Gold Rate: అక్షయ తృతీయ రోజు 1 గ్రామ్ బంగారు నాణెం కొంటున్నారా..ఈ జాగ్రత్తలు తీసుకోకపోతే భారీగా నష్టపోయే అవకాశం

అక్షయ తృతీయ రోజు బంగారం కొనాలని ప్లాన్ చేస్తున్నారా.. మీ వద్ద ఎక్కువ డబ్బు లేకపోతే ఒక గ్రాము లేదా అర గ్రాము బంగారు నాణాలని కొనుగోలు చేయాలని ప్లాన్ చేస్తున్నారా.  అయితే కొన్ని జాగ్రత్తలు తీసుకోకపోతే మీరు భారీగా నష్టపోయే ప్రమాదం ఉంది. 

ప్రస్తుతం బంగారం ధర 61,000 దాటిపోయింది. 24 క్యారెట్ల 10 గ్రాముల బంగారం ధర సోమవారం 61,000 దాటింది. ఈ నేపథ్యంలో ఒక గ్రాము బంగారం కొనుగోలు చేయాలన్నా కూడా 6,100 ఖర్చు పెట్టాల్సి వస్తుంది. ఇందులో మీకు ఒక మిల్లీగ్రామ్ తేడా వచ్చిన నష్టపోయే అవకాశం ఉంది. కావున స్వచ్ఛమైన 24 క్యారెట్ల బంగారు నాణెం కొనుగోలు చేయాలంటే ఎలాంటి జాగ్రత్తలు తీసుకోవాలో మనం ఇప్పుడు తెలుసుకుందాం. తద్వారా మీరు నష్టపోరు. 

ఒక గ్రామం అరగ్రాము బంగారం కొనుగోలు చేయాలని భావిస్తున్నారా అక్షయ తృతీయ రోజు రవ్వంతైనా బంగారం కొనుగోలు చేస్తే మహాలక్ష్మి దేవి కొండంత సిరులు కురిపిస్తుందని భక్తుల నమ్మకం. అందుకే తమ శక్తి కొలది భక్తులు కనీసం ఒక గ్రామం నుంచి అర గ్రాము బంగారం కొనాలని భావిస్తుంటారు. అయితే దీన్నే ఆసరాగా చేసుకొని నగల షాపుల కస్టమర్లను మోసం చేస్తూ ఉంటారు.ముఖ్యంగా అర గ్రాము,  ఒక గ్రాము బంగారు నాణెం విషయంలో  చాలా జాగ్రత్తగా ఉండాలి లేకపోతే మీరు మోసపోయే అవకాశం ఉంది.  

ఎందుకంటే అక్షయ తృతీయ సందర్భంగా హడావిడిగా మీరు బంగారు నాణాలు కొనుగోలు చేసినట్లయితే నకిలీ బంగారు నాణ్యాలు మీకు అంటగట్టే అవకాశం ఉంటుంది.  అంతేకాదు తక్కువ క్వాలిటీ ఉన్నటువంటి 22 క్యారెట్లు 18 క్యారెట్లు 12 క్యారెట్ల బంగారం నాణేలను మీకు అంటగట్టే వీలుంటుంది వీటి ధర తక్కువగా ఉన్నప్పటికీ మీకు 24 క్యారెట్ల పేరిట అంటగడతారు. 

24K, 22K, 18K బంగారం మధ్య వ్యత్యాసాన్ని అర్థం చేసుకోండి. 
24 క్యారెట్ బంగారం అంటే స్వచ్ఛమైన బంగారం ఇందులో ఏ ఇతర లోహ మిశ్రమం కలవదు. స్థానిక మార్కెట్‌లో, ఇది 99.9 శాతం స్వచ్ఛమైనదిగా గుర్తిస్తారు. ఇది చూసేందుకు ప్రత్యేకంగా ప్రకాశవంతమైన పసుపు రంగును కలిగి ఉంటుంది. 24 క్యారెట్ల బంగారం. మృదువుగా, తేలికగా ఉంటుంది. దీన్ని సాధారణ ఆభరణాల తయారీలో ఉపయోగించరు. 24 క్యారెట్  బంగారాన్ని నాణేలు, గోల్డ్ బార్లు తయారు చేయడానికి ఉపయోగిస్తారు.

22 క్యారెట్ల బంగారాన్ని ఎక్కువగా ఆభరణాల తయారీలో ఉపయోగిస్తారు. 22K బంగారంలో, లోహంలోని 22 భాగాలు బంగారం మరియు మిగిలిన రెండింటిలో వెండి, జింక్, నికెల్ మరియు ఇతర మిశ్రమాలు ఉంటాయి. దీనిని 91.67 శాతం స్వచ్ఛమైన బంగారం అని కూడా అంటారు. ఇతర లోహాలను కలపడం వలన బంగారం కొంచం గట్టిపడుతుంది తద్వారా ఆభరణాల డిజైన్లు మన్నికగా ఉంటాయి. 

18 క్యారెట్ బంగారం 75 శాతం బంగారంతో కలిపి 25 శాతం ఇతర లోహాలైన రాగి, వెండి మరియు ఇతర మిశ్రమాలను కలిగి ఉంటుంది. ఈ రకమైన బంగారాన్ని ఇతర వజ్రాభరణాల తయారీకి ఉపయోగిస్తారు. 24 క్యారట్, 22 క్యారట్ బంగారంతో పోలిస్తే ఇది తక్కువ ధర. మీరు ఎల్లప్పుడూ హాల్ మార్క్ మరియు స్వచ్ఛతతో కూడిన ఆభరణాలను కొనుగోలు చేయాలి. 

మీరు బంగారం నాణాలు కొనుగోలు చేయాలనుకుంటే.  నేరుగా బ్యాంకుల వద్ద కానీ,  పోస్ట్ ఆఫీస్ ల వద్ద కానీ,  ఆన్ లైన్ లో కానీ MMTC అనే కేంద్ర ప్రభుత్వ సంస్థ జారీ చేసిన  నాణేలను కొనుగోలు చేసినట్లయితే మీరు స్వచ్ఛమైన బంగారం పొందే వీలుంటుంది.  టెంపర్ ప్రూఫ్ ప్యాకింగ్ లో వచ్చే ఈ బంగారు నాణాలను కొనుగోలు చేస్తే మీకు 24 క్యారెట్ల స్వచ్ఛమైన బంగారం లభిస్తుంది.