తక్కువ వ్యవధిలో ఉంటాయి.

క‌రోనా వైర‌స్ వ్యాప్తితో 200కు పైగా దేశాల ఆర్థిక వ్య‌వ‌స్థ కుప్పకూలింది. అన్ని దేశాల స్టాక్ మార్కెట్లు పతనమయ్యాయి. దీంతో ఇన్వెస్టర్లు బంగారం వైపు మొగ్గు చూపారు. అలాగే, ప్రపంచవ్యాప్తంగా ముడి చమురు ధరలు చాలా తక్కువగా ఉన్నాయి. కాబట్టి దానిని దిగుమతి చేసుకునే దేశాలు, పెట్టుబడిదారులు కూడా బంగారంపై పెట్టుబడి పెడుతున్నారు. దీంతో బంగారానికి డిమాండ్ పెరిగింది. కాబట్టి దాని ధర కూడా పెరుగుతుంది. 

ఇతర వస్తువుల మాదిరిగా, డిమాండ్ పెరిగిన వెంటనే బంగారం ఉత్పత్తిని పెంచలేము. ఇది ఒక పరిమితిలో ఉంటుంది. ఈ నేపథ్యంలో 2023 చివరి నాటికి బంగారం ధర రూ.85,000 ఉంటుందని బ్యాంక్ ఆఫ్ అమెరికా సెక్యూరిటీస్ (బోఫా) నిపుణులు లెక్కగట్టారు.

అయితే ఆర్థిక మాంద్యం నేపథ్యంలో క్లిష్ట పరిస్థితుల్లో, ప్రజలు తక్కువ డబ్బు ఖర్చు చేస్తారు. అలాగే, సెంట్రల్ బ్యాంకులు కూడా తమ బంగారాన్ని మార్కెట్‌లోకి విడుదల చేయడం ద్వారా ప్రయోజనం పొందుతాయి. అన్నింటికంటే, ఆర్థిక మాంద్యం నేపథ్యంలో వ్యవస్థ ఆర్థిక పతనం నుంచి త్వరగా కోలుకుంటుంది. ఈ నేపథ్యంలో బంగారం ధరను అంచనా వేయడం కష్టం.

ముడిచమురు తర్వాత మన దేశం అత్యధికంగా దిగుమతి చేసుకునేది బంగారం. అన్ని కార్యక్రమాలకు ముఖ్యంగా వివాహ వేడుకలకు బంగారం అవసరం. మనకు లభించే బంగారం ధర అంతర్జాతీయ మార్కెట్ ధర, డాలర్ ధర, కస్టమ్స్ సుంకం, GST ఆధారంగా నిర్ణయించవచ్చు. మన దేశంలో 10 శాతం సుంకం, 3 శాతం GST విధిస్తారు. వీటన్నింటి ఆధారంగా మన దేశంలో బంగారం ధర నిర్ణయిస్తారు. మనం సరైన అంచనా వేస్తే, 2023  చివరి నాటికి బంగారం ధర 10 గ్రాములకు దాదాపు రూ.85,000 ఉంటుంది. కాబట్టి బంగారంపై పెట్టుబడి పెట్టేవారు ఈ అంశాలను గుర్తుంచుకోవాలి.

ఆన్‌లైన్‌లో బంగారం కొనుగోలు చేయడం ఎలా?
పాత బంగారాన్ని అమ్మి కొత్త బంగారంపై పెట్టుబడి పెట్టకండి. హాల్‌మార్క్‌తో బంగారాన్ని కొనుగోలు చేయండి. గోల్డ్ ఇన్వెస్ట్‌మెంట్ మీకు ముఖ్యమైతే, గోల్డ్ బాండ్లలో ఇన్వెస్ట్ చేయండి. మన ప్రభుత్వమే కాకుండా చాలా కంపెనీలు గోల్డ్ బాండ్లను జారీ చేస్తున్నాయి. అవకాశం ఉంటే బంగారంలో పెట్టుబడి పెట్టడానికి ఇదే మంచి సమయం. బ్యాంకు మీకు వడ్డీ కంటే ఎక్కువ ఆదాయాన్ని ఇస్తుంది.